بعد موضوع الاخت حصه عن الطفوله
تذكرت سالفة ذبحت الديك الرومي
لايجي احدن الحين يلومن على ذبحتوه
انتم ماتدرون عن شي
هذا الديك الرومي اجرم بخلق كثير
تصدقون حوش ويش كبروه محدن يجرؤ يدخلوه عشان هالديك الرومي
مرتن عازمن ابوي الاقارب والاصحاب
وعدد الوغدان زاد
تقل طلعت بنا شجاعه مدري من وين طلعت
وندخل الحوش ونشوفه باخر الحوش
ونقرب ونقرب ونقرب ونقرب
ماش العاده اول ماندخل انطلق علينا
ويوم وصلنا عندوه وهو ماتحرك
وبدى كلن يحارشوه من جهه
الا وهو ينطلق علينا
وانطلقت الهجن كلن انحاش من صوب
ويوم وصلنا اخر الحوش ونشوف الا وهو يطرد وراى واحدن مسيكين
مدري منهو هاك الحين
ويطرد وراوه ومار يطيح على بطنوه المسيكين
ويجيك الديك الرومي ويعض اذانوه
وهو يصرخ ويراعي لنا وحنا ننحاش وندخل داخل البيت >>> شف الشجاعه :)
وقعدنا شوي الا وهو يدخل المذكور قبل قليل
واذانوه كلهن دم ويصيح
وللحين كل ماقبلت المسيكين هذاك يقولي للحين عندكم الديك الرومي
تخيلو ياجماعه يمكن عشر سنين كل ماشافن يقول للحين عندكم الديك الرومي
محدن سلم منوه حتى السلوقي حق عمي ماسلم
المهم عاهدت نفسي اني اتخلص منوه
وفي يوم من الايام
دخلت الحوش اثاريه بنفس محلوه اخر الحوش
وانا مجهزن وضعي معي عصا ونباطه
ويوم وصلت حولوه وهو ينطلق علي
وانا انحاش ضاعت علومي
واترك عصاى وتركت النباطه بعد
الا وهذي كومة خشب لعمي حاطوه بالحوش >>> يبي يزين صندقه
وانا ارقى فوق هالخشب وهو تحت مايقدر يرقى
اخر شي شكلوه مل ورجع
واتذكر ان بمخباي هذيك اللعبه الي به حصاتين مربوطه بخيط >>> مدري وش اسمه
كانت دايم معي
وانا انزل وهو يديور يبي يطرد وراى وانا احلته عليه واهج
ويوم طلعت من الحوش والتفت مدري وينوه
وادخل مره ثانيه ادوروه الا وهذا هو اثاريه غايلتوه
وسوينا احتفالات بهذا النصر
والله العالم اني ابكسب اجر هالمساكين الي تعذبو على منقاروه
ومشكورين وتحملوني واسف على الاطاله
