جديدي لكم " شاعر انا لاتاثقين بكلامي "

[align=center]من القديم الجديد[/align]
[poem=font="Simplified Arabic,7,black,bold,normal" bkcolor="transparent" bkimage="backgrounds/24.gif" border="none,4,gray" type=2 line=0 align=center use=ex num="0,black"]
شاعر أنا لاتاثقين بكلامي=لاقلت أصونك .. يمكن اني اخونك!
كم قلت لك انك وحيدة غرامي=وانا بغرامي " عشرة ٍ يشبهونك"
وش عاد لو قلتي "عليّه " حرامي=انا حرامي "خير شر ٍ" بدونك
محد ٍجبرك وعلقك في هيامي=انتي لوحدك عالقه من جنونك !
أي حب هذا اللي تقولين سامي ؟=يامانصحتك .. لاتخونك ظنونك
الحب له قيمه وقدر ومقامي=ماهو بحب اللي علق في عيونك!
درب الهوى يابنت "نوره " ظلامي=الا اذا أرسيتي الحد دونك
كل ٍ على كيفه يشد الحزامي=وفي النهايه.. نصفهم يخدعونك
وشاعر أنا لاتاثقين بكلامي=لاقلت أصونك .. يمكن اني اخونك
كم قلت لك انك وحيدة غرامي=وانا بغرامي " عشرة ٍ يشبهونك"[/poem]

صح الله لسانك يالمقتنع
,,,,,, وعز الله ان القصيدة مقنعة !!!!!!!!!!!!!!

[align=center]

أخي يعقوب صح لسانك ....
قصيدة في مجملها راااائعه وأنت رائع يالمقتنع.
البيتين الأولين , قمة في الجزالة , لكن ظلمت الشعار فيه:)

عندك البيت هذا حيرني كثير , عندي وجهة نظر فيه اتمنى أنك تقبلها اخوي المقتنع..

((درب الهوى يابنت "نوره " ظلامي))<<<< الصدر روعه رهيب ولا فيه كلام
((ألا أذا أرسيتي الحد دونك))<<<< العجز عندك مدري احسه مناقض تماماً للصدر المعنى متفكك , غير ذلك ارى فيه خلل ألا ان كان النطق يختلف....!
أو يمكن غلط أملائي.......!

*ملاحظة*
وجهة نظر أتمنى انك تتقبلها وقد تخطي وقد تصيب....

تقبل تحياتي
((عبدالله بن غيث))

[/align]

8
8
8

أخوي كحل المحاجر

أعتقد أن التوبة هي ماقصده الشاعر في الشطر الثاني من البيت

بمعنى ( سيكون طريق الهوى ظلام إلا إذا لم أصل إليك وأتمكن منك بمعنى " إلا إذا صحوتي " )

أشكرك لإهتمامك وحرصك أخي كحل المحاجر ..



ــــــــــــــ


أخي يعقوب :

القصيدة رائعه

ويؤسفني هذا الواقع الذي صوّرته في القصيدة للرجل العربي الشهم

الله يحفظنا

بارك الله فيك

اخي المقتنع

قصيدة جميلة جدا
وجمالها بمقدار الصراحة والجراة


تقبل مروري rooose2

*

*


المقنع


صح لسانك اخى

قصيدة صريحة وقوية

ومعنى واضح جزل


لك الشكر اخى على ابداعك

لا هنت

تحيااتى

*
*

صح لسانك


مع تحفظ لوجهت نظرك الخاصه فيك


شكرا

[align=center]

أخي الفاضل /

المقتنع


أبيات جدا جميلة و واقعية جدا أيضا

غير أنّي أعتقد بأن ربطها بـ الشاعر دون سواه فيه شيء من الإجحاف

فمن يخون يخون سواء كان شاعرا أن غير شاعر




مجرد رأي

و شكرا لتواصلك




أختك

الدهور
[/align]

وأنا أقووول صحيح

رائعة جداا هكذا الشعر

اقتباس:

---

((ألا أذا أرسيتي الحد دونك))<<<<

---

البيت هذا صحيح لكن له قراءة

تقرأ

ألاّ إذا ....لوحدها ثم ..... أرسيتي الحد دونك

مع إحترامي لوجهة نظر كحل المحاجر

ويمكن أنا غلطاان

صح لسانك يالمقتنع قصيده مقنعه وجريئه



تقبل مروري

صح بدنك اخوي منيف

تشرفت بمرورك

دمت بخير

اخوي كحل المحاجر

صح بدنك

والف شكر لك

على مداخلتك الجميله من خلال هالفكر الواعي

لكن ملاحظتك بخصوص الشطر " الا اذا ارسيتي الحد دونك "

هي صحيحه من ناحية الاملاء فالمفروض انها كتبت " إلا اذا "

ومن ناحية النطق والوزن فهي صحيحه
لانها مجزاه مثل ماتفضل اخوي الغالي " سيف الدوله "

يعني تقرا كذا " إلا اذا ارسيتي الحد دونك "

الف شكر لمرورك

مودتي

اخوي كحل المحاجر

صح بدنك

والف شكر لك

على مداخلتك الجميله من خلال هالفكر الواعي

لكن ملاحظتك بخصوص الشطر " الا اذا ارسيتي الحد دونك "

هي صحيحه من ناحية الاملاء فالمفروض انها كتبت " إلا اذا "

ومن ناحية النطق والوزن فهي صحيحه
لانها مجزاه مثل ماتفضل اخوي الغالي " سيف الدوله "

يعني تقرا كذا " إلا اذا ارسيتي الحد دونك "

الف شكر لمرورك

مودتي

يعيطك العافيه اختي ام نواف

تسلمين على هالمداخله الجميله من خلال هالرد الوافي وهالتوضيح

شاكر مرورك

دمتي بخير

الاخت جود

تسلمين

كلك ذوق

دمتي بخير

صح بدنك اخت لوليتا

شاكر مرورك

دمتي بخير

صح بدنك اخوي نافع

وياهلا فيك

الف شكر

الاخت بتول ال علي

تسلمين

كلك ذوق

وربطي لمسألة الخيانه بالشعر هي مسألة خاصه في حدود ضيقه لااكثر

دمتي بخير

الغالي

سيف الدوله

الله لايهينك

اختصرت اللي بقوله


كلك فهم ونظر

تشرفت بمرورك

احترامي لك يالغالي