كن الحشى جمره على راس غليون
[poem=font=",6,black,bold,normal" bkcolor="transparent" bkimage="http://www.shmmr.net/vb/mwaextraedit2/backgrounds/5.gif" border="none,8,black" type=2 line=0 align=center use=ex num="0,black""]
نطـيت رجــم يـدهـلـه كـل مـشـطــون=وطـير(ن) بخـفاق الجـناحين راجي
مزبـان قلب من عـناء الوقت مغبون=يشرب من غبون الصواديف زاجي
كـن الـحـشـى جـمره على راس غليون=والا مثل شـعـلـة فـتـيل السراجي
والا لواهـيـب الـغـضـى وسـط كـانـون=والا الـسـعاير في ركـون الكراجي
من يوم حال عن اكحل العين كـيـلون=وفـقـدت مـع فـرقـاه زيـن النــواجي
زيـنـه جـديل وجسم ورمـوش وعيون=والعـنـق كـنـه بالـحـلا عـظـم عـاجي
ريحـه يـفــوح عـطور من دون صابـون=وهـرجـه خـليط من الدلع والغناجي
تسوى من اصناف الـجـميلات مليون=وتستــاهل الـملـيـون عـنـد الـزواجي
حـالــوا عـلـيها اللي مثل طـبــع شارون=تسقـيـك من نـبـع الـوعـايـد هـمـاجي
وجدي عليها وجد من طـاح مسجـون=ولا له من سـجــون الـقـراده هجاجي
بالشـرع راسـه صـار للسيف مـرهــون=ومحـدن يظـن انـه من السيف ناجي
دونـه حـرس شـرطــه وقـاضـي وقـانـون=ودار ظــلامــه دايــــم الــــدوم داجـي
يرجـف الـيـا سـمـع الحرس له يـنـادون=ويـصبـح خـفـوقه فـي ظـلـوعه رواجي
وينشد عن اللي بالوجـاهـات يـمـشون=يرجـي بـشـيـر اهـل الـمراجل يفـاجي
يـسـمـع كـلام(ن)من وكــالــة يـقــولـون=وحوس السوالف هي خراب المزاجي
وجاه الذي فـي مـنـطـق الثقل مضمون=وبالـمـرجـلـه يـشـبـه لـزيــد الـعـجـاجي
ان الـعــرب بـالـعــفــو عـيـــوا يـطـيعون=وعـيــوا يـبـيــعــونــه بـســوق الحــراجي
وهذا الطريق اللي عن الـعيب مصيون=ترفـع قـتــيـلـك عـن فـلـوس وخــراجي
امـا الـديـه والاجـر من خـالـق الـكون=والا لسيف(ن)مثـل سيـف العواجي
والـثــالـثــه تـرمـيــك فــي نـقـــرة الـهــون=ولا هي طبوع الـشـهــم طلق الحجاجي
وفي يـوم جـمـعـه جـاه شـرطه ومـاذون=والحسـم عـاصـوفه على الـعـمـر هـاجي
وقالـوا طـريـق الـقـبـر للـخـلـق مـسنـون=والـمــوت مـا لــــه بـالاوادم عــــلاجــي
وسـاقــوه للـمــذبــح وخــلــقــــه يـراعـــون=والكـبــد تـقــدح مـثـل جـمـر البـواجي
حـالـه مـثــل حـالـي بـصـــوره وكــربــون=عـقـب الـــذي حـبـــه بـالاظـلاع لاجي
[/poem]
