[poem=font=",6,white,normal,normal" bkcolor="black" bkimage="" border="none,4," type=1 line=0 align=center use=ex num="0,black""]
سجة فكر .. فيما مضى .. والمقابيل=فنجال كيف .. ولاهنا الراس كيفه
استرجع الذكرى ..واشوف المحاصيل=وأدوّن الماضي .. "غثاه" و "لطيفه"
والياخذيت عن الليالي .. تفاصيل=مرٍّ اعزّ الوقت .. ومرٍّ اعيفه
نوبٍ اعيف البر .. وابي التعاليل=ونوبٍ اعيف الناس .. وانصى المنيفه
ياسعود سير .. ودنا بالمواصيل=مادام الانفس يالسنافي نظيفه
مجلاسكم يالذيب .. عز .. ومعاميل=وفنجال هيلٍ .. والسوالف ظريفه
واعلمك طاروقنا .. والمواويل=والعلم واضح .. والنوايا شريفه
والله لو "مانبخصك" .. تنقل الشيل=وتدمح خطانا .. وتستلذ المخيفه
ماعلمك باللي .. جهلوه الرجاجيل=عن ماحوته ضلوع صدرٍ نحيفه
ياسعود راحوا .. ماتفيد المراسيل=قفو وقلبي .. يالسنافي خطيفه
مادري نحاها عن هوانا .. هل القيل=ولاتبدل صدق حبه .. بزيفه
انشهد ان الحب دربه بهاذيل=وقعه كما .. ضرب السيوف الرهيفه
والله لو مالدمع "عيب" المشاكيل=دمعٍ حبسته .. كود تنظر ذريفه
هذا وانا عندك .. ترا اصد واخيل=برقٍ تلاعج يالسنافي .. رفيفه
علّه عليهم ..يالبناخي تساهيل=وتصبح منازيل الاحبه مريفه[/poem]
مشعل حاشم الشمري
