عرض للطباعة
اخواني
لفت نظري في فتره سابقه وفي هذه الفتره
انتشار ظاهره في مضايفنا واستغربها صراحه
وهي تعدد اليوزرات بغرض الاسائه للبقيه
انا لا اعلم هل هو خوف من مواجهة العضو ( المحقود عليه )
ام ماذا ؟
اليس صاحب اليوزر رجل ؟
اليس من المفترض عليه ان يقابل لا ان يطعن بالظهر ؟
تعرضت لهالظاهره واكيد كثير من الاخوان تعرضوا لها
مجرد ظاهره لا تقدم ولا تؤخر عندي
حبيت نتناقش فيها
لعل وعسى احدكم يعرف في الطب النفسي ويفيدنا وش علة الاخ بس
وتقلدوا تحيتي
هذا دلالة على ضعف شخصي _ بحيث لايستطيع هذا الشخص مواجهة الموقف واتخاذ القرار ، ويختفي وراء شخصية وهمية عله يستطيع أبداء مايجول بنفسه من احقاد .
تحياتي لك شبث
هذه ظاهرة أضرب وأهرب فإذا مورست ضدك هذه الظاهرة فأعرب بأنك أقوى ممن مارسها ضدك فلاتأبه به وهي وسيلة الضعفاء.
إعتقد بأنني من أكثركم إفصاح عن بطاقتي الشخصية ولن إحتاج للجوء إلى مثل هذه الظاهرة الدنيئه.
شكراً لك شبيثان على التنويه عن هذه الظاهر الغير سويه.
يمكن الشخص اللي يسجل بيوزر ثاني
مو حاب انه يناقش او يكون له رأي معارض
خوف من ان البقيه يكون النقاش معهم قوي ولا يقدر يرد بشئ زين
قيدخل يقول كلامه وصلى الله وبارك
لانه لو دخل باسمه مجبر او من الذوق بمعنى اصح
انه بدا نقاش يكمله ولا يسحب
يعني عنده قلة ثقه بارآءه
فيقولها باليوزر الثاني
ويضل الشخص اللي مع البقيه ولا له رأي معارض اي مرهـ باليوزر الاصلي
8
8
شرح نفسي :)<<<تحب تحلل :blushing:
الحمد لله بس
لا يضيق صدركـ من هالظاهره
اهم شئ مايجرحونكـ ههههه ولا يضرون احد
هم خسرانين سمعتهم لو احد عرفهم صح؟
بس:blushing:
حي الله الاخ العزيز الشبث وموضوعه.
مسألة تعدد الاسماء بقصد الطعن والهمز واللمز
هي مسألة بعيدة عن اخلاق الانسان المسلم وقيمه
التي عاش وتربى عليها لذلك اعتقد ان من يمارسها
هو انسان يعاني من خلل في منظومته الاخلاقية والتربوية
لذلك يجب عليه مراجعة نفسه حتى يصلح هذا الخلل المعيب.
اقتباس:
المشاركة الأصلية كتبت بواسطة الشبث
والله كلامك جميل وموجود هالشيء في جميع التجمعات .. المضايف يعتبر مكان تجمع
فعندما ترى ذلك فاعرف انك افضل من هذا الشخص لانه ما فعل ذلك الابدافعين احساسه بانه اقل منك ... وانه يخاف من مواجهتك ... فهو خفاش لا يستدعي الاهتمام له ..
فلو حقرته فترة ما راح يطول .... :315r:
*****************
يجب ان تتعود على هذا النوع من البشر ... فالضعيف الذي لايواجه هذه طريقته بالرد
يجب عليك ان لاترعى لهم اي اهتمام ...
فأنا مثلا لدي اربع اشخاص بالعمل ... ما ني محدد من اي منطقة .. جبناء شغلتهم تشويه سمعتك او الاساءة اليك فدعهم للزمن هو الذي يوضح للناس حقيقتهم ... :)
اعطيك قصة / مرة اتاني واحد من زملاء العمل فقال فلان يذمك ويذكرك بسوء ... فاجبته بالضحك قالت اذا بدأ يخربط جيبو له حب وشاي وعباءة ......
هذا الانسان مسكين :thumb:
بشكل عام
الشخص الان اللي هذا طريقته يكرهه الناس :)
وثانياا / هو نفسه يتصارع مع نفسه .
لان الكره والحقد من امراض القلوب عفانا الله منهاا:)
امل منك ان لاترى هؤلاء اي اهتمام لان مثل هالمواضيع تعطيهم احساس بانهم ناجحون .... وهم ليسوا سوف مجموعة من المساكين الذين يجب على المجتمع ان يعطف عليهم :)
والله أنا ماسبق وأن تقاطعت مع أحد أشعر أنه مسجل هنا على شان يرد
لكن عموما أنا ألحظها تمارس بشكل متفاوت
لاتنقل هم>>> هذه الطريقه مؤشر يدل على الانهزاميه
،،شووف يابناخي هالدنيا مليانه بالمستفزات ومليئه بالتصرفات الغريبه
ولو وقفت عند كل على علامة استفهام لن تتقدم أبدا
بعيد عنك يا خوي شبث
المسأله واضحه مثل عين اشمس .....الدعوى حسد في حسد
ومثلك عارف ها اليومين الحسد منتشر بكل مكان
كل وده يطلع ع كتوف الثاني الهم يا كافي
الواحد منهم تفقع مرارته اذا شاف احد مقدم شي حلو
اللهم طهر قلوبنا من هذا الداء العضال
تقبل مروري
اسف اني مارديت عليك وكان متاخر الرد
لكن ظاهره يكون فيها السبب الى ضعف شخصيه الرجل ويكون دايح لانه لو
كان رجل يقول انا فلان او لا
ينهزم من خصمه وهذه تهددنا لكن ثق تمام الثقه بالله ثم باانفسنا اننا نحاربها
بشتى الوسائل ..
الله لا يحرمنا منك ومن توجيهاتك
اهلا ابو ماجد ...
البعض يجعل اليوزر كالقناع يتخفى وراءه ...
يوزر .. للمقالات والمواضيع الهادفة ..
يوزر .. للضحك .. والسب وجني المخالفت ..
يوزر .. انتحاري .. هذا اليوزر عاد يخرب فيه الدنيا ويطلع ...
وكما قلت ...
الامر يرجع إلى شئ في الشخصية ..
شكرا لك .. ومواضيعك ذات فائدة ..
اقتباس:
ومواضيعك ذات فائدة
نعم اخي منصور مواضيع الشبث مفيدة
لكن اين هو؟
انت بحكم صفتك اليوم لابد وان يكون لك موقف!
من الذين يكتبون مواضيع بالعام وينسونها!.> امون عليك وعلى الشبث!.
^
^
تمون .. بلا أدنى شك ..
ياهلا بالجميع واعتذر منكم على التأخير
ويا سبحان الله جيت مع رد اخوي عبدالرحمن هههههههههههههه
اخوي صلفيق
لاهنت على مرورك الطيب ورايك
وتقلد تحيتي
ابو عارف
جبت المفيد
اضرب واهرب
اقرب وصف لهالحركه
لاهنت يالذيب على هالمرور
وتقلد تحيتي
هلا خزيم
كلامك فيه منطقيه لو ماكان يغلط على احد
لكن يتهجم ويبدأ بالهجوم هذي قويه ههههههههههه
لاهنتي على هالمرور
وتقلدي تحيتي
يعطيك االعافية اخي ابو ماجد
لإلقاء الضوء حول هذه الظاهرة
التي أتمنى أن تتلاشى من مضايفنا
فمهما اختلفت اليوزرات تبقى لمحات من وراءها واضحة
و عقولنا تعلم هذا الأمر ...
بوركت فاضلي ..
هلا باستاذي عبدالرحمن
كلامك فسر الظاهره ومن يعمل بها
لاهنت على هالمرور والمشاركه الطيبه
وتقلد تحيتي
هلا اخوي طلال الاسلمي
ياخي والله اخجلتني بهالمداخله وهالرد وهالاضافه المميزه
الله لا يهينك والله شرفتني بهالمرور
وتقلد تحيتي
هلا خالي متوقد
لو ما اخذت من ردك الا اخره كفاني
لاهنت يالذيب
وتقلد تحيتي
اختي شامخه
كفانا الله شر الحسد يارب
الله لا يهينك على هالاضافه
وتقلدي تحيتي
اخوي الضاري
الحمد لله اثق ثقه تامه بنفسي
واعترف بخطاي اذا اخطأت ولا همني احد
وعلى قولتك اهم شي الثقه
لاهنت يالذيب
وتقلد تحيتي
هلا اخوي منصور
حلو هالتصنيف ههههههههههههههههههههه
الله لا يهينك والمعذره على تأخري بالرد >> خايف من سيادة المشرف ههههههههه
وتقلد تحيتي
هلا اخوي عبدالرحمن
تمووووووووووووووووون واستاهل الهواش ههههههههههههههههههههه
بس والله جيت بعد هالموضوع بفتره ويوم جيت ولا هو نازل تحت
ولا حبيت ارد وارفعه احتراماً لاصحاب المواضيع الجديده
ياليت تقبلو عذري
وتحياتي للمشرف منصور هههههههههه
وتقلدوا تحيتي
هلا اخت شام
المشكله ان صاحب اليوزر يعتقد انه غير معروف هههههههههه
الله يهديه بس
لاهنتي
وتقلدي تحيتي
خير الكلام ماقل ودل ...هذي اسمها تفاهة
تقديري لك يامشرفنا .. القدير والمميز والصريح
هلا اختنا صعوه
وشكرا على هالقليل الصريح ههههههههه
وتقلدي تحيتي
بكل صراحه
اطلب من الاخوه المشرفين ان يركزوا على التسجيل
وكثرة الاسماء المجهوله
لان المجهول بامكانه الاخطاء على اي شخص
ويخرج ويبقى العضو متاثر لما حدث
فنحن هناء نهتم بكل الاخوه الاعزاء ولا يسعنا
ان نفقد احدا منهم اونستغني عنه
اما من يستخدم الاسم المجهول بقصد التخريب هنا
نرجوا من الاداره ان يلغي الاشتراك له باسرع وقت
ولا ,,,,,,,,,يرضيك هالشي يامن انت مسأول
هلا باخوي ضيدان
كلام طيب
وهالوضع وهالظاهره طبعا في جميع المنتديات بالنت
نتمنى ا وجد عندنا مثل هالشخص ان الاداره تتفاهم معوه
لاهنت اخوي ضيدان
وتقلد تحيتي
اقتباس:
المشاركة الأصلية كتبت بواسطة عبدالرحمن
لا ازيد على هالكلام
فقد وفى وكفى اخي عبدالرحمن
والادهى والامر
اذا كان رجل بنك بنت ..
هنا تتعدى مرحلة الهمز واللمز الى قلة الرجوله
تسلم يابو ماجد
ابو غازي
كلنا نتعلم من اخونا عبدالرحمن
لكن بالله ما تقولي وش هالكسل اللي بك ما تكتب ههههههههههههههههه
لاهنت يالطربه على هالمرور
وتقلد تحيتي
هلا بالغالي مشعل
هذي بعد العن شوين ههههههههههههههه
الله يهديهم يارب
لاهنت على هالمرور
وتقلد تحيتي