السلام عليكم ورحمة الله وبركاته ..
الله لايصبحكم+لايمسكم إلا بكل خير ..
وكل عام وانتم بألف خير ..
يالربع وأنا كافين خلق الله خيري وشري يتبلوني هالعالم اللهابو هالحنوك ياوغدانن مشوين ابلشوني :za3lan:
تسيف الرجل بحاله ولاعنده من الشيطان طاري يتبلونه ه هالورعنه ول الله يقلعهم أعوذ بالله ايا بذرة الشر والشرير <_ يقصد وغدانن مشوين تخانق معهم :)
يالربع هالصبح قمت بدري وقررت أعيد غصب طيب مافيه زيي زي هالعالم وأروح وأكشخ وأول ماامر هنود البقالة وأعايدهم وعقب رحت لمحل جنبهم يمانية وأفطر عندهم ونتعايد وبغو يعطوني قات بس استخرت ذليت يالربع :315r: <_ ولا ناوي
المهم المهمات وأنا أنكس لعشتي اللي هي الشقة مابه الا انا تقل مجنون قلبته تقلب ومن الطفش مرتين اصلح شاهي وقهوه :)
قلت ياولد خلن اغفي لي شوي يما يجي دوامي العصر واطس له اللهابوهم تسيف خلوني أداوم :148r:
المهم وأنا اتمغط وأقرا المعوذات واسج واتذكر عيدنا أول وتكتن العبره :)
الا الصوت اللي فجر أذني :148r:
وأقمز الا انا على رجل وأراعي للدريشة يمار له دخنه قلت ايه هذا القصف اللي تقول عنه سارا وانا استانس قلت الحين يدقون علي يقولون رح معك إجازهـ :)
خذيت شوي الا اللي أخس من الصوت الأول واسمه لجة وغدان برا وانا اطلع وهم يراعون لي تهولو :)
الشوشة طايره وبس بالسروال والفنيلة ومعي الله يكرمكم لي زبيريه ابي أليخهم :)
وهم ينحاشون وأناأنطلق وراهم لي غبره يوم تعبت ولساني وصل لرقبتي رجعت لشقتي ..
يوم خذيت شوي الله يجيركم وهي تقلب شقتي ساحة معركه ماتسمع الا صوت اللي يسمونه الطعميه وابن لادن وانا اركض بالشقه مدري وش اسوي وخذت ههههههههههههههههه
وأخذ عصا المكنسة وانا افتح باب الشقة ليتن مافتحته :wallah_hoo:
فيه اربع منهم موقفين قدام الباب ومجهزين ولاعاتهم ومعهم اللي يقالة المدفع وهم يتولجوني به ومن الخرعه مارجعت لشقتي طلعت برا .....
وخلوها على ربكم :)
زبدتهم أني دبيت حديهم يما قامت سبلتوه تدرج ولاقدر يوقف الاعصاب الله العالم تلفت عنده من الخرعه حشرت تحت الدرج ههههههههههههههههههههههههه
وذليت يموت بالشقة وأخذه وأقطه برا العماره والعلم بوه جو أخوياه وشالوه :)
وإلى لحظة كتابتي هالمعركة وأنا ماني ضامن لكم أنكم تشوفوني كثر ماشفتوني :)
يمكن يجون أهلهم ويذبحوني بالشقة بس الظاهر اني ابنحاش استأجر لي شقة ولا أدور لي عائله تتبناني مدة هالعيد :)
إلا يالربع تهقون لو أعرض روحي للتبني ألقىا لي ناس يتبنوني بس هالعيد :puzzled:
آسف على الأطالة
توسدو إحترامي
