"الفراق" .. ربما تمر هذه الكلمة مرور الكرام على متلقيها .. إنما لن يحس بألم هذه الكلمة إلا من عاشها .. فعلاً كلمة صعبة .. والشعور بها أصعب .. ومع كل الصعوبات يبقى "الأمل" .. فلولا "الألم" ماعرفنا "الأمل" ..
لا أجيد المقدمات .. ولكن أضع بين أيديكم هذه المتواضعة لعلها ترتقي إلى رفيع ذوائقكم .
[poem=font="Simplified Arabic,5,white,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
على "شط الفراق" أجلس مع "قلبٍ" بكى مشتاق = أبد ما مَل من صبره .. ولكن هالصبر مله
على "شط الفراق" اللي خذا من حزننا "ميثاق" = "وعد" لازم يفرقنا وياخذ خل من خله
جلست أرقب رجوع اللي غيابه حيل ماينطاق = في حر الشمس يكفيني "سراب" وينعكس ظله
"يانور الشمس" بيّن له ترى الواسع فصدري ضاق = عليك الله ووجه الله "يانور الشمس" وصل له
وإلى جا الليل يانجومي وبان "الكوكب البراق" = أبي هالنور من دربه يجيبه.. دربي يدله
أبي أردم بحر فرقاه برمل "الحب والأشواق" = أبمشي كثر مايمشي أو "أكثر" لين أوصل له
وإلى شفته يطول الشوف لأن الشوف له "تواق" = أو إنه من كثر حزني تصيب عيوني العلة
((خفوقي له عيون وساع ولكنها بدون أحداق = أحبه ما يعوق الشوف ولو شوفي عمى كله))
وإذا حال البحر دوني ودونه وامتلينا فراق = وذقت الملح من دمعي ومت و عشت في ذلة
أبكتب في سما حروفي لعل فيوم لي يشتاق = ويسأل ياترى أهواه !! ترد اصداه : إي بالله
[/poem]
أختكم
نــ بنت الفهد ــوف
