بسم الله الرحمن الرحيم
قصيده آمــل ان ترتقي الى ذائقتكـم رواد هذا المضيف الراقي ..
*
*
*
*
*
لبست عن هرج المهابيل فروه
,,,,,,,,تصد عني صحبة القيل والقال
للمرجله والطيب شنيت غزوه
,,,,,,,,منها فرقت بعاد الارياء والانذال
أثر (الشدايد) بعض الاحيان (حلوه)
,,,,,,,,تظهر هل الخوّه وتظهر هل المال
ياكثرهم لا قلت ياناس (سلوه)
,,,,,,,,وياقلهم لا قلت تكفووون (رجال)
ما عاد باقي للشديدات ذروه
,,,,,,,,الطيبين اليوم عانين وقلال
ودي أجر بعالي الصوت غنوه
,,,,,,,,مير الهموم تعلّ و الدمع همال
الله من بير ٍ تقل ضاع دلوه
,,,,,,,, شربه بعيد وناشف الريق ماطال
أسج و أبعد عن لغى الناس خلوه
,,,,,,,,مبعد بعيد وشايف ٍ غل وأهوال
وشلون لا قربت يا كم سطوه
,,,,,,,,تنزل علي وتتعب القلب والبال
ليت الرفيق اليا بلاني ببلوه
,,,,,,,,يعدها في وجهي دقاق وجلال
ما يودع بظهر ليا أقفيت مطوه
,,,,,,,,ولا يكسر المكسور ويدنّي الحال
ما عاد باقي من هل الزور منوه
,,,,,,,,الا تلاشت بين حاقد و محتال
دفع البلاء بعض الرجاجيل (نسوه)
,,,,,,,,غرّوا كثير برزة ( شماغ وعقال)
وسلامتكم جميع ..
محبكـم /
عبدالمجيد الشمري
الأشمل
