(((تقـــهـــــــــــونــــي)))
[poem=font=",5,white,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""]
تقهوني فنجال بنٍ بيمناك=وانا من اشواقي ابهر دلالي
وازل لك دلة مشاعر العيناك=واقدع غلاك وبسمتك في خيالي
وكل ماذكرتك ارتكي واتقهواك=والياتقهويتك كأنك قبالي
سحابة افكاري تغني بذكراك=وتسقي فياضك كلها من خلالي
افرش ورودي كلها تحت ماطاك=والشمس حظي وانت حظك ظلالي
كل شي بالدنيا تمنى مخاواك=وكل شي بالدنيا يحسك محالي
حتى النسيم اليا وصلك وتعداك=يرجع جنوبي عقب ماهو شمالي
يفرح اليامن قابلك او تقفاك=يطربه عودٍ كل ماهب مالي
ابن الملوح لو لمح حمرة شفاك=وشاف الثغر مثل الذهب واللألي
ينسى هواء ليلى ويقتله ليلااك=ويكتب حروف اسمك بصم الجبالي
وانا وجودي كل ماحل طرياك=وجد الذي فاقد كبير العيالي
والا وجود اللي غدى حظه اشواك=خانه صديق وعذربوه الرجالي
ماالوم شعري لو تغزل بحسناك=وجته القريحه بالبيوت الجزالي
كل المشاعر ترتبك وقت لقياك=استسلمت لك واعلنت احتلالي
لاهان راس اللي على الغنج رباك=وخلاك نجمه شامخه بالعلالي
سبحان رب الكون يوم انه اعطاك=كل الغلاواعطاك كل الجمالي[/poem]
