... وزن الـذره ...
بكل الود تقبلوا هذ البسيطه
للتواصل فقط
.
.
ااخذ بي الفكر صبح اليوم كم فرة "
" روابعٍ بين اصدقها واكذبها
اقول لالا. وهم . وآعاود الكره "
" ياصعبها وسط فكرك يامحسبها
هملتني يارفيق العمر بالمره "
" واخلفت كل الأمور اللي نظنبها
وانا خويك على الحلوات والمره"
" ياحيف بعض المسايل لاتشحبها
اما يالاثنين فاللي يازن الذره "
" والا طيوراً عشاها في مخالبها
نفسي طموحاً عزيزة عايشة حره "
" ولانيب دايم على الهزلات ادربها
ولا اصاحب الا حراراً تكسب الدره "
" ابطال قوماً تنومس من يصاحبها
يوم ان بعض العرب حلم العرب غره "
" اخاف من كلمةً تخشى عواقبها
ماعمري اتبع كلام الناس والجره "
" تمشي على كيفنا والا نخربها
ماني بخبلٍ الا اقفى صاحبة ضره "
" اموت زلت رفيقي ماهرجتبها
ويوم ان غير سهر سلالة وشره "
" نفسٍ تروم الردية عند شاربها
كم ليلةٍ بتها والعين مستره "
" واللي قصد حاجةٍ لازم يفوزبها
