مساء الخيرات والليرات ع الناس اللي مش ايّ ايّ ولا زيّ زيّ..
ازيكم ياالربع والربعات :hala1:
اليوم بقولكم سالفه صارت لنا فيها اكشن ودراما وكوميدي وكل شيء :)
بداية قصتنا من بطوله ( عزوز ) (وام عزوز) و (اخت عزوز اللي هي انا) http://www.3athriah.com/vb/images/smilies/165.gif
كان يامكان في سالف العصر والاوان..
كان اول يوم من ايام الدراسه من هالسنه <وش جاب هالطاري العالم توها معطله
والكل نشيط ومستعد للعام الدراسي الجديد..
المووهم زي ماتعرفون المدارس يبدون قبل الكليات بأسبوع..
اخوي اخر العنقود بثاني متوسط كعادته اليوميه كشخ وقعد ع المرايه ساعه وكتمنا بريحه عطره وطلع مع الثوب الجديد والشماغ اللي ثلاث ارباع علبة النشاء عليه صاير كنه خشبة.. < حركات مراهقين :d:
راح لمدرسته.. وماله من الشيطان طاري..
المووهم اذكر اني كنت نايمة بغرفتي< وين بتكونين نايمة بالله :)
صحيت على ضجة واصوات عاليه تصدر من الطابق الارضي..
مديت يدي وتناولت هاتفي النقال فتحته وناظرت بالساعه وجدتها تشير الى الثالثه و الربع عصرا..
قلت في نفسي وش عندهم هذولا عز القايله.. :puzzled:
نزلت بشوف وش صاير وليش كل هالازعاج.. مايقدورن ان في احد نايم..؟
وبينما انا في منتصف الدرج.. وقفت فجأه كي استوعب مايحدث امامي..
ابوي واقف معصصصصب :c:
يكلم بالجوال واستنتجت ان اللي يكلمه اخوي الكبير..؟
امي قاعده تصيح http://www.3athriah.com/vb/images/smilies/crying.gif
خواتي ريا وسكينه وجيههم منقلبه
قلبي طاح قلت وش فيه وش صاير عسى ماشر..؟
نطقت اختي بعد ماخلوني ساعه اتكلم ومحد معبرني قالت لي: عزوز للحين ماجاء من مدرسته والمدرسه مقفله واصحابه كلهم يقولون مايدرون عنه..
ناظرت بالساعه من جديد وتوي انتبه ان الدنيا عصر..!!
رجعت قلت لها ايييييييييييييييييييييييش...http://www.3athriah.com/vb/images/smilies/D.gif
رجعت عادت لي نفس الجمله دون زيادة او نقصان ( عزوز للحين ماجاء من مدرسته والمدرسه راحوا لها لقوها مقفله واصحابه كلهم يقولون مايدرون عنه.. )
يمة اخوي ..!! http://www.3athriah.com/vb/images/smilies/frown.gif
وينه ..؟ عسى مايكون صاير له شيء..؟
عطاني ابوي نظره سكتتني ( يعني انه مو وقتك ) وطلع هو بعد يدور عليه.. http://www.3athriah.com/vb/images/smilies/D.gif
حاله توتر مايعلمها الا الله.. واللي زاد التوتر صياح امي قاعده تبكي وتدعي مرة تقول اكيد متضاربين وطاعنينه وميت محد داري عنه http://www.3athriah.com/vb/images/smilies/frown.gif
ومرة تقول والا داعسته سيارة .. والا خاطفينه.. والا والا والا وكل فال اقرد من الثاني ( يايمة يرحم والديك وش هالفال .. ) http://www.3athriah.com/vb/images/smilies/frown.gif
قعدت ساكته وانا اسمعها وافكاري تودي وتجيب احيان اقول يمكن معها حق هو ملسون يمكن ضاربينه بشيء ومغمى عليه..؟
بعدها ارجع اقول لا لا مافيه غير العافيه اساسا هو مهوي يمكن راح يلعب والا مع واحد من اصحابه ولاهو داري عن هوى دارنا ويقالي بسوي فيها القويه اللي ما تنهار وتخرها بكوة..
وكل شوي يرن التليفون اخواني الكبار يسألون هاه جاء والا لا..؟
كلن بسيارته يفر في هالشوارع لعل وعسى يشوفونه او يشوفون احد من اصحابه..
بس مافي امل الدنيا فاضيه والطلاب صار لهم ساعه وربع او اكثر منصرفين من مدارسهم http://www.3athriah.com/vb/images/smilies/frown.gif
ومدرسته مررره قريبه ماياخذ عشر دقايق بطريق الرجعه ..؟
ياربي وينه من ساعه وربع ..؟ http://www.3athriah.com/vb/images/smilies/frown.gif
حتى جواله مسكناه ماخلينا رقم مسجل فيه الا دقينا عليه..
يا محد يرد.. يامقفل.. واللي يقول انا من اصحابة بمدرسته القديمة مو المدرسه هذي.. http://www.3athriah.com/vb/images/smilies/029.gif
وامي كل مالها تصيح اكثر..
اخر مابها ماقدرت تصبر لبست عباتها.. وطلعت تدور عليه بنفسها.. http://www.3athriah.com/vb/images/smilies/crying.gif
بقينا انا وخواتي بالبيت لحالنا عايشين حالة توتر مايعلمها الا الله..
وكل ما رن التليفون ارتعنا.. http://www.3athriah.com/vb/images/smilies/D.gif
جلسنا على هالحاله يمكن ربع ساعه http://www.3athriah.com/vb/images/smilies/frown.gif
مرت علينا كنها اربع ساعات ..
وبينما انا احوس في جواله لعل وعسى القى خبر عنه او احد يرد علي..
الايدق جرس الباب.. نقزت افتحه.. ويوم فتحته جاني شعور غرييييييييب قسم كن احد كات علي موية باااااااااااردة
شفته بشحمة ولحمه هو هو اخوي عزيز على الباب مسكته وخميته < ياحياتي انا http://www.3athriah.com/vb/images/smilies/frown.gif
جاء وجهه اسود ومنخرش وثوبه حالته حاله صبيت عليه وابل من الاسئله ( وين كنت ..؟ و من ضاربك..؟ وش مسوي فيك كذا..؟ ليه وجهك اسود..؟ وينك من اليوم قالبين الدنيا يدورونك..؟ وابوي معصب وامي قاعده تصيح < الحين الولد اللي فيه مكفيه وانتي تزيدينه http://www.3athriah.com/vb/images/smilies/150.gif
اول ماسمع ان امي تبكي وابوي معصب ورايح يدوره قال :هاااااااااه ..!! :a:
خاف وخنقته العبره ماقدر يقاوم وبكى قال: والله والله ورب الكعبة اني كنت نايم الحصة السابعه ويوم قمت مالقيت احد الفصل فاضي والمدرسة مقفله علي محد صحاني قعدت ادور مكان اطلع منه مالقيت غير فتحه شباك عند الدرج ورميت شنطتي ونطيت حتي رجلي إلتوت وماني قادر امشي وللحين تعورني..؟؟ http://www.3athriah.com/vb/images/smilies/crying.gif
ناظرنا ببعض انا وخواتي ومتنا ضحك :solh:
بعديييييييييييييين قلت طيب ماشفت امي وانت راجع ..؟ قال لا..؟ http://www.3athriah.com/vb/images/smilies/frown.gif
وتوي استوعب اني فاتحه معه محضر وماقلت لاحد انه جاء دقيت على امي وابوي واخواني ابشرهم بعودة هذا الغائب..
اول ماجت امي صكته كف وبعدها ضمته وقعدت تصيح .. :)
وتمطخ فيه .. ومجلسته بحضنها كنه بزر اربع سنين < هذا وقت غيرتك الحين http://www.3athriah.com/vb/images/smilies/redface.gif
وحملت وكملت وفي اصيبع الصغير دملت..
مايستفاد من القصة: http://www.3athriah.com/vb/images/smilies/165.gif
1/ اياك ان تذهب للمطرسة وانت مواصل كي لايحدث مالم يكن في الحسبان..
2/ عندما تشعر بالنعاس حاول ان تاخذ لك (غفوة ) في الحصص الاولى وليست الاخيرة..
3/ ابتعد عن صحبة الانذال اللي يشوفونك نايم ويتوكلون على بيوتهم ومحد يصحيك.. http://www.3athriah.com/vb/images/smilies/nono.gif
4/ ابشركم بطل قصتنا لم يأكل علقه من والدي كما كان متوقعا بل حدث العكس حيث انفجر والدي ضاحكا عندما عرف قصته http://www.3athriah.com/vb/images/smilies/haha.gif
5/الشعور بمدى غلاة الضنا وحب والدينا لنا ادامهم الله على رؤسنا وحفظهما من كل مكروهـ.. http://www.3athriah.com/vb/images/smilies/121.gif
ووووبس خلاص http://www.3athriah.com/vb/images/smilies/165.gif
