(( اكذب عليك إن قلتك يوم ماأبغاك))
اثناء قراءة نصوصي القديمه وجدت هذا النص اتمنى ان ينال على اعجابكم
[poem=font="FreeHand,5,black,bold,normal" bkcolor="transparent" bkimage="http://www.shmmr.net/vb/mwaextraedit2/backgrounds/20.gif" border="outset,2," type=2 line=0 align=center use=ex num="0,black""]
يابنت خوذي علم ولد الطنايا=(علمٍ صحيحٍ ياصلك ويتعداك)
لو انها بالسيف حد المنايا=والله لاموت وغايتي بــس لقياك
لكن ورب البيت رب البرايا=مقسوم لي أذوق بعدك وفرقاك
حكم القدر مكتوب لوهو خفايا=تثبتلك الايام ماكان يخفاك
وليا حكيتي عن الفعل والمزايا=فـ أنا الوفي الي له سنين وياك
يحفظ عهود الحب بين الحنايا=معها من التقدير ماذل لرضاك
أخلاصي المجنون قمة وفايا=دليل هذا راجعي كل ماجاك
والحب تعريفه:مسبب ضحايا=لغة تواصل بين عيني وعيناك
مصدر توارد دايمٍ للهدايا=وأغلا الهدايا ياحياتي هداياك
يزيده المعسول رشف الشفايا=شراب يودي للثماله من شفاك
ويموته يابنت كثر الخطايا=وانا غفرت وتعبتني خطاياك
الهم يغزيني جيوش وسرايا=فتح علي يابنت الفين شباك
من وين ماصديت شفت الرزايا=واصيح باعلى الصوت ياهم ماقساك
والي اكتشفته زاد همي وشقايا=شيٍ غريب وكان يازين يفداك
قلبي لقيته ساكنن بالزوايا=مدمن وصالك ماقدر يوم ينساك
جرعة غلا زادت وسوت سوايا=في قلب ولهانٍ له أيام يرجاك
يشوف وجهك لالتفت للمرايا=ويضيع في عالم مثيرٍ ويهواك
يابنت خوذي علم ولد الطنايا=اكذب عليك إن قلتلك يوم مابغاك[/poem]
