العز ماهو خفي00 والله من الشجاعه
طبعا المرحوم عبدالله الفرج الغيثي له قصيده يذكر فيها داب طارده
بالظلع وقد حدث لي موقف قريب منه لذلك جاريته بهذي القصيده اللي ان دلت
على شي تدل على شجاعتي النادره لاني قفزت عشر ابواع وهي اعلى من قفزة كارل لويس
بطل العالم بالوثب000
ومثل هالمواقف توضح شجاعة الرجل صحيح اما بالفراغه كل احد يحكي ماعليه000
اسمعوا والعز ماهو خفي وانا اخو ريال فسحه000
[poem=font=",6,white,bold,normal" bkcolor="black" bkimage="" border="double,8,orange" type=2 line=0 align=center use=ex num="0,black""]
لاسـقـى الـلـه لـيـالـي طـلـعـتــي بالـشـعـيـب=مـارويـتــه ولـكـن ذقــتــهــا مــن شــقـــاي
قـصـتــن لـه بـقــايـا فـي حـــيـــاة الاديـــب=يـوم اصـيـد الـقـمـيـري واكـبـسـه فـي غـداي
فـي جـحـيـم الـقــوايـل والـهـبــايـب لـهـيــب=جـايـعـن عـقـب لـقـمـه ذقـتـهـــا فـي عـشـاي
وقـمـت اسوي طـعـامي عـنـد ظـلـعـن قريـب=وطـلـحـة الـشـوك صـارت عـن عجـاجـه قفاي
ويـوم زان الـقـمــيـري صار ريـقـي صـبـيـب=قـلـت احـطـــه ولا احــدن راح يـاكـل مـعـاي
انـطـلـق لـي حـنـيـشـن مـن شـقـوق الشـطـيـب=والحـنـيـش الـمـنـقـط هـو سـبـايـب غـثــاي
اســودن ســـم نـابـه مـايـفــيـــــده طـبـيـــب=وخـفـت مــن لـون عـيــنـه لاتـسـبــب عـمـاي
والـلـه ان الـجـدايـل مـن عــيــونـه تـشــيــب=ولا طـرى لي بـوســط الـلـيــل جــانـي بـلاي
صـار صـدري شـخـيـره بـالـحــنـايـا غــريــب=يـمـغـصـن وسـط بـطـنـي والـسـلامـه هـواي
وقـمـت اراعي طـعـامـي مـن ردات الـنـصـيـب=صـعـب اخـلـي طـيـوري بـالـخـلا مـن رداي
قـلـت لـه لـيـش زرتــن يـالـعـيــن الـصـلــيــب=لـو تـأخـرت سـاعـه كـان تـضـبـط مــعــاي
وقـمــت افـكـر بـذبـحـه فـي طـويـل الـعـسـيـب=ولو حـصل فـضـخ راسـه كـان هــذا مـنــاي
لـو قـضـعـنـي بـنـابـه شـمـس عـمــري تـغـيـب=وتـفـقــد الـنـاس زيـنــي مـاهــنــاهــا حـلاي
اقـطــم الـذيــل هــذا نـهــشــتــه مـاتـخــيــب=ولـو يـنـوشــن بـنـابـه كــان امـوت بـضـحـاي
وقـمـت اراقـب عـيـونـه مـثـل عـيـن الحـريـب=واخـتـلــط حــس صــدري مــع نـوادر دعــاي
صعـب اقــابـل بـخـيــلـن طــق بـابـي طـلـيـب=ويـوم حــرك لـســانــه ضــاع مــنــي رجــاي
وهو يـجـيـنـي وانا اقـمـز مع طـريـقـن صعـيـب=طـايـرن يـاجـمــاعـه فــي سـحــايـب سـمـاي
اوجـس الـنــاس تـحـتـي والـخـوافــق حـطــيــب=عـقــب ماكـنـت قـاعــد سـاجــعـن فـي خـلاي
كـيـف عــديــت طـايـر مـاذكــرت الــقــلــيــب=ولـو تـهــلـفـيـت وسـطـه كان راحــوا ضنـاي
خـطـوتـيـن وقـــمـزتـه كـالـحـصـان الـعـريـــب=والـمـبـارز رفـضــتــه قـبــل اطـيـح بخـطـاي
صـار لــي مـن عـيـونـه بـالـشــغـايــا هــذيــب=والخـسـيــس ان مـسكـنــي يـبـي يـلـعـن ثـواي
لـو بـغــيــت اتـعــدى لـلــهــلال الــخــصــيــب=سـرعـــتــي فـي زيــــاده لاذكــرتــــه وراي
كـلـمــا زاد عــزمـــه فــوق عــزمـــه نـجــيــب=وان عطى الداب سرعـه زدت انا فـي عـطـاي
الـكــتـاده وطـــيـــتـــه بـــس شــوكـه حــبـيـب=والـنــفــود الـغـــزيــره عــفــتـهـا مـن ذكـاي
دام راسـه عـريـضـن تــقــل عـلـبـاء خـطــيــب=وش يـفــيــدن قــبـالـه يـاجـــمــاعـه عــصـاي
خـطـوتـي خـمـسـة اذرع بالـشـجـر والـكـثـيــب =وكـل صـوتـن يخـرفــش يـقـلــعــن عـن مـداي
واحــمــد الـلـه لـحـالـي مـانـظــرنـي صـحـيــب=كـان اعـقــب الـخــريــزه مـاذكـرت اخـويـاي[/poem]
