ياهلا ووياسهلا
مساكم وصبحكم الله بالخير
الله يحييكم بسقيفة بني فله:):7ayyoh:
البارح على عادتي طلعت برا أتفكر بوجيه خلق الله
وعقب ماتفكرت بهم وسبحت وذكرت الله دخلت
وأنا بطريقي (إلى الآن بالحوش)وأنا أرعي ليا والله أكا الخفاش بالسما
هو ماعنده من الشيطان طاري نيتي إنه كان يقول ماأدري هي تبي صلصله وألا تبي طماط
قلت أنا طيب ليه ماأرصه هالحين أخليه يعض الأرض وأكسب به أجر:)
وأنا أمسك نعلتي (وإنتم بكرامه)مقاس 42 وأربعين وأنا أشوته
وهي تخطيه مار إنه تلخبط وصفق بالمكيف
وهو يجي له وحيفه وماوقف ألا وهو عاضن الأرض
عاد يوم طاح قبل لايموت قال
لابارتست بتس إنتي وطماطتس:315r:
الظاهر إنه يعني مرته
وأنا أروح يمه بي لي شفايه وأنا أراعي لوجهه ليا والله هذا وجه يوسف
وأنا أتعوذ من الشيطان وأعرتس عيوني وليا والله ماهو وجه يوسف أشوا:3ajeeb:
وعقب تقل جاني بلا وأنا أنام بجنبه
حلمت إن هالخفاش رقا له درج
ويرقا ويرقا وخطوات المره يطيح بس إنه رقا
ويوم وصل آخره وهو يوريني وجهه ليا والله هذا أبوخلوف
وهو يقمز ويصكن برجله بين العيون
قلت وش بلاك تدبن أفا بس أفا وين الصداقه
قال رح للمسجد صلاة المغرب به عيال إدعهم يصلون وإن ماأطاعوك دبهم
قلت طيب
وأنا أصحي من النوم
وأروح وأطيعه وليا والله على حتسيه به عيال قدام المسجد
وأنا أمرهم
قلت
ياالليد
قال
هاه
قلت
صل
قال
وش دخلك
قلت
أقول صل
قال
ماني مصلي
وأنا أركض يمه أبي أدبه
وهو يصوت لأخوه
وليا والله يوم جا تقل 4أفغانيين ملحمين ببعض
وهو يشيلن فوووووووووووق
أنا علمي بروحي يوم يشيلن فوق وشفت لي حمامه بيضا بالسما
لاأحد يسألن وش صار
ماقعدت ألا عقب:)
يقول واحد من اللي حضروا النكبه
إنهم فرشوني بالشارع
وجابوا سيكلهم وقاموا يمرون مسرعين وياطون بطني
وأنا منصفر بوسط هالشارع وكل من مر شافن
أخييييه بس
من هالقصه إفهم ياللي تقرا إنك ماتتدخل بغيرك حتى لو كان وغد يمكن يصير معه حمايه وتنكب:)
و إفهم إن الخفاش عرضته قشرا
وإنتبه تضرب مخلوقات الله بالليل يقولون يمكن يطلع جني
بسم الله علينا:wallah_hoo:
.
.
أبوخلوف
أثريك خفاش:)
