بسنه مهي من البعيدات حيل
كان فيه واحد قليل صحه بالحاره ( مثل رفيدز يوسف )
وكان هالاخ الله يرفع عنوه مسوي حرب بارده مع القواطي
وكل يوم تلقاه واقف عند الشارع ومعه كم قوطي ويقطهن حدر السيارات علشان يموتن ( على قولته )
المهم بيوم من الايام كنت جاي وماني فاضين لوه
( الله العالم اني يا متهاوش ومكمخ ولا حاضرن مباراة مع شنقل ومنهزم النصر )
الوكاد وقفني الاخ
قال تكفى الله يرحم واااااااااالديك يا شبيثان
قلت ياليل محمد علي كلاي وش تبي ياخي اطلع من حياتي
قال تكفى ابيك تلعن والدينوه
تكفى ابيك تمسح فيه الارض
تكفى ترا تكفى تهز الرجاجيل
قلت منهو هذا خلن اصير علتس بوجهه ( يالربع من العصبيه صار وجهي تقل طماطه )
قال هالقوطي ( هالحين صرت تقل مصاصه سودا )
قلت طرفوه لي
حطوه دزدام السياره خلن اعجنوه
يوم صار دزدام السياره وهو يدنق وياخذلوه عشر دقايق تقل يبي يشوت بلنتي حاسم
ومن المغثه اللي بي وانا اصدمه بالسياره
واهرب
وهو يقوم لوه صياح الله لا يوفقك الله لايعافيك الله ( اعوذ بالله وهو يمغطن بهالمداعي )
واخر شين سمعته منوه قال والله ما اخليك
عرفت انوه نواني ( الله يستر منوه )
وبحدا الايام كنت رايحن للمسجد ابي اصلي المغرب
وانا اراعي ليمار متغيبن بين الشجر ويراقبن
وماشلت هموه مستعجل ابلحق الصلاة
اثري ابو الشباب اخذلوه خيزرانه وجايبه معوه
المهم صليت مع المسلمين بأمان الله
ويوم سجدت ( قيام بالله تجهزو للاكشن )
وهو يمسن بأسفل الظهر
وانا اتحمل
وهو يمسن الثانيه
وانا اتحممممممل
وهو يمسن الثالثه والرابعه والعاشره وانا اروغ بمنطقة اسفل الظهر ( مايحتاج اقول )
واخونا بالله الامام جاوه الخشوع وطول بالسجود
وهذا شغال جلد ( اهب ما بقلبوه رحمه المقعده باااااازت يارقاله )
وانا بس ادعي بالسجود يالله ان الامام يرفع من سجودوه يالله انك تهونه علي
وعقب فتره تعد الاطول في حياتي
وهو يرفع الامام من السجود
ويوم رفعت من السجود وهو يمسن بوحده مع الاذن
وهو ينقز الدم على اللي بجنبي
وهو يسلم اللي بجنبي قال ليه تتفل علي ( يعنيني )
وانا اسلم قلت والله اول ابحتسب الاجر مار هالحين وين انا والاجر ياصار هذا وراي يجلدن وانت عن يميني تخانقن
وهو يبخ ضحك
الله يجيركم
يوم جيت البيت
وانا اجي بالغرفه لحالي
واجدع ملابسي واراعي
ياويطي
يابري حالي
ياويلوه من الله
تسيف قالبن ظهري مثل ظهر الحـ مـ ا ر الوحشي
واخذلي حول اسبوع ما اقدر اجلس بس انبطح
هذا غير الاضرار النفسيه ( فشلن عند جماعة المسجد الله يهديه )
وتقلدوا تحيتي
