[align=center]
مساء الخير
أتمنى أن ترتقي هذه الكيبوردية إلى أذواقكم الرفيعة
وماهي إلا مجرد خلاصة نوف الفهد في خمس وعشرين عام
[/align]
[poem=font=",6,white,normal,normal" bkcolor="transparent" bkimage="" border="outset,4," type=1 line=0 align=center use=ex num="0,black""]
أبنشد كل من يسمع ويقرا ياعرب تكفون = وش اللي مابعد شفته بعد هالخمس والعشرين
لفيت الدنيا من جوفٍ حضنّي داخله بالهون = سنة إلا ثلاث شهور وأنا داخل قريرة عين
ولحظة مولدي كانت بعد دمعٍ بكته عيون = عساني فدوة لعيونٍ تقر بشوفتي للحين
وعادة كل مولودِ إلى جا في رحاب الكون = يضيق الكون في عينه ويبكي كونه مسيكين
لفيت ومو مثل غيري .. سكت وكلهم يبكون = بعد ماشالني جوفٍ يشيلوني مابين ايدين
بعد مابشروا الوالد سجد لله وهو ممنون = بعد بنت وثلاث أولاد صار اليوم له بنتين
وجاني مهلي مرحب وجوا أحبابه يهنون = وأنا مدري عن الدنيا .. أنا وين وأهلها وين
كان النوم سلطاني وعيني شوفها مسجون = ولما ينفرج شوفي تسيل دموعي مهلين
أجر الصوت من جوعي كأن الصوت به مقرون = تجي أمي تلبيني تقول : أرجوك لا تبكين
سقى الله يازمانٍ راح كأني درٍ ومكنون = في حضن الغالية أمي ولا عمري عرفت الشين
وعشت طفولتي حلوة .. براءة مع غبى وجنون = جنونٍ بس وش زينه جنونٍ بس للحلوين
على الضابط أدق أسأل سؤالي تافه ومجنون = ((متى ملح البحر يحلى !! يقولي : لو تبين الحين))
كبرت وعشت بالدنيا عرفت إن الجنون فنون = عرفت الدنيا ذي كلها شراكة تجمع (الضدين)
شمس الخير ماتحجب بغربال النفوس الدون = وإذا أعمى البصر شرٍ تهون عيونه الثنتين
وكل حزنٍ وراه أفراح وكل فرحٍ وراه حزون = كذا أخذ وعطا الدنيا .. كذا لازم نرد الدين
وما بعد التعب والهم إلا الراحة يالمحزون = وما دام التعب قاسي مثل صخرٍ وجوب يلين
ودمعٍ في عيون الضحك وضحكة تخفتفي بعيون = وكم راضي رضى بينه ولكن ما رضى به بين
وكم ظالم وفا حظه وكم عادل حظوظه تخون = وكم كاذب وكم صادق وكم شخصٍ جمع ضدين
فسبحان اللي جمّعنا وفرّقنا في نفس الكون = وسبحان اللي فرّقنا ويجمعنا بيوم الدين
ألا يالله ياقادر بأمرٍ بين كاف ونون = ألا يالله رضوانك ثم عفوك على المخطين
أنا مابي من الدنيا سوى سيرة عطر ودخون = وإلى جا اسمي بمجلس لقيت الناس لي داعين
ألا ياربي استرني إلى صار الجسد مدفون = وثبتني يارب الكون إذا العزوة سروا مقفين
ألا يالله واجعلني من اللي لجنتك يلفون = أنا وكل من أحبهم فيك بعد ماتحشر الثقلين
[/poem]
أختكم
نــ بنت الفهد ــوف
