السلام عليكم ورحمة الله وبركاته ..
يالله صبآح خير :)
يالربع هالسالفة هلون مشتهي انزله ماقسة بس اهم شي انه قصيره علشان بعض ناس مايبلشن يقول ياطول مواضيعك :)
أعوذ بالله صرت أذل أكتب :(
المهم اليوم صار مشكلة بالخطوط حسبي على الأتصالات السعودية تسانهم مايتسنعون أبد ..
فيه برنامج عندهم يقاله قطاف قطف الله رآس العدو :)
وعندهم رقم يدق على اي رقم تلفو ثابت فائز ويقوله ::
عزيزي العميل لقد فزت مع برنامج قطاف بــ7 وجبات من كودو :(
لأستلام جائزتك الرجاء الأتصال على الرغم التالي __> 80012400*** والباقي ماتغير :)
وهم يتولجونو الشعب تقل مجاعه هههههههههههههههههه
ومن حلو الحظ رجعت المشكلة اليوم على بداية دوامي :(
وهو يجي المدير ومعه مشرفي الصالات وهم يتنقون ناس معينه والسبب مجهول :)
ومن ضمنهم أنا ..
وهم يخلونا نرد على خلق الله شعب الصومال ونقولهم هذا بنك بنك يابشر ماهو كودو ..
مالكم بالطويلة طفشت انا من كثر ماأردد هذا البنك الفلاني الرجاء قلب وجهك لاوالله أتذابح أنا وياك :za3lan:
ودق علي واحد وغلطته دق بهاليوم :)
قال ابي وجباتي قلت تبي زيادة كتشب يالأخو :)
قال ليش مايجي برآ ..قلت انا سئلتك تبي ولا لا .. قال ياخي ليش تنفخ قلت هش هش يالشحاذ ههههههههههههههههههههههه
طبعا هالحتسي عقب ما درينا ان المكالمات ماهي مسجلة والمدراء طلعو :)
قال المقرود سم قلت سمن يقطع بطنك ياخي يوم انت تدق على بيوت خلق الله ماتستحي :)
قال الله لايشكر لكم فضل قلت الله ياخذك هههههههههههههههههههههههههههههه
وقفل الحمدلله :(
وهي تدق علي عائلة من حايل وهي تدخن كتفي وذبحتن الحمية عاد مابيدي شي :)
قلت أقول ياخالة ترينا بنك قالت عندكم الفيدات :)
قالت ياوليدي جاينا تلفون منكم وتقولون عندنا جائزة <_ وهو يطلع لي ريش مع رقبتي يالربع :)
وأحس شعر ساقي وقف من الحمية قلت خاله حنا بنك ...بس تبون عشاء الحين اجيب لكم اللي تبون بس وين بيتكم <_ وجه نكبات :)
قالت مامن جوائز تسذب قلت لا بوه جوائز بس دقي على الأتصالات ..
قلت عندنا بطاقة إئتمانية به أربعين ألف وهي تفرح المسكينه قلت شوفي ياخالة ..
بكرآ دقي على 907 وقولي وين بطاقتي اللي به اربعين ألف :)
وطلعت من دوآمي وأنا مسفهل والأبتسامة تملا شدوقي مستانس اني نكبت الأتصالات ياكثر الي يبي يشتكونهم بكرآ .. واحد يقول ابنزله بالجرايد :)
...
على الطاري يه وآحد من العيال مهايطي يوم هو وغد يرضع من الناقة وربكم كريم وتوظف معنا .
وكل مايرد يقول اسمه وأنا بجنب أقول ونعم ويرد علي ماعليك زود آخرته قبس بوه عميل قال يعني تستهزي اني ماقلت لك والنعم هههههههههههههههههه
اياحبيبي والله يابو حميد هو وشوشته لو يغسله يطلع منه كراتين :)
مرهـ غاب يومين يوم جا اليوم الثالث وهو يلوذ علينا ..وينك ياأحمد قال والله بالتوقيف جلدت لي حلاق :)
ليه ياولد وش تبي بوه ..قال يحط على شعري كريم شايفن ام اربع طعش :)
بس ازين مابوه رجل على الدين ..بس لو يسلم من قهوته تسان حنا بخير ..
عمركم يالربع شفتو قهوه تسبب مغص :)
توسدو إحترامي
