( المرجله ) لـ مرس بن طواله
لكم
وبدون مقدمات
[poem=font=",6,white,normal,normal" bkcolor="transparent" bkimage="" border="ridge,2," type=1 line=0 align=center use=ex num="0,black""]
من لا يروم المرجله من فطامه=عيب تغطى عنه بيض الرعابيب
أحد يدور بس برد السلامه=وأحد يدور مجد لو بالمشاعيب
أنا أشهد إن الطيب كله زعامه=وأنا أشهد إن الذل كله عذاريب
من لا يصير لقمة المجد هامه=يصبر على العيشه بكدر المشاريب
الحر ما يرضى بصيد الهلامه=وإلا الردي يعيش بين المغاريب
عن الذل يرفع طير شلوى مقامه=له موقع بين النشامى هل الطيب
ينعد لا عدوا رجال الشهامه=يبين لا صكت عليه الكواليب
واحد حياته كل أبوها ندامه=من طلعته لاما غدا عارضه شيب
لا حاش طيب ولا يثمن كلامه=عند المره يوصل طلبات ويجيب
تامر عليه وملبد كالنعامه=ويعد نفسه من طوال الأشانيب
يمشي وراها وكان فكت بلامه=يعد نفسه سالم الزير وكليب[/poem]
مرس بن طواله
roooose
