المشاركة الأصلية كتبت بواسطة زاهي حمود
بسم الله الرحمن الرحيم
لحظة غياب الضمير عند بعض المسؤلين يكون حالي و حال الكثيرين بهذه الصوره
إليكم
[poem=font=",6,white,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
[poem=font=",5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
وش قلت ما اسمع عيد بالله وش قلـت=عيد السـؤال و هـاك نـصّ الاجابـه
عيد السؤال لمطلبـك صاحبـي نلـت=عيـده عسـى عيـدك يعـوّد سحابـه
قوله و انا قولـي بالاشعـار لا جلـت=خذهـا قصيـده مـن ضميـر ٍ هذابـه
تسأل عن اللي في غيابـه شقـا شلـت=تسأل عـن اللـي ميّـت ٍ فـي ترابـه
مدري و لا يدري بك الشرّ لـو طلـت=آقول مـدري لـو يجـي بـه غرابـه
من وين ابدري و الرواسي لهـا حلـت=غصب ٍ على خشمي و لو ما رضا بـه
ماني بـداري و الخـلا فيـه لا زلـت=بيـن الحَمَـار و بيـن سـود ٍ تشابـه
ماني مع العالـم و لا حولـي زفلـت=و لا الـذي يرسـل يجينـي سـرابـه
مقطوع و اسمع كلمة الحقّ مـا علـت=موجـات بـث البـرج معُلـن غيابـه
في خالي ٍ خلخل خفـاي و تخلخلـت=خالي خلا لا مـا خـلا مـن خرابـه
خليتبـه خلـوه خـذت مـا تخيّـلـت=خلّت خيالـي خالـي ٍ مـا خـلا بـه
يا صاحبي ليتـك صبـرت و تمهّلـت=سينـك فتـح مـا كـان مـردود بابـه
لطمـت جـرح ٍ ملتهـب لـو تأمّلـت=جرح ٍ نديّ ٍ مـا بـرى مـن صوابـه
يا صاحبـي قبْـل اربـع ٍ مـا تعلّلـت=شمس المشاعـر غـادي ٍ بـه ضبابـه
اظلم ضحى فكري و لا قلت ما خلـت=جبرتنـي حتـى لسانـي حكـى بــه
أحكـي حقيقـه عشتهـا مـا تخيّلـت=أمطـار ضيقـه برّهـا أرتـوى بــه
عسعـس دجاهـا بالحنايـا و لا ملـت=الضيـق وارد و المـراجـل نهـابـه
عام و شهـر واخـوه وايـام كمّلـت=قريـت صفحـات العنـا فـي كتابـه
ما اذكر شكيت احزان جوّه و لا اهملت=لساني اللي لو حكـى مـا غـدى بـه
لكن بعـد هـا الحيـن جيتـه تبدّلـت=تغيّـرت أحـوال مـاضـي حسـابـه
الاوله واجـب وانـا لواجبـي شلـت=و الثانيـه ملعـون منهـو سعـى بـه
يا صاحبي بعطيك رمز ٍ لـه اشعلـت=نـار القوافـي و الفكـر و الخطابـه
لا صرت في مركـز أنيـق و تحلّلـت=مـن مبـدء ٍ فيـه الفضـا و الرحابـه
بعـت الضميـر بعالـم المـدّ حوّلـت=جيتـه بخفيـه ثـمّ واحـد درى بــه
ثمّ ٍ درى غيـره و غيـره بمـا طلـت=اللـي درى فـي ذمتـك وش جنابـه
وش مركـزه لـوّ بجوابـك تفضّلـت=مابـي جوابـه عـارف ٍ وش جوابـه
سـد السعـد رد العـدد مـال عدّلـت=ميل العـدل عـدل الميـول و ثوابـه
بابـه بلابـه بيتـه و بيـت ٍ اقفـلـت=ذكـره بذكـره مـا يوفـي حجـابـه
جوفه و جوفي جوف في جوف ما كلت=لجلـه بيـوتٍ شامخـه فـي هضابـه
عاينـت عالـم علّتـه ثــمّ حلّـلـت=أسبـاب بعـدي و العـنـا و الكـآبـه
عديتـلـه شديتـلـه ثــمّ أبطـلـت=مفعول شعـر ٍ فـي حروفـه عذابـه
يا صاحبي ما هـو كفـو لـو تأملـت=لـو أذكـره بالقـاف قافـي رقـا بـه
خلّه علـى الله و النهايـه بهـا قلـت=درب الردى راعيه ما اذكر علـى بـه [/poem]
[/poem]
