[poem=font=",6,white,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ليل .. وقصيد .. وآلم حبر .. وكئيب شعور = ما حن فيك الغريب لضحكة أوطانك ؟!
سؤال ينزف بقلبي من ثلاث شهور = يحيى خفوقي ؟ .. تموت دروب هجرانك ؟
واقف أنا بإنتظارك والزمان يدور = مادار قلبي .. ولادوّر .. ولا خانك
كل ليله أسهر قصيده .. وأجمع المنثور = حتى السماء شاركتني شوقي أعيانك
مكانتك لا طرت .. ما يطري إلا الطور = مكانتك .. هيبتك .. قدسيتك .. شانك
سجده .. أردد .. إلّهي .. أحمدك .. مشكور = وهبتني ملهمة شعري من إحسانك
وسكبت فيها .. شوية دلعنه .. وغرور = وسكبتها في عروق القلب .. سبحانك
يارب تجبر بشاعر خاطره مكسور = كسّر بها الشعر هايم بين وديانك
حبيبتي .. وش بقى ؟!! ماعاد باقي سور = يحمي عيوني .. أعيش الليل سهرانك ؟!!!
حتى الفجر .. صار يشهد لك شهادة زور = طله .. وحـِله .. وغرد بأعذب ألحانك
كذااااب .. إنتي حضورك ماهو أي حضور = لاجيتي إنتي .. كفخ قلبي .. على أحضانك
الصبح لو قلدك .. ماياخذ إلا النور = ماياخذ اللي بصدري .. جرحي .. أحزانك
ان جيتي انتي .. يصف النبض لك طابور = وينبت نظر عين قلبي .. بين حجانك
يبتل ريقي .. وصدري بالفرح ممطور = مثل الفرح في شفاك .. بـ .. ريقك .. لسانك
أرضي .. سماي .. إن لفيتي .. تبتهج بـ .. عطور = أنفاسك الزيزفون .. وآآآهـ .. تحنانك
خلاص يكفي .. تعالي لمي المنثور = ماحن للحين صدرك ضمة أوطانك
[/poem]
