إكتئاب صباحي
مساء / صباح الخير جميعكم
اختكم حصه تبي منكم نصيحه ولا دواء ولا اي شي عشان تطيب من اكتئاب الصبحhttp://www.yesmeenah.com/smiles/smil...9976f80a57.gif
؛
؛
انا من عرفت روحي وانا ماحب اتكلم الصبح ولا اكل ولا اشرب الاماء
تبدا المعاناة من بعد الفجر الا الساعه تسع وفوق
ماااحب احد يتكلم كثير ولا احد ياكل عندي
بقولكم معاناتي في اماكن وازمنه متفرقه :
ايام ثاني ثانوي كنت اركب مع الباص ذاك الاصفر المقلم بااسود واكون من الطالبات الي يجي الباص مبكر سواق الباص متعب بصراحه ليته يسبح ولا يهلل على هالصبح ولايسكت على الاقل
يهيجن :(وبصوت عالي :ياحمام الورق ... وعديت بالمستقلي... >> وشلتها
وتسبدي تقلب واقول ياعالم سكتوه لا اسوي جريمه فيه http://www.lakii.com/vb/smile/5_16.gif... من يسكته محد
قمت وجبت سدادات الاذن حقت الطياره وصرت في اخر مقعد في الباص ..
وانتهت مشكلتي معه اهم شي اغمض عيوني عشان مااشوف خشته وهو يتميلح اخاف انفجرhttp://www.lakii.com/vb/smile/5_25.gif
ورحت للكليه وركبت نقل صار يسولف ويقول قصه حياته في الجوال ولايسولف مع بنته ..قلت لها سكتي ابوك http://www.lakii.com/vb/smile/5_28.gif
ولا ادور نقل ثاني >> تهدد هي وجهها
قالت هو يتلهى عشان مايجيه النوم... المهم انه التزم الصمت لطلب الرزق
وتوظفت في مدرسه بعيده عن البيت وكنت اروح مع عمي لان مدرسته جنب مدرستي
واركب الصبح بس فيه ازعاج وغدانه يسولوفون مايسكتون ولا مراهقين >> وع تسبدي اوجعتني ماصلين
حاليا
اركب مع اخوي وهو عارف المزاج حق الصبح ضارب عندي ووغداني ملتزمين الصمت صباحاً>> اجباري الي بيسولف يطلع بالحوش
:
اليوم عاد تعبت كل اسبا الاكتئاب اجتمعت
وغدي حمود يسولف عن مغامرات له في المدرسه على اخته وهم يفطرون
عند الباب حفريات وكل بنقالي مولع تتنته
ركبت بكل هدوء كعادتي اليوميه
سلام ..عليكم السلام
بس كان معه كوب حليب وانا اتعب شوين يوم وقف عند الاشارة ويميل الكوب وينكب ويجي عباتي بغى يغمى علي >> تسبدي تمغصني
وانزل واجلس على المكتب ومازال الالم يعتصرني
وتجي احدى اعضاء هيئة التدريس وتجلس بالقرب مني تبي اسويلها جدول
هنا
بغيت اموووت
صبح + صبح يوم السبت + وغدان يسولفون+ عمال يدخنون + حليب منطش علي + ريحه ثوم وحلب وعرق = اختناق مدري تسمم >> اقلد متكي
واركض بسرعه للحمام ... ماصار شي http://www.lakii.com/vb/smile/4_12.gif
استاذنت ماقدرت اكمل الخمس دقايق الاخيرة من الدوام
:
:
والله اني اعاني اخواتي واخواني ..تعبت وش اسويhttp://www.lakii.com/vb/smile/5_80.GIF
رحت لطبيب باطنيه يقول : مافيك الا العافيه
رحت لطبيب نفساني قال: تدلعين انتي...!
اسدحوا حلولكم يابعد حيي..
