عشير(ن)في دروب العشق ماسوى بقلبي خير
[poem=font=",6,black,bold,normal" bkcolor="orange" bkimage="" border="double,4,black" type=2 line=0 align=center use=ex num="0,black""]
الا يـاكــثــر مايــطــري هــوى الـلــي زاد تــيـــاره=عشيرن فـي دروب الـعـشـق مـاسـوى بـقـلـبي خـير
تـركـنـي سـاهــر(ن) لـيـلـي وهو مرتاح في داره=سهـيـر(ن) لـين اشوف الـفـجـر واسمع داعي التكبير
ودليل اللي يـضـيع بليل نـجـم الـجـدي واقـمـاره=ولا يـنـفــع كـمـيــخ الــراس كـثــر الـشــور والـتـفـكـير
عـروق الجـوف من كـثـر الـوعايـد تـشـتـعل نـاره=سبـايـب كــثــرة اعــذاره مع التـسـويــف والــتـاخـير
انـا راحـت حـيـاتي فـي خـطـوط الـزيـن وديـاره=اذا زاد الـجـفى سارت ركاب الـقـلب عـكـس الـسير
عقب ماغاب عن عيني وطـق الـقـلب مـسـمـاره=الا لاعـدت ياخـشـف(ن) رمـى قـلـبي بوسط البـير
بـلاي اللي رمـى روحي بـوسط الـنـاس مـنـهـاره=واحـسـب انـي بـصـولاتــي شـجـاعـة عـنـتـره والـزيـر
اذا نـامت عـيـون الـنــاس شـن صويــحـبي غـاره=هـقـيـتـه مـثـل حـرب الـنـاس والـغـالـي حـروبـه غـير
يحارب خافـق(ن) يـشكـي هـواه وقـلـة انـصـاره=يـجــيــنـي طـيــفــهـا الــعـابـر بــلا فــيــزه ولا تـاشــيــر
صـواريــخ الـعـيـون الـلـي تـهـدم الـقـلـب واسـواره=ولا لي حـيـلـة(ن) بـاللـي تـفـجـر خـافــقـي تـفـجـيـر
لـهـا خــبـره عــلــى الـهـجــمـات ماتــظــهــر بـراداره=ولا تــقـدر دفـاعـاتــي تـصـيـد الــخـصـم بالـتـصـويـر
ولا ادري كـيـف مانـسـمـع نـسـور الـحـرب لا طاره=واظن الرمش يستـعـمـل بـحـربـي صـنعة الـتـشـفـير
يـصـيـب الــقــلـب لـو طــفــيـت نـار الـبـيـت وانـواره=ولا عــنــدي لـهـذا الــقــصـف لا حــجـه ولا تـبـريـر
وفـانـا ظــاهــر(ن) لـلـي يـعـرف الـــقـلــب واشـعــاره=اذا كان الحشى راسب بـدرس الـرسـم والـتـعـبـير
واشـوف الـزيـن مـايــقـبــل شـروح الــحـال واعــذاره=ودايــم يـتــهــم قـلــبـي بـكـثــر الـنـقــص والـتـقـصـيـر
مـتى كـوفـي عـــنــان يـشـوف لاجــل يـوجــه انــذاره=ويـكـتـب فـي هـجــوم الـريــم قــدام الــدول تـقــريـر
وقـال الـريـم لـه فـيـتــو ولااحــد(ن)يـامـن اخـطـاره=وبالـتـصـويـت مايـسـمـع لـشـكـوى الـحـرب بالتـمرير
ونـخـيـت اهـل الـجــرايـد تـكـتـب الـغـارات بـاخـباره=ويـرفـضـهـا مـديـر الـنــشــر والـتـرتـيـب والـتـحـريـر
واذا طـالـبـت بالـتـعـويـض عـقـب الـقـصـف واضـراره=رفـض تـعـويـضـنـا بـالـهـدم نـايـب لجـنـة الـتـطـويـر
بـغـيـت انـسـى غــرام الـلــي عـلــيــه الــروح مـحـــتــاره=واذا فـكـرت بـالـنـسـيـان زادت حــدة الــتــدمـيــر
يـشـيـب الـراس من ريــم(ن) تـرك لـي بـس تـذكـاره=وذكــرى الــزيـن نـيــرانـه تـزود بـكــثــرة الـتــكــريــر
وصــار الــقــــلــب يـسـتــورد هــمـوم الـنـــاس واكـــداره=واذا فــاض الـحـشـى جـابـت قرار(ن)يمنع الـتصدير
انـا جـيـت الــطـبـيـب الـلــي دفـع لـلــقـــلــب مـنـظــاره=عـقــب مـاطـقـنــي بـرواز فـيـه الـبــنــج لـلـتــخــديـر
وعـقــب الـفـحــص نـاديـت الـطـبـيــب وقـال مـاصـاره=اصـاب الـجـوف نـيــران الـغــرام ويـلــزمـه تـسـفـــيـر
اشـوف الـضــغـــط بـالــشــريـان مـايـمـشــي بـمـعــبـــاره=ولا يـنـفــع مـعــه درزن لـفــايـف شـاش مـع قـصدير
وقـال الـــقـــلـــب فـيــه آثــار طــلــــقــــة بــنــــدق(ن) ثـاره=وجــرحــه فــي عــروق الـجـوف مايـنـفـع بـه التطهير
ولا لــه غـــيـــر ريــق الــلـــي خـــدوده تـــقــــل جـــمــاره=عـنـود(ن) ريـقـهــا يـشـفــي جـروح الـقـلـب بالـتـقـطير
وقـلــت الــطــيــر جــاه الـــرزق مـن كــفـــه ومـنـــقـــاره=ولانـي بالحــيـاة اردى ولا اضـعــف مـن طـبـوع الـطير
وابــي تــعـــلــن تـنــازلـنــــا عــن الـلــي ذقــت مـنـشــاره=لو انـه فـي دروب الـعـشـق مـاسـوى بـقـلـبــي خــيـر
[/poem]
