.
.
.
متعب التركي
.
.
.
يا سعود لا تنشد تـرى مانـي مجيـب
.......................خل الذي خافي لـه شهـور.. خافـي
إن شفتني مغتاظ.. لي حق و مصيـب
.......................يا سعـود مزعلنـي جديـد اكتشافـي
الغالي اللي كـان مـن قلبـي قريـب
.......................بيني و بينه.. صـار مثـل التجافـي
إن قلـت زلـه.. مثلنـا زلتـه عيـب
.......................من قال لك شمس الضحى مـا تشافـي
إن قلت هقوه.. يمكن تصيب و تخيـب
.......................كم لي سنه .. ما شفت فيـه اختلافـي
و إن صار في نفسه بعض شكة و ريب
.......................حتى البحر ما هو على طـول صافـي
صرنا من الصده .. سوات المصاويب
.......................كلن نقـل جرحـه و قـال: امتعافـي
أصعب فراق.. فراق عكف الأشانيـب
.......................مـا هـو مفـارق لابسـات الغدافـي
و الذيب لا منه عوى.. جاوبـه ذيـب
.......................و العلم حامض.. بس ويـن الأشافـي؟
دامه لقى لـه غيـر قلبـي معازيـب
.......................الله يسمـح درب هــاك السنـافـي
يروح.. لا يرجي رسـول و مكاتيـب
.......................هو خابر إنـي.. مـا اتلفـت خلافـي
واللـي تعلـى فـوق روس المراقيـب
.......................أكيـد مـا تسقـى عليـه السـوافـي
رح بشر اللي _شال شلفـا_ تريحيـب
.......................قلـه: تـراهـا ***ـوهـا عـوافـي
اليوم نفسي طابـت.. و باكـر يطيـب
.......................جرحي.. لو انه مـن يديـن المشافـي
خلصت.. و الدنيا دروس و تجاريـب
.......................سجل يـا بـو عبدالعزيـز اعترافـي
للشعر بقية
roooose
