في بيتنا جرابيع :za3lan:
صدز مهو تسذب ياجماعة الخير
بيتنا جربوعين
الجربوع الاول عمره خمس سنين
والجربوعه الثانيه سنه ونصف
.
.
<<<هذاالمستخدم منفظخ قلبوه من شينن شافوه
ماسوى مقدمه لموضوعه :a:
نبداء باسم الله ...
كان ياما كان ..
كنا عيله مهنا حليلنا :315r::)n)
مافيه اي وغدان ..
وكلن شايلن هموه
كنت القعده حبوه ورعده :3ajebni:
كان بيتنا هااااااااااااااااااااادي <<< وانا اكتب هالكلمه نزلت دمعيتي :wallah_hoo:
لو تطيح الابره بالبيت تسمعه من قل الحتسي <<<طرمان
والله قردنا يوم حنت امي بمرتن من المراريت وجابت لبيتنا جربوع وجربوعه :puzzled:
الله لايوريكم <<<< هذا المستخدم تاكتوه العبره :wallah_hoo:
اقوم وانام وهالجربوعين واعين ومعهم طاقتن ياساتر
تقول مركبين ماطور صاروخ:a: <<< هو الصاروخ لوه ماطور
يعني يوم انا وغد ماتهنيت بأمي<< مشاركينن بامي منذو نعومة اظافري
والحين يوم كبرت وصرت كبر الجدار بعد منغصين علي صفو جوي <<< ياعلهم مايبوذرون كثر مابوذرو :148r:
المهم المهمات
يالربع انا وحدتن يقالي عطربنت ابوها آآآخ يادنيا <<<< متعبتهم مااحرقو رزي ولاعدسي ولافولي :3ajeeb:
بنت ابووها آآآآيه الدنيا دواره ياعالم << الحين وغدن مافقش من البيضه يحرق رزي وعفشي وينكبن بحياتي :za3lan:
ياجماعه الخير
قولو لااله الا الله
ياناس اشهد بالله شهادة حق ان المتزوجات وربات البيوت آنهن مجاهدات في سبيل الله...
واشهد بالله اذا شفت لي وحدتن صار له خمس هه او عشر سنين
وهي راعية بيت وام وغدان وصابرتن على مابلاه << يعني بوسط له حموله
انه تتكن العبره وودي انقز احب رويسه <<<< تقديراً للجهود المبذوله
ودي اعطيه وسام بعد <<< متاثره بالمضايف
انا من زمان وانا راعية بيت وعادي الوضع والامن مستتب مااثر على نفسيتي :qannaj:
ومتعودتن على الطاخ والطيخ
وانا امشي القى اثنين يلعبون بالسواطير<<< يقلدون باب الحارة
وهذولنك البنات يجرجرن عباة امي <<< يلعبن حريم - حتى الذر يقرص:qannaj: - ياملا البعد ياهالدنيا كلن يبي يكبر بسرعه
وهذي ملعقتن طايره لو ماخمد راسي حدر يم القاع تسان طااااااارت رقبتي وماشفتو خشتي الحين
يعني الوضع فري فري فري
كلن يعرس ويجيب وغدان وعطر وامه يقمن بالمهمه يوكلن ويشربن ويلاعبن بعد :za3lan:
على هالحال من يوم ظهرت لهالدنيا ماقلت شين
حتى اخبر يوم عمري يوم واحد ارسلتن امي الاعب الوغدان <<< تقول ضايقتن صدورهم shlwee7
وامي ماتمل ولاتكل <<< وماتقول إلا يابعد حياني انتم هالخشش يازين بركتهم بهالبيت
ولااعترضت
ولابتسيت
ولاتنكدت حالي <<< مع انوه يحق لي
السالفه ياخيويني وياخيواتي
انوه
ياهالزمن تغير لوه تغيرتن قشراء :surprised
او
انا اللي تغيرت لي تغيرتن كشرا << اقصد قشرا:g:
الوكاد والاكيد
انقرض الانتاج الزين من عيلتنا <<< لاحظو الزين راعين السواطير والعبي :100r:
وجانا انتاج ياساااااااااتر <<< مااقول لهم الا عمي وعمتي :rolleyes:
الجربوعين اللي قلت لكم باول السالفه من الانتاج الاخير
صار لي شهرين وانا معهم شفت العجب العجاب والنون ومايعلمون:112r:
والقراده بعينه وعلمه
جربوعتنا عمره سنه ونص:31_f:
24 وعشرين ساعه تلفح بشعره:5_1_123v:<<< وهو طولوه سنتيمتر
اول ماجتنا <<< فرحانين به
نبيه تغير علينا جو ويصير لبيتنا حس وبركه على قولة امي
وطايرتن به واسبحه والبسه من هالبجامات <<< ايه اخاف يخشه البرد :0092:
ماقلت لكم لي تجربه سابقه
في يوم لبسته بدينا بالبجامات
عدو معي بجاماته
الصفراء اللي شرت له امي
و
الورديه اللي شرت له اختي
و
الزرقاء اللي شراه ابوه له
و
اللي عليه صورة شمس
و
اللي عليه صورة تفاحه
خمس بجامات ومن فوقه ثوب يشبه لثوب هايدي
وبين كل بجامه وبجامه تنحاااااااش لاخر الغرفه <<وه احس اني اسابق بالرالي ماألبس لي وغد
وشرابين <<<< اف يالشقى
وهلهوب << طلب من امي
وشو له<< عشان ماتقدر تفصخ شراباته أأأأخ يميمتي تخطيطتس دبلوماسي
خلصنا من الملابس وانا ارقى يم شوشته
يوم وصلت له يادافع البلاء وشلون تنمشط هذي :3_f:
وهي تقعد تلفح براسه يمين ويسار وتقول باااابي بااااابي <<<< تقصد ماابي ماابي
وانا يوسوس لي ابليس قال اصبخيه براسه له كف يربيه
-واانا اذل من امي قلت زودن على قردي اقرد عمري بتالي هالشهروالمعاشات مقربه ,والاخلاق لازم مسفهله ماتشوف الا نابن ضاحتس -
وانا اقعد اقول شوفي يازينوه يازينوه ..يقال لي العب به وتقل ربي يهديه وتطوفه لي لانه فاهمتن اكثر من نفسي مو هي عمتي
وجلست لي ساعتن افحط بشعره ابقضبه بـ بكله
يالله باليالله طلعت بقرنين ماطالع منهن الا البكلات:30_f:<< من قل الشعر والله
وازينه واكشخه قلت يالله روحي يادرعاء للمرعى
وانا اطلقه بالصاله .. عند الجربوع الشايب <<< ابو المصايب
وانا اتذكر لي شغيلتن هناك ....
قلت يا.... << الجربوع ابو خمس سنين
انتبه لخيتك دقيقه ابغزي غرفة امي واجيك
وماكملت دقيقه ورجعت والا جربوعتنا مختفيه ؟؟؟
وانا اقول كذا مار متكي جربوعنا يلعب بلاي ستيشن<< الجربوع ابوخمس سنين
مار يقصد :
البنت من رجالها ×× والخيل من خيالها
والضبعة العرجاء تحوم ×× تبي عشى لعيالها
......
وانا اسئلوه
وين خيتك ياعلكم ماتفيدون من جرابيع
قال والله مدري ياعمتي
علي الطلاق اني مجلسه هنا ومطلقن عليه ماتحرك
طلااااااااااااااق shlwee7<<< ياعلك ماتفيد انت تعرف الطلاق
الا تسيف وغدن ماتعدى شبر يقول هلون
وهو يطري علي هتلر يوم يحكم المانيا
قلت ... ياعطروش هالوغد مهو هين ياانوه يبي يحكم العالم هه او انوه مضيع دنياوه من اوله
وانا اجي ابغزي عقلوه ابشوف مكنونه وشهو من وليده
قلت ..... يافلان
وشلون تطلق ام عيالك
قال ايه وش انتي حاسبتن؟؟؟ انا رجااااااااااال
انا سنعوسي يابعدي ×× حفيد ابن حاتم علي
اطللللللللقه واطلق ابوه معه ؟؟
<<< خلاص قفلت الاخلاق معوه
يادافع البلاء.......
وانا يطق فيوزي قلت اصه اصه انثبر :bluboomte
<<حامت علي تسبدي بغيت اهفي اكالساعه
وهو يحترف يكمل لعبه...
وانا اتذكر الجربوعه وانا اغزي البيت ادور عليه
وتوقعو وين لقيته
مار بنت الحلال .. داخلتن الحمام اعزكم الله
وفاتحتن الدش على ماء بارد وجالستن تحتوه وترمز مدري هي فرحه او هي خرعه او برد
عجزت استوعب اكاللحظه؟!!!!
بس الوكاد انه عوابه ....
واانا يدخن راسي من الضغط....!!!!
واخمشه والفه ببطانيه ومن الحماس بغيت احطه بوسط الدفايه بس على اخر وهله ركزت <<متعوب عليه وهله
وانا ارجع البسه من جديد نفس القصه اعلاه بس زودنا البجامات لـ 7 بجامات
مالكم بالطويله
اقل من ساعتين بالتمام ونسمع صوت الماء مره ثانيه ...!!!!
ونركض ونلقى الجربوعه ترمز تحت الماء وتبوسم بس هالنوبه تضحك بهستريا
المهم ....لازلت افكر وشلون تدخل للحمام اعزكم الله ماعرفت ماعرفت ...؟؟؟
هذا ضرب من ضروب تعذيب جربوعتنا لنا كل يوم......
هذي نقطه ...
النقطه الثانيه <<< كاني اشرح درس
قمنا رفعنا كتب المكتبه بكراتين
وافياش الكهرباء لزقنا عليهن لزقه
مرتن شفناه تدخل صبيعته بالفيش وتضحك وتنحاش وترجع للفيش مره ثانيه
<<<< ادخل على الله هو لعطه الفيش وتضحك تحسب احد يدغدغه او انوه لكاعه تلاعب روحه :315r:
المهم هي فكرت فكرت ... مالقت شينن تعبث به وهي ماتلقى الا الكنب وهي تقمز عليه وتوقف وترفع يدينه وحنا نراعي له قلنا يمكن تبي تغني وماتسذبت لنا فعلا غنت ..!!!!
نااااااااااقتي يانااااااااااااااقتي << بس تقول ناااااااااااانتي يانااااااااااااانتي
وتعرفون حركات الفنانين تغمض عيونه يعني متحمسه حدهـ ومجمعتن حواجبه وحنا صايرين جماهير يوم خلصت وحنا نصفق له وامي تقول ياعلووووووه اووله بدت تحتسي كل هذا <<<< وبدت تحتسي ماخلت شين ياميمتي
يوم خلصت وكانه تقول يابعد حيي هالخشش :315r:
وهي ترفع يدينه مثل تمثال الحريه فوق وهي تومي بروحه تبي تطبح وحنا ننقز ونتماكنه
قالت امي يابنااااااات باتسر نبي نشيل الكنب ونجيب جلسه ارضيه
كل شيء نغيره حتى الاثاااااااااث :sly:
النقطه الثالثه ...
اليوم فيه ندوه ..داعيات وسوق خيري
المهم رحنا وطبعا الجربوعه والجربوع معي <<< كاشختن بهم
وانا اشوف اكالخيمه مار يبيعون العاب وانا اجي ابشتري لهم ...
وهو يشتغل صوت اناشيد << كانو يجهزون للمحاضره قبل تبداء
وهي تجي جربوعتنا وهي تمسك بعمود الخيمه وتقعد له لفح بشعره وتنقز يمين ويسار وماسكتن ثوبه بيدينه من قدام وانا اقووووووول ادخللللللي على الله مهو وقتس يالشينه....!!!!
مار حولنا عجوز وهو تقعد تصفق له قلت كملت بـــــــس ؟!!
المهم ..
يوم دخلنا للمحاضره ...
وتبداء الداعيه تتكلم والى الان تمام ومسيطره نوعا ما عليه ...
وتقل هجدت بنتنا واحسبه ناااااامت تقل ثقلت علي انا خامته عن البرد هههههههه
ويوم قرو قرآن وهي تقعد جربوعتنا تلفح بشعره وتقول يابابا ياغالي يابابا ياغالي
طلعت خامده تنشط بطاريته الظاهر ههههههههه
وانا اقضب راسه واتلفت يمين يسار واقول ياربي لاتسخط بنا ياربي تغفر ذنوبنا ياربي لاتفضحنا ...
وهي تجي تبي تصيح وانا اصبخ افمه بيدي قلت محد داري بنا وانا جالستن على اعصابي ..قلت انطقي يدن ماسكته ويدن بفمه
تحااااااااول
تحااااااااااااااول
شرهانتن تكمل يابابا ياغالي ... ماغبت عن بالي
ههههههههههههههههههههه
مار ماش مضبطتن الوضع معه انا هع هع هع
وهي تعضن ؟؟؟؟
يالربع تشهدت
بغيت
اصيييييييح وانقز للسماء
ياعليه سنون راضعتن مع ضبعه كش عليه وغد
وانا انقز به واطلع برى قلت اشغلت خلق الله ..
وشوي الا تجي اختي وصديقتنا واشوف البنات يبن يحتسن معي
ماااار ماش ... دموعهن اربع اربع ... من الضحك ....
وانا تتكن العبره مار ربي رحمن ماهليته
اثاريهن يشفنن وانا داحس والغبراء بيني وبينه ...
يقلن احسن شيء.... على الصامت معركتكن
وانا ازعل ... وازعل على حضي اللي خلاني مضحكه لهن ...
صدز يجيتس من ذيلتس مايفت حيلتس
ومن هنا وعلى هالمنبر اخوتي الافاضل
تصرح عطر بنت ابوها ...
بانه تعيش حيااااااااااااة العزوبيه الى الابد الى الابد الى الابد ...
رتيج
روح
ريم
مها
عجايب
العروب
مرافيء
شام
أهداب
لوليتا
بالمختصر
السنعوسيه
خزامى
كلكن رددن
تعيش تعيش تعيش
المهم المهمات
ان طولت عليكم كم يوم اسئلو عني
يمكن هه انتحر هه اشنق روحي مدري وش يصير
لانوه
لازالت جربوعتنا تعطينا يوميات قاسيه جداً....
قبل انام اكتب وصيتي واحطه تحت وسادتي مدري يصبح الصبح علي او يغزون الجرابيع علي ...
تدرون وش تذكرت الحين انا ...
تـــــذكرت ..
الايام الخوالي ...
يوم انا اسامر وحدتي بالخلا الخالي ...
هالابيات كتبتها قبل سنه ::
.
.
" ياغربتي" .. بوقف على بعض الأطلال
0000000متى على الله.. تنطوي صفحة اليأس
"وياغربتي ".. مليت من شيل الاحمال
000000 دمع ..وقهر .. والمشتكى عيب للناس
"وياغربتي" .. منك اشتكي ضيقة البال
000000 يدي على خدي ..بين هم ووسواس
ويــــاريم.. ياعوني ترى الدمع همال
0000000 من عقبهم والله ماذقت الاوناس
.
.
وعلى هالرابط قبل شهرين<<< قبل يجينن غزو الجرابيع
http://www.shmmr.net/vb/showthread.php?t=46391&page=7
.
.
وسنوافيكم باخر التطورات مع جرابيع عطر
