مسيتوا بالخير جميعاً
عساكم بخير مع جو الامتحانات ..
يارب توفق سناعيسو وكل ابوكم
البارح
وغدتي الجميله حصوصه >> القرد بعين امه غزال
لها يومين وهي تقول ماما ابيك بسر
ولا ابي احد يدري عنه
قلت :اوكيه حيبيتي
ونا انشر الغسيل البارح تالي الليل في السطح
جتني قالت : ماما فرصه حماده بعيد بكلمك
قلت تعالي في عريش اخوك>>
عباره عن سعفتين يابسات وكرسي متكسر وشلال حالتوه حاله وملزم يسميه عريش
هاه وش في عيوني؟
قالت : انا أحب وهي مدنقه http://gif.vip600.com/smiles/6/5112b...014cc666ca.gif
:
:
:
دار السطح وبدال القمر صارت شمس عندي وشفت هيلوكبتر يتمشى بسماء
جمعت راسي الي تشتت من هاللي عشقته بنتي >> مغروره ماتشوف احد شي
اه لو اقول لامي ونا صغيروره كان حكم قصاص مستعجل .. ماعلينا
وش اسوي مع شامان صار معاهده حصوصه لفواز وفواز لحصوصه
قلت : حبيبتي من هو هذا الي حبيتيه !
قالت عبودي
وتحام تسبدي ويوجعن ظهري ،،وغد مااااااااصل >> ياثقل الارض
قلت موقلبك خضر الا اصفر خايس
قلت ليش تحبينه...!قالت :
شجاع
شرير
شعراته على وجه
ونظاراته حلوه،
وينشد يقول سرايفوو >> تحسبها اجنبيه
ويصلي >> اهم شي الدين
وشمري >>ثاني خصله زينه
ويلبس ثوب تحته بدله عليها رقم ياسر واسمه >>عقدت الام صارت مزايا للبنت
هلالي
وكسلان
ويضحك مره
خدوده لونها غير>> شدوق متشققه
معه جوال الشيطان
ويشغل سياره ابوه >> ددسن له حنايا
ويمشي على يديه
ويلعب كيرم احسن منك
ومعه مصاقيل بعلبه>> حق نيدو >> كل هالصفات عكس طارق المصري يالبي قلبه
يلمس الجمل والخيل مايخاف
ويخنق القطو الوووع >> فيه عرق شباب الفله
( كله على بعضه حلو)قلت وش توجسين ..!
قالت اذا ذكرته اضحك وافكر واقول متى يجي من الدمام
قلت : يقلع الحب وسنينه..
قلت : خليه سر لاتعلمين احد
وسكت قلت الله يعينك ويصبرني
الموضوع مو موضوع حصه وحبها الخات
الموضوع كيف تكسب طفلك او اخوك/ اختك خاصه من هم بعمر المراهقه ومحتاجين احد يسمعهم
اختي الصغيره تفقدني عند سفري او انشغالي تقول ابي اتكلم معك..!
وتقول سوالف تجيب الهم >> خربطت مراهقه
بس لازم اسمع لها
وتشاورني بخواطرها ورسومها وبكل شي اذا تاخرت عنهم دقت علي :تعالي ولابجي
:
:
:
اخي / اختي كونوا اصدقاء لمن هم اصغر منكم
(اطفالك . اخوتك . اولاد الاخوة. ومن تريد )
