[poem=font=",6,white,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
البارحـه غربـة بـلاد وعناويـن =
=وحزنٍ يعرضني للصـوت الربابـه
اقسم هواجيسي على واحـد اثنيـن=
=وحيـد مابيـن القلـق والكتـابـه
شاعر خذيت الـلا نهايـه مياديـن=
=حتـى كتبنـي واقعـي للغـرابـه
ماهـو كـذا ياضيقتـي لاتلوميـن=
=مافيه فارق فـي زمـان التشابـه
اغرقت في وصف الامل للمجانيـن=
=لين انتهت شمس الامل في غيابـه
اوصف واقرّب بالصور والبراهين=
=واقول عن شوق الثـرى للسحابـه
وابدي وضوحي واختنق يافلسطيـن=
=وعن صوت غزه يوم ضاقت رحابه
منظر اليـم بريشـة الهـم والبيـن=
=مرسوم للعيـون الفلـس والخيابـه
لوحه من الواقـع يشوفـه ملاييـن=
=غابه لاوالله ماهـو الوضـع غابـه
الاغــزاتٍ يقتـلـون البريـيـن=
=وطفـلٍ يكفـن ياعيـون الرقابـه
اجرها ونـه مـن الواقـع الشيـن=
=واحس صدري ضمهـا وامتلابـه
منطق هلامـي يستبيـح القوانيـن=
=عارين لـوان الجسـد فـي ثيابـه
حرية الكلمـه وبـاب المضاميـن=
=يكفـل لنـا رد السـوال الاجابـه
(اسلام) لكن حطهـا بين قوسـين=
=يانهجنـا وين السـلـف والصحـابـه
نعم عرب .شعر.وفصاحه.وبعديـن=
=اطلال يكسوهـا الملـل والرتابـه
لوقلـت يابغـداد والخاتمـه ويـن=
=يبكي لنـا التاريـخ ممـا اصابـه
مفهوم مايقبل من الكـاش والديـن=
=والجـرح نخفـي نازفـه بالدعابـه
ياهي حقيقه بعـد مؤتـه وحطيـن=
=صرنا نذم السيـف نمـدح نصابـه
عمر التخاذل ماعـدل بالموازيـن=
=والصعب ماطـاوع يديـنٍ تهابـه
يعني بلاغسطس ويوليو وتشريـن=
=والعلم واضح في ثنايـا الخطابـه
والعون بيد اللي خلقنا مـن الطيـن=
=اللي طلبنـا رحمتـه عـن عذابـه
نرجيه لاجـف الثمـر بالبساتيـن=
=وخيم علي ليـل التعـب والكآبـه
واستوحش السهران ماغمـض العيـن=
=وقامت تعـاوى بالضلـوع الذيابـه
يلطف بنا عن سـو الايـام ويعيـن=
=وحده طمعنا فـي عطـاه وثوابـه
في ليلةٍ مرت وانا خاطـري شيـن=
=وقضيتهـا بيـن القلـق والكتابـه
[/poem]
