معركة طعس الاصيلع الخالده
الشجاعه شي يحطه الله سبحانه بقلب بعض الرجال
وهي لا تنشرى شراء ولا توخذ بالقوه 0 وانا من افضل ميزاتي وصفاتي الشجاعه
اللي تفوقت بها على اقراني كلهم وحطتني فوق طنخان بدرجه وحده لانه يشاركني بكل
الصفات الا الشجاعه انا عندي زود كيلوا ونصف اكثر منه 00 والدليل يوم رحت انذخ
عند لي مزيونه حول طعس الاصيلع بالنفود غرب تربه وحدثت معركه بيني وبين الذيخ
حقهم وطبعا حسمت المعركه لصالحي بلاشك وهذي هي:
[poem=font=",6,black,bold,normal" bkcolor="transparent" bkimage="http://www.shmmr.net/vb/mwaextraedit2/backgrounds/5.gif" border="double,4,black" type=2 line=0 align=center use=ex num="0,black""]
في ضحى السبت جـيـبي بالخـلا يستدير=في هبايـب شباط وطـاير(ن)بالـطـريق
قلت يـمكن نشوف من العـذارى غـرير=ودي انــذخ قـبــالـه بالـلـسـان الـطـلـيق
وشفت بيت(ن)مروبع زامـي(ن) للنظـير=وفي ركونـه عـنـود(ن)له قوام(ن)رشيق
قلت ابي اصبر واجـيهم مع صلاة الاخير=لاجـل اشوفه من الـرفـه عـلـيـنـا تـويـق
وجـيـتهم وقت شايبـهم غـطـس بالـشخير=مثل ذيب(ن)على روس النوازي طليق
ويوم قربـت مـنـهـم شـفـت شـر وشـريـر=انـطـلـق لـي كـلاب(ن)ما يـمر الصديق
الـبـراطـم تـهــادل فـوق نـاب(ن)شـطـيـر=وسنحة الوجه قـشـرا مـثـل خـبزة رفيق
كيف تـسـمـع ضـروسـه بالـخـلا لـه صرير=وقام يـنـبـح بوجـهـي لـيـن قـام الـفـريق
قام يـقـدم وانـا انـزح جـاهـل(ن)بالـمصير=والوساعـه قـبـالـي كـل سـاعـه تـضـيـق
صار صـدره قـبـالـي بالـغـضـب لـه زفـيـر=وصار صدري من الخرعه زفير وشهـيق
وهو يـجـيـنـي وانا اقـمـز قـمـزة المستذير=مثل ذيب(ن)حداه الرمـي فوق الطبيق
مـاهـقـيــت الاوادم يـاجـمــــاعـــه تـطــــيـــر=لين عديـت طايـر فوق جرف(ن)غميق
ادعــس الـشـوك لـكــنـه بـرجـلــي حــريـر=وفي وقوت الشدايد ساق رجلي سبـيق
ويوم قرب لكـرعـانـي بـنــصــف الـمــسـيـر=طرت طاير ثـمـان امـتـار فـوق المضيق
والله انـه شـبـيـه(ن)فـي تـهــامــة عـســيــر=ولا كلاب(ن)يخلي لحم فـخـذي وشيق
وهو وقف صعب يقمز مع مكان(ن)خطير=وقام يـنـظـر لزولي جوف كـبـده حريق
يـبـي يـشـرب من عـروقــي ودمـي عـصـير=وعاد انا كل جسمي بالـمـهــاوش رقـيـق
وعـــادتــي بالـمـعــارك يـاجـمـــاعـــه خــبــيـــر=يـنـفـعـن سـاق رجـلـي كـالـغـزالـه دقيق
وعفت طعس الاصـيـلع لا نـقــع بــه غــديـر=ولا كلاب(ن)يحمل النفس ما لا تطيق
[/poem]
