% مواقف مع الوالد % ( 2 )
واااااحد
زماااان ايام الطفوله المفعوصه جاني ابوي وانا العب الظهر
( العب مع نفسي في منظر قمه بالبرائه )
وهو يشوتن بوز في منظر قمه بالاجحاف والظلم
قال قم جالسن بهالشمس يهالهتلي
طبعاً انا طنقرت وقلت لازم انكب الوالد
لاوه ضربني وانا ما اوذيت احد ولا قلت لاحد شي
واخليه ليما نام
وانا اطلع من البيت واروح للربع
واطق عليهم بيت بيت
واقول لهم ابوي يعزمكم على العشاء الليله
ويقول لازم تجون من المغرب
كل الربع قالوا تم
واللي ماقال تم حلفت عليه ليما قال تم
يوم جاء المغرب ولا الوالد جالسن مع الوالده واخواني ( انا شي طبيعي لايذ بالفرار )
وهو يطق واحد منهم الباب ويصوت يابو فلااااان
وهو يجيه ابوي
ولا لا فيه لا قهوه ولا شي
وهو يقلطوه ابوي ويضبطون القهوه ويتقهوون
شوي ويجي الثاني
والثالث
والرابع
والربع كلهم
ابوي طبعا بهاللحظه انصفق وجهوه
مايدري وش السالفه
يحسب فيه كارثه ولا مصيبه
مايدري وش عندهم جوه كلهم
يوم خذالوه شوين قال ابوي
يالربع عسى ما خلاف وش السالفه
قالوا الربع والله يابو فلان جانا ولدك شبيثان وعزمنا وحلف علينا يقول ابوي يعزمكم
على العشاء الليله وجينا
قال ابوي اجل السالفه به شبيثان
وهو يقمز وياخذ الرشاش قال ذابحوه ذابحوه ملعون الرقبه
وهم يمسكووه الربع ويحلفون عليه ( ياحبيلهم يحيا العدل )
قال عاد ما تمشون ويعشيهم عشا من جنب القده
ويحلف عليهم الدزابله عشا عندوه
وهم يعيون
قال اذا ماجيتوا ابذبح شبيثان ( الحمد لله والشكر وش دخلني فيهم )
واشوى وافقوا
بالله تخيلوا انهم انذال تسان رايح كشنه
اثنين
مرتن من المرات كان الوالد جالسن بالحوش الصباح
فارشن فرشتوه وحاطن دلتوه وبريدزوه عدوه ويتقهوى في جو خلاب
وانا توني داخل البيت
وامر اسلم عليه
ويرد السلام عادي ( العلاقات طيبه )
استغليت الوضع انا وجلست معوه
يوم راعيت ولا فيه بس على جدار السطح
وهي تجيني اللعانه
وانا اروح للسطح
واخذلي خشبه كبيره لو تصفق به ريال فسحه يصير نص ريال فسحه
وانا اتغفل البس ( شكلوه نيم )
وانا امحطوه بالبطن
وهو يسلقط من فوق
وانا ارقا على الجدار ابشوف وش صار فيه
( نسيت الوالد والجلسه الخلابه )
يوم راعيت ولا البس صافقن على دلة ابوي والقهوه منكبه عليه ومنعفس
ويراعيلي
ياحليلوه وجهوه يقطر قهوه
ويراعيلي بعينن قشرى
قال خلك بمكانك جايك ( واويلي اللي جاني )
تسيف عجست اتحرك او اهرب من الخرعه
وحسيت بدوخه
يوم وصل السطح بالسلامه
وهو ياخذ الخشبه اللي صفقت به البسه
قال يالله طب
قلت وشو
قال اقوووووووولك طب
قلت ابشر
وانا اراعي ليمار ماحولي قاع
وانا اراعيلوه قلت مصمم
قال طب لا ارجفك اخللللص
وانا ابتسي
حرااام عليك يبه
تبيني امووووت
وااااااااااااااااااااااااااااااااااااا
وبهاللحظه وهي تجي امي
وشبلااااكم
وانا احول من الجدار وانصا امي
واصيح
يمه ابوي يكرهني يبيني امووووت
يمه يبي يذبحن
واشوا فكتن امي يابعد زولي
وه بغيت اروووح
ياخسارت شبابي
واسف على الاطاله
وتقلدوا تحيتي
