[poem=font=",6,black,bold,normal" bkcolor="transparent" bkimage="http://www.shmmr.net/vb/mwaextraedit2/backgrounds/5.gif" border="double,4,black" type=2 line=0 align=center use=ex num="0,black""]
هلا حي برق(ن) ناض والـشـمس غـايـبـه=تـخيله عيون(ن)من غثى الدمع رايبه
لـمـع فـي سـحـاب(ن)مـثـل شامـخ جـبـالها=حـداه الـهـواء والـمـزن طـاوع هبايبه
اذا ناض مـثـل الـقـصـف فـي لـيـلة الدجـى=من اللي عـلـى بـغـداد تــقـدح لـهايبه
نـشـوفـه عـلـى الـشـاشـات تـقـصـف ديـارنـا=جـحيم(ن)عليه الطـفل شابت ذوايبه
ولا اقسى على الـعـيـن الـشـقـيه اذا غـــدت=تـشـاهـد بـنـاظــرهـا مـصـارع حـبايبه
لـهب ظـالـم(ن)عـادل بـظـلــمـه لـمـن ظـلـم=ومن قال انـا الـغـلاب قـاسى غـلايبه
دروس(ن)لـمـن يـظـلــم ويـفــخـــر بـهــيـبـتـه=ولا خـاف من رب الـمـلا فـي رقـايبه
فلا الـمـال يـنـجــي صـاحـبـه حـفــرة الـردى=ولا يـنـجــي الـحـكـام عـسـكر كـتـايبه
فـمـا فـاد جـيــش الـروم والـفــرس جـمـعـهم=والاقدار حطت فوق كـسرى نصايبه
فــلا تــنــخــدع فـي وفــرة الــمــال والــــثـــرى=وعـمـرك يـجـي له يـوم تـسـري ركـايبه
سـوى الـلــي يـعــيــش الـنـفـس عـن نـار ذلها=لـلانــذال لا نابـك من الوقت نايـبه
فلا شـفــت بـجــروح الـزمـن مـثــل وقـفــتــك=ذليل(ن)قبال الـعـفـن ترجي وهايبه
فــمـــا زاد عـــن هــــذا وهـــذا فــهـــو غــــدى=مواريث ناس(ن)ما شكت من تعايبه
يراجــون مـوتــك لاجــل قـسـمــة دراهــمـك=حـلال(ن)بحكم الـشــرع تـبــدى نهايبه
فـكــم جــامــع(ن)يـجــــمــع لــــغــيـــره ولا درى=وكـم عـيـلــة(ن)بالارث كثرت حـرايبه
فـلا تـرتـضــي تـتــعـــب كـمـــا الــخـــادم الـــذي=يـرعــى الـغـنـم والـغير يشرب حـلايبه
والارزاق مـكـــتــوبــه وجــــــفـــت حــروفــهــــا=وتـاطــى من الـعــالــم شـبـابه وشـايبه
فــــدع ذا ويـاســــاري عـــلـــــى دار عـــــاذلـــي=على الطيب ماحسب لـموته حسايبه
قــل دع الـنـــاس تـمـشـي فـي مـثـانــي دروبـها=والاعمال يوم العرض تـظـهـر غـبايبه
تــرانــــي مـن الـــعــــــذال زادت مـغـــثــــــتـــي=من اللي لـكسب الـقرش تكثر طلايبه
ولــو طـعــــتــهـم فــي كـنــز الامــوال لـلــثــراء=ملـكـنا من بـنــوك الــدراهــم حـقـايـبـه
وهـيــــهـــــات يـادار الـشـــقــــى مـاتـــغـــرنـــي=وانا شـايـف(ن)بالـعـيــن كـثـرة نكـايبه
لـك الـلــه فـلا اتــرك مـن نـخـانــي بـضـيـقــتـه=وانـا امـلـك بكـفــي مـايـهــدي رعـايـبـه
ولا اشـمـت بـحــال الـلــي وقــع يـشـكي القهر=وروحــه مـن هــروج الـشـمـاتات ذايبه
فـمــــا ضـــــاع عــنـــد الـــنــــاس نـلــــقــــاه وافــــر=بيوم(ن)تـعـود لـكـل الانـفـس ذهايـبه
لـمــا عـــفـــت مـجــلاســي مــع الــنــــاس كــلــهــا=وخليت من تـطـعن بـجــوفــي جـنايبه
يـنــاصــح وحــالـــه بــيـــن ربـــعــــه تـبــهــــذلــــت=غدى عـالة(ن)عـيـشه يـجي من نسايبه
ذلـــولـــه تــعـــانـــي فــي مـسـيــره من الـحـفى=ويضحك على اللي سابـقات(ن)نـجايبه
فكم من هـبـيـل(ن)يـذكــر الـعـيـب بالـعـرب=ولا شـاف وســط الـنـاس كـثـرة معايبه
وانـا واحـد(ن)من عــرض ربــعــي ولابـتـــي=ودرب الخـطـا مـحـد(ن)سلم من نشايبه
ولكـن بـفـضـل الـلــه نـزيـــه(ن)عــن الـخـنــى=ولا زغــت لـلــجــاره والاقـراب غـايـبه
واذا غـــــاب جـــاري يـوم ســـديـت غـيـــبـتــه=ولا خــاف يـلـقــى من طـبــوعـي نكايبه
ولا ضــــاق جــــاري من لـــســانــي وعــافــــنـــي=ولا شــاف مـنــي بـالـطــبـــايــــع غـــرايـبه
ولا نـمــت فــي لـيــلــي سـعـيــد(ن)بـنــومـتــي=وجــاري تـشـب بوسـط جـوفه شبايبه
فـلا الـمــال يـغــريـنــي عـلـى الـكـذب والردى=لـو ان الـثــمــن ذيــدان نـجــد وجـلايبه
ولا الـفــــقــر مانـعــــنــي عـلـــى بـــذل قــدرتـــي=ولا غـبت عـن درب الاجــاويـد هـايـبه
فـلا تـنـــخــدع فــي طـبــع دنـيـــــاك حــيـثـــهــا=لــعـــوب(ن)ولا تـــامـن مـواجـع ضـرايبه
فـكــم مـن هـبـيـــل(ن)ظــنــهــا فــتـــرة الـسـعد=لـمــا طــاح بـاقــي العـمـر يشـكي مصايبه
وانا ساير(ن)في درب شـيـخ(ن)خـذى الثناء=ورحل طاهر(ن)بالعرض عن كل خايبه
سـقــاك الـحــيــــى قــبــر خــذى جــدي الـــذي=تـركـنـــا وروحــه بـيـــن الاجــواد طـايـبه
فـكــم ضـــايـــق يـشـــكــــي غــبــــونــــه وفــكــهــا=وخـــلاه يـســكـــن فـي وسـاعـة رحـايـبه
وكــم دمــعـــة(ن)ســالــت بـمـــوتــه مــن الــذي=بـيــمــنـــاه عـقــب الـجــوع ذاقــوا خصايبه
نـصـحـنـــي وراح اتـبــــع جـــواهــــر نـصـــايــحـــه=على الـطـيـب ما اطــاوع سوالف زرايبه
[/poem]
