[poem=font=",6,white,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
سحب النظر طشّت على جوّي آمال=واحيت جراهيد الخفوق بهطوله
واحيت يباس اغصان وصل ٍ غذى الحال=سافي سموم البعد موّت أصوله
واطفت حرايق شبّها الصد بهبال=لولا نزوله راح من كان حوله
بيد الحقيقه من مطرها بها اهوال=عشبه كسا روض الاماني حلوله
عشبه دعى ذود المشاعر للبهال=والذود مبهل قبل تخضر سهوله
سحب ٍ توديني على ليل و وصال=لحظة ثمل وجه الحيا من حصوله
ليل ٍ غشا المقفي ولا لدّ با اقبال=لانّ القبال الصبح زاور مثوله
عادت بي لْصيد ٍ تحدّا على جفال=قبل الكفوف تشيل بندق تطوله
عادت بي لْغيبه وراها لقا ارجال=ضعونهم بين المحاني نزوله
ترجع بي لْصرح اللقا صرح الاهوال=صرح الحروب و صرح سلم و بطوله
ترجع بي لْخصر ٍ لقا تحته اثقال=ردفين تعدل من زورايا ميوله
سحب ٍ توديني على برد ما طال=لحظة حضر حضن الدفا طاح طوله
قبْل الغلا يجلس على شطّ الاهمال=قبْل الهموم تسوق موج ٍ ينوله
سحب ٍ لها برسم مساحات واشكال=لوّ انّ عامه عاد واحيا فصوله
برسم ملامح سبّة الذنب لو شال=عفو العتب ثوب الفراق و فلوله
يوم اشتكى باب الهوى الصمت وش قال=شبّاكه الملعون محفوظ قوله
لو سارت اقدام القلم دون ما مال=على وطا رمضا الورق شان زوله
طعم الغرام و مبسم الشوق قتّال=يقتل احاسيس البرود الكسوله
لون الهيام و خنجر الوجد لا زال=يطعن شعور ٍ ما عنت له خجوله
نجل العيون و نهرها كان محتال=ينضب سنين و يوم تكثر سيوله
لكن رسم بسمه على شفاه رجّال=منها رجع لْسنين سن الطفوله
[/poem]
