مرحبا يالفلاويه
شخباركم مع البرد..!
:
:
بقول السالفه الي عندي
بعد دوام الاربعاء والجو بارد
جاني البرنس حماده قال يمه تراي عازم الشباب ومعهم اخوانهم الصغار بكره العصر
الله الله بالحركات والشغل الزين
قلت :ابشر ياابوي
واصبحنا الخميس
وبعد العصر
بدت الوفود تتجمع ..كن حماده دوله مستقبله اجتماع القمه داخل طالع>> ماقلت شي ترى
وعاد هاه يمه لايشوفونك الشباب ابد ..تكفين
ويهاوش اخته والله لو تنزلين للدور الي تحت ياويلك ..بتبرى منك >> فديت الغيره على المحارم
وبعد بدايه الاجتماع
جاني حماده باشا قال يمه وش اسم ام فهد يقول انا عارف اسم امك وكل شوي يقوله
قلت منيره ..
ويروح ويرجع ..
يمه
وش اسم خالة نواف الي تزوجت من الفلانيه في الاجازة تدرين حافظ اسامي خواتي وخلاتي وعماتي.. الوسخ
لاحول ولاقوة الابالله متى تفكك هالعقد..!
وادخل عليهم بزعم اني بصورهم واكسر الحواجز بيني وبينهم ..بغى حماااده ينجلط
ويستحون والعوينات تتلاقط ،، ياحليلهم
وينقز واحد خاله وش تشجعين ؟ واي لاعب يعرف يلعب ؟ وش الفريق الاروبي الي تتابعينه...؟http://www.yesmeenah.com/smiles/smiles/2/004.gif
اممممم اسئله صعبه .. والله البلشه
قلت اشجع الهلال (الهلال عالي عالي) والاعب اكيد ماجد عبالله
والانديه الاوربيه مااااحبها كفار >>>عاش مصرف
ووغدي يتقلب وجهه جاء نصراوي على هلالي على مخلط ماشستر
المهم قام واحد جرئ ويحب الفضايح قال :خاله تدرين ان حماده يهرب من المدرسه
قلت :ايش .. تهريب >> اشتغلت الجينات الوراثيه
قال حماده : هالسنه مرة وحده بس ..
وابتسم ابتسامه ،،توعد خل الشله تروح واوريك
واطلع واخلهيم وافكر بتهريب الولد ضايقن صدري
لحظاااات
الاواحد يصيح وله جعير
ويجي عندي >>هو احد اخوة الشباب المعزومين (صغير 6 سنوات)
خاله: شو فيهم..http://www.yesmeenah.com/smiles/smil...94ec4a0f1e.gif
وش فيهم ياحبيبي ..اوريك فيهم
وش سويتوا بخلودي ليش يبكي
قال وهو يشاهق ياله يرد النفس : ماحلبوني
قلت: ايش وشو
قال واحد منهم :مافيه حليب وملعبينه عشان خاطر اخوه ..
صاروا الوغدان الكبار رعاه وراعين حلال ،والوغدان الصغيرورين حلال (بهم)
خلاص احلبوه وفكونا ..قال لا خلاص مابي اصير عنزhttp://www.yesmeenah.com/smiles/smiles/23/042.gif
قلت هاه وش تصير ذيب >> برفع معنوياته
قال :لاوع ابي اصير تيس
قلت حطوه تيس وله قرون بعد
قالوا لا مانبي وتصير هوشه وبطلوا عن اللعبه http://www.yesmeenah.com/smiles/smil...914fd78f7c.gif
ولعبوا لعبه ثانيه >> تبكي بصراحه
حرب
حطوا المخاد والمراكي زي الحاجر وهات http://www.yesmeenah.com/smiles/smiles/18/044.gif..يارمي
معهم مسدسات ام خرز وبنادق ام خيط http://www.yesmeenah.com/smiles/smiles/18/059.gif
وموت واسمع غزة واسرائيل واستشهاد..>> مالي دخل فيهم هم الي يقولون
ويجي ولد اختي ابشري ياخاله : ولدك استشهد
قلت : قل آمين الله يشرفني فيه ويموت شهيد في سبيل الله
وانا ودي اصيح http://www.yesmeenah.com/smiles/smil...db2668114c.gifبغيت اجي الخنساء الاشوي بس ربي ستر
قلت رددوا معي ياشباب:
اللهم انصر الاسلام والمسلمين
اللهم انصر الاسلام والمسلمين
اللهم انصر الاسلام والمسلمين
آه ياغزة
:
:
:
وفي نهايه العزومه الي ماخلصت الا الساعه 11 ليلاً
قعدنا نرتب المكان الين الساعه 2 فجراً وكملنا الباقي الجمعه
:
ادري جاكم مغص وصداع بس تحملوا سماجتي انا ووغدي وشلته بعد
فمان الله
