وظيفة بدون راتب ( لغز )

هذا اللغز خفيف وحله (على الطاير) واللي يحله يبشر بالوظيفة :

أنشدك عن رجل لقاله وظيفة ****يونس بها روحه لو ماقضب شين
متولمن يلقف لمن طاب كيفه *****وينكف قبل ما تقرب العين للعين

القلم :D <==========-----هاه خطأ ... ما لي ومال الألغاز بس قلت بحاول

أخوي
المشرف shammar.net
والله
راحت عليك الوظيفة
خيرها بغيرها.

مرحبا يابو يزيد

اعتقد ان الحل هو النوم

وسلامتك،

مرحبابالأخت عبرة^^الغالي
للأسف
الحل غير صحيح
حاولي
مع الشكر للمشاركة

الخ ابو يزيد السلام عليكم ورحمه الله وبركاته وبعد


اقدم لكم رمعتي التلميحيه وزي ماانت عارف اللغاز رياضة مخ

وانا ياابويزيد ماعندي لياقه لئني مبطي عن اللغاز المهم

كان الحل طير من الطيور فاانا ابقول ,


اخوك
طلال الشمري

أخوي/طلال الشمري
مادام رمعتك تلميحية
والله تكفي
واسكت لااقول صح ولو الرمعة ذبيحة ماعشتك
لكن مادامه تلميح بتلميح
ترى الحل رجال
صحيح ويمشي غالبا مع واحد لابس بشت
بس تراه ماهو خوي
ههههه كل هذا على شان هالرمعة التلميحية
شكرا 1000وسعت صدري هالظهرية

الاخ ابو يزيد

تحية طيبة وبعد هذه محاولة

ماهو باب التماتيك

مع تحياتي

أخوي عطارد
تشكر على الرمعة
لكن الله يهديك اقول لطلال الشمري ترا الحل رجال يمشي مع واحد لابس بشت
المهم اقرب الحل اكثر
تراهم غالبا مايمشون مع بعض ليلة الجمعة .
حاول وبانتظارك.

اخي ابو زيد

تحياتي الحاره ولو ان ماقربت العين للعين

وانكفت ((( تلميحه ))) هل انا حول السالفه والا اسكت

انا وجهازي بالمنتدى ولا تزعل علي ترى غشيــــــــــــم







اخــــــــــوك

اخو المساعيد
ياهلا وسهلا
اسمحلي دورت في تعقيبك على حل
مالقيت الا انك قلت"تلميحة"
آسف حاول مرة اخرى
الحل ياخو المساعيد
قلت رجال بني آدم
يمشي مه واحد ثاني ليلة الجمعة
ايش نسميه
كل هذا التقريب على شان انك قلت غشيم
وانا ادري انك تمزح
تحياتي لك.

الاخ ابو يزيد
ابحاول ولاترى مني راعي اللغاز
بس قلت احاول............
مـــــــــاهــي الــــــواسطـــــــــه

الأخ/موج البحر
اسعد الله مسائك
يؤسفني اني اقول حاول مرة اخرى
انا قلت ليلة الجمعة ………افهمها؟؟؟

اشكرك عرفته عرفته ولكن لن اقول لاعطي فرصه


للاخوان والله اني صادق وعلى شان تقريبتك باخليهم



يحاولون وعلى قولة اخوناطلال الالغاز رياضه فكريه


ابغاهم يتعبون وتقبل تحيات اخــــــــــوك

الأخ/اخو المساعيد
الله يمسيك بالخير
ياخوي
وش تنتظر ماتحل اللغز
وتعطي فرصة لمن
خلاص الناس ماعرفوه
ياالله بس ارم الحل تراه حظيتك ياطويل العمر
تحياتي

تحياتي يابو يزيد الحل (( مباري العريس ))

وعساك تعرس بس توجهلي دعوه على شان احصل على الوظيفه

واباريك وقبل ماتشوف العروس ارجع 0 ولا تنسى جماعتنا كل

مشرفين واعضاء المنتدى توجهلهم الدعوات يمكن تحصل (( قطه ))

تراهم مايقصرون يتهيا حق بانزين الددسن لمده شهرين وكاد انا

اضمن لك ذلك بس احزم ضلوعك وسوها ولك تحياتي ويعذروننا الجماعه

على التاخير والله ودي مافارق هالجهاز ولو لحظه لكن انت عارف

لفرصه بالدقائق 0000000

الأخ/اخو المساعيد
الله يسعد ايامك
ياخوي وش اللي سويت باللغز
والله ماقصرت على هالحل
لكن اعذرني بالتأخير
واحسن مافي حلك
هو دعوتك لي بالعرس وتقول عساي اعرس
لا وتبيني احزم اضلوعي
على ايش احزمها
ماتحتاج حزم ابد
وبعدين انا ماني مثلك
اذا بغيت اعرس
ادور وحدة هي اللي تحزم ضلوعه
وتبدأ تتدين وتأخذ سلف
على شان مصاريف العرس
ولا تنسى يمكن بعد فترة
نصير زي الهنود الحريم هن اللي يجهزن علينا
تدري ليش
هلحين البنات ملن البيوت
لا بعد يمكن بكرى اهل البنت هم اللي يطقون عليك
ويقولون حنا جايين نخطبك لبنتنا فلانه.
وأخرتها تورطت امس عرض علي واحد وحدة من القصيم
ويالله افتك من اللي عرضها علي
ولا بغيت اقوله هي وش اصله استحيت
عاد انا ماابي الا بدوية
وموظفة لا ويجب ان تكون كل الصفات اللي كتبها
ابو علي في مضيف راعيات الهودج انها تكون فيها

.وغير هذا لازم تجيبلي شهادة من الدكتور ان عيونها ماتدمع وتبكي
وبعدين تخدعني بالدموع لأني ابتبع نصيحة اختي عبرة^^الغالي
بعد مافضحت كل النسوانوان دموعهن كذب بكذب
عاد اذا لقيت اللي تناسبني ياأخو المساعيد
ابشر والله بسعدك
وابي اوظفك الوظيفة اللي انت خابر يعني تباريني
والله اتشرف والبشت تراه علي وبعدين انت مصدق انك بتخش معي اكيد انك بترجع قبل ماتشوف العروسة
وبعدين اكيد ابعزم الربع(يعني المشرفين والمراقبيت والأعضاء)
بس ترى ماابي قطة مثل ماقلت علشان بنزين الددتسن
لا.بالعكس اللي يحضر عرسي هو راع المعروف وهو الغالي
عاد تصور اقوله قط لي اخيه والله اخيه
اخبرا
تشكر على الحل
وعلى تذكيري بالعرس وهذا أهم شي
وتقبل تحياتاخوك /ابو يزيد

اخوى ابو يزيد مشكور على هذ الغز ونبي لغز ثاني

الأخ/almarkoz
الله يمسيك بالخير
ياخوي بناءا على طلبك
طرح لغز جديد طرحت
اربع الغاز على شانك
لكن مالقينا اللي يحلهن
وش ظنك نحط عليهن جوايز
بهالرمضان والا نطرح اسهل منهن
عطني رايك.
اخوك/ابو يزيد

مساك الله بالخير يا ابو يـــز يد

ودي تكثرووووووون من الالغاز الجديده ابي الطازجه...



والله يعطيك العافيه ..