حوار ساخن جدا جدا جدا تفضلوا بالدخول

السلام عليكم

انا وأعوذوا بالله من كلمت انا

ابي اقلد يوسف وابوطروح وابو دشداشه وابوزقلان

انا من أصبحت وانا ذابحني البرد ومرقطه وعيوني تدير بالمجلس حقنا الجديد<<<هذي سالفه طويله<<<<شفيفه ماني قايلتها <<<<يعني حريمه

وعندي جدتي من الفجر الاول ودارت بيننا حل قضايا ومشاكل الشعب الصماني والشارع الخارجي

وتطرقنا للمحادثه الاتيه

(طبعا انا توني قايمه من النوم وانفظ جنحاني)

الجده:ريم مادريتي عن أهل غٍزه <<< <<كسر الغين والزاء حتى الها ماسلمت من الكسر

ريم:من أهل غٍزه؟ <<<والمزاج بأخر تقفيله

الجده: أهل غٍزه ربع الفلسطينيين مساكينن ذبحهم البرد يتدفون بورق

ريم:حتى حنا ذابحنا البرد

(شافت مزاجي منبعص ودب الصمت للحظات قليليه جدا ثم جابت المطمه)

الجده: ريم علام صدرتس يضرس مثل الباب الحديد

ريم:من جور ما يلاوح

الجده:وانتي وانا امتس وش تلاوحين

ريم:هجاد يمه ما الاوح شي تعرفين الربو

الجده:مادريتي عن فاضل السوداني أغتالوه العصبه في دافور
(العصبه نطقتها مثل العصب بزيادة الهاء)

ريم:وش العصبة يايمه

الجده:العصبه اللي تهرب السلاح في دافور

ريم: بعد تفكير عميق أكتشفت إنها تقصد عصابات دارفور
الله يرحمه متى مات؟

الجده:مدري والله يمتس

وساد الصمت للحظات

الجده: ريم دريتي عن عبدالله ابو آدم السوداني مات

ريم:بعد هجاد من أغتاله عسى مهو العصبه

الجده: دخل السعوديه وأختفى

ريم:عساه على وجهه

وساد الصمت وطرت أغنية خالد عبدالرحمن يسووووووود الصمت

الجده:ريم يقولون ناقة ابوتس الدقشه ضاعت البارح

ريم:تفكير عميق هي منين جابت هالعلوم كلها وهي راقده قبلي البارح وقايمه مالها الاربع ساعه

الجده :والبلهاء بغت تموت من البرد البارح واليوم منشوله

ريم:باضراس عميق وانا وش دخلني بها العلوم كلها

وتدخل أمي

الجده: نوف مادريتي عن أهل غٍزه <<< <<كسر الغين والزاء حتى الها ماسلمت من الكسر

امي:وش فيهم

الجده: ذبحهم البرد يتدفون بورق

أمي:الله يشوفلهم مساكين

الجده:وفاضل السوداني سواق عمك اذبحوه العصبه
<<كويس ان امي مافهمتها عشان ما الوم ذكائي

امي:من العصبه؟

ريم:مداخله ابد ما رضت جدتي عليها <<العصابه يمه

امي:الله يرحمه

الجده:قوللي لبنتك تقوم تحط بخار وصدرها غاديله ضريس

امي:بنتي مهبوله ماتفهم

(دايم امي تهزئني عشان ترضي جدتي وتسكتها)

((طفشت وفيني نوم قلت اروح اكمله ماصحيت الا العصر))

يوم دخلت على جدتي وراي داخله خالتي

قالت ام عبد الرحمن مادريتي عن فاضل السوداني

وفرت عليها المشوار

قلت مغتالينه العصبه ياخاله في دافور

هههههههههههههههههههههه

في هاللحظه طحت من الضحك

قالت جدتي هذي علامها تهنوص وتهمهم

((((والله ماكذبت بكلمه وحده كله صحيح))))

قالت امي هذي مهبوله ماعليك منها

عاد امي فيها شوي ضحكه الظاهر ان نفس الموال منعاد عليها من الصبح للعصر

وطلعت بعد المغرب اتمشى انا والبنات

يوم رجعت سألت بنت خالتي <<عاد هذي يضرب فيها المثل بالصبر هههههه

قلت عاليه كم مره علمت جدتي بفاضل انه مات

قالت بعدك مرتين بس للناس اللي يتصلون عليها

وعشر مرات على الدقشه

المهم قلت كويس قرب وقت النوم وخلصنا من هالسيره

جلست انا والبنات اللي معي قالت خالتي بنات دريتوا عن فاضل مات

قالت جدتي لالالالا ما مات اغتالوه العصبه في دافور


هههههههههههههههههههههههههههههههههههههههه ههههه

عاد انا راس يقعد يضرس من الضحك اليوم

تمسوا على خير

بكرا اكيد ابتفصل اغتيال ابو ادم لانها ماعطتها حقها اليوم وشكلها ماتعرف التفاصيل

من العنوان ظنيت أني في أحد مواضيع العام أثريني بالفله

الله يعين أهل غزه

ويرحم سودانيكم>>وهو صحيح قتل في دارفور ؟ ووش دراهاجدتسس؟

المهم ياراعية الصمان يانبت العشب عندكم والربيع زان علمينا

تري والله لاعندي حلال ولا حنا مضايقينكم

بس نبي نتمشى أنا وبناتي
قبل العام تمشيناا على السعيره وقرية العلياء وقرية أخري شرق منهن
مدري وشسمه نسيته


ووسعي صدرتس على العجز تري هن الخير والبركه

اقتباس:

---

(طبعا انا توني قايمه من النوم وانفظ جنحاني)

---

ريم الله يرج شيطانك
هههههههههههههههههههههههههههههههههههههههه هههههههههههههههههههههههههههههههه
هههههههههههههههههههههههههههههههههههههههه ههههههههههههههههههههههههههههه
هههههههههههههههههههههههههههههههههههههههه هههههههههههههههههههههههههه
جدتك لاتخلونها حول التلفزيون يخربها عليكم بكرا تناقشكم بقاضايا الأوبك :)

الله يخليها لكم :thumb:

اقتباس:

---

وش تلاوحين

---

^
^
وش معناها :)

[align=center]هلا مليون المتوقد زين ان رجك جابتك عندنا

الصمان من امس مطر وناسه والجو ادفى شوي من الايام اللي فاتت

وماينور الا بوجود شمر فيه

اذا جيت تعال للرفيعه والعاذريه واللهابه والشيحيه والارطاويه وام الجماجم ومشله

كلها ديارك انت تعال بس وتلقى عين اوسع من الدهنا

:7ayyoh:[/align]

ريم الصمان يحليلها جدتيتس ذكرتني بجدتي رويتر الله يرحمهاn)


ادام الله عليكم نعمته يااهل صمان الكرم والجود


تحياتي

ههههههههه

جدتك عنده ابعااد سياسيه



اذا اولتها كذا الله يستر من اخرتها


:3ajebni:




وبعدين وووش فيك مااعندك صبر


داايم الكبارر يبوون لهم صدرر وسيع وواحد يسمع كلامهم


وماافيه غير قووة ترفيع




عااد هم يصدقوون ويطيرون بالعجه :)



ومن بكرى الا جايينك على قولة العطاوي (يناقشون بقضايا الاوبك)



الله يخليها لكم ويطول بعمره





لاهنتي ياريم



لك كل احترامي

ريم الصمان

جدتك هذي علاجه عندي لو مهي مرتبطه وتوافق عليه لو زواج مسيار.

عندي الوالد الله يحفظه إذا تعبنا من الإستماع لسوالفه وترجمة المواضيع التي يسمعها بالتلفزيون والأسماء قال أجل دورولي عجوز تونسني مثل أمكم الله يرحمها ماعمره زعلت أو ردت علي أو تضايقة من سوالفي أو غلطتني بشيء كل ما أقول لها عن شيء تهولت وطلبت المزيد من المعلومات حتى توفيت الله يرحمها و يهداكم.

عنده 7 قصص قديمات و طويلات لازم يسردهم على التوالي مرتين باليوم على أم عارف قبل أجي من العمل عصراً وإذا جيت يردهم علي مره في المساء ومن ثم يدخل بالسياسه والنشرات الإخبارية التي سمعها في غيابي ويفهمها بشكل مختلف جداً.

مرة بعدما إستمت معه لموجز أحد النشرات الإخبارية وعرفت أهم الأحداث قمت من عنده خمس دقائق وعندما رجعت له حكالي الهوايل عن هالنشرة ومن ضمن ماقال أن ايران إحتلت الإمارات بالنووي وإن إسرائيل إجتاحة الدول العربية وتغلغلت بغزه يعني توغلت.

المهم إنه خوفني الله يحفظه وخلاني إنتظر النشرة التالية لمعرفة ماحدث لقيت الأمور لاجديد.


عاد كان تبين تكونين واسطة خير للجمع بين هالراسين ونخلي كل منهم يخوف الثاني بتحليل الأحداث فأنتي الوجه المبارك.

الوالد عليه طلعات حلوه مرات يغني بالليل وعليه صوت يجنن ويحب يسولف على طول وإذا سولفت عليه ينام.

شكراً لك ريم الصمان

يا حليل جدتس


تحب السوالف

الله يعينكم عليه

والله يعينك بكرا بسالفه ادام

شكرا لهذه القصه

لانك وسعتي صدور نا

احسب ريم ذابحت لنا حوار وتعزمنا عليه

اثري مبتلشه بجدتها واهل غزة ودارفور

الله يخليلك جدتك ويطول عمره

ويقولون الاولين ما يعرفون شي

[align=center]يوسف العطاوي ارحب

والله ياوخيتك ماتجلس قدام التلفزيون كثير بس هي ماشاء الله عليها تلقط بسرعه

تسألني عن تلاوحين<<<<<<تردها لي ههههههههههههه :solh:

يعني وش تجاهدين بالدنيا

يعني وش شايله همه

فهمت ولا باقي اشرحلك

اذا مافهمت علمني تراي مدرسه سابقه بس فصلوني يقولون انتي

ماتعرفيين تدرسين البنات[/align]

[align=center]احمد الهاجري

ماعليك زود يالغالي

اما جدتي فهي تعدت رويترز بقووووه

وتحفظ ماشاء الله عليها

نورت[/align]

[align=center]هلابك ماجد علوان

السالفه مو سالفة صبر

السالفه انها امور مالي شغل فيها

تخيل وانا توني صاحيه من النوم

وهي مروقه والله انا مستغربه منه انها لسى صاحيه م النوم

وش اللي دراها[/align]

ريم أخاف جدتس تلقط الموجات حقات الاف ام هههههههههههههههههههههههههههه



ريم جدتي أنا غير شكل الحمدلله أنه مالحقت على هالجيل الله يستر بس هههههههههههه

ولا كان البرمودا واللثمه ماتاكل عيش عنده ههههههههههههههههههههههه <_ خربه :)
أول شي تسمي المكيف كنديشن <_ مثقفه هالعجيز هههههههههههه

وكل يوم تفر بالحوش تسوي رياضه أنفضخ قلبه عجوز جيرانا تعوقت من الجلسه وبلعت العافيه :)


وحافظتن رقم بطاقة التأمين الطبي اللي تعالج به وهالرقم تقريبا 8 أرقام وتقوله انجليزي بعد هههههههههههههههههههههههههههههه

مرتن موديه واوقف قدامه ابي اعطيهم رقمه وهي وراي الا مدخلتن وجهه بيني وبين الاستقبال وتهذ الرقم :)

[align=center]
بسم الله الرحمن الرحيم

تحياتي للأخت ريم انا من ضيوف هذا المنتدى الطيب

قرأت طرحك بصيغه المسرحية وانا مبدى اعجابي فيما طرحتي

واستغرب من الرد ومن طريقة الفكاهه التي تم الرد بها على موضوعك

واستقبالك لها بسعة صدر والله والله والله ان الوضع لا مزري .

ارجو ان يستقبل ردي بسعة صدر
[/align]

انتبهي:a:

جدتتس هذي .. تشتغل بالـ CIA:d:



منين له كل هالمعلومات:goooood:









ألا جدتتس تسم عمره ؟؟

للحينه عايشه؟؟:315r:

يبدو ان الجدة ...





عميل مزدوج :)

[align=center]ابو عارف لاوالله عندها جدي كنه الحج متولي هي الاولى وبعدها ثلاث

بس تراه يشرب حليب خلفات كثير عشان كذا تحسه شباب

اما بالنسبه لابوك فعندي له وحده سنافيه وبتشبعه سوالف واستماع

عندي خيريه اخذت 2 وموتوا عندها <<<الله يطول عمر ابوك

وعندي وحشه داخله ال86 وطليقها يقولها من 3 شهور والله لاعطيك مية الف بس ترجعين لي

اختار بس وانا الخطابه

:mabrook:

:mabrook:

:mabrook:

مقدما[/align]

جدتي يومنه جذعه يسمونها شبيهة باسكال :)

[align=center]هلا حمود

هي ماتحب السوالف تحب تسوي نفسها مثقفه وفاهمه

الله يخليها لنا

وابشرك نست سالفة ابو ادم[/align]

[align=center]ابشر يابوحنفي والله ماعندنا اعز منك نذبحله حاشي بعد مو حوار

واللي قال مايعرفون لاوالله ماعنده سالفه

الشيبان يعرفون السمسم

شرفتنا بمرورك يالغالي[/align]

ههههههههههههههههههههههههههه

اسم الله عليــه جدتك والله لو انه عندي لا اقعد عنده قعده هههههههه

وما شاء الله عليــهااا جدة يــوسف ,, حافظه الرقم بالانجليش بــعد خخخخخخخخ

:3ajebni:

مشـــــــــــــــكوره ريوووم:thumb:

اهااااااااا


وانا على بالي ذابحتن لنا حوير ( حوار )


وتقولين انه حار فلفل يعني


وتقلطيننا



:)


اثري السالفه غييير



الله يخلي لك جديتك ياجديتي ..


أرحبي

الله يرحم جدتك يايوسف

هههههههههههه

ضحكتن وانا تعبانه


((وكل يوم تفر بالحوش تسوي رياضه أنفضخ قلبه عجوز جيرانا تعوقت من الجلسه وبلعت العافيه))

:315r:

:315r:

:315r:

الله يرحمها ويرحم اموات المسلمين

ونورتنا يالغالي

بسم الله الرحمن الرحيم

تحياتي للأخت ريم انا من ضيوف هذا المنتدى الطيب

قرأت طرحك بصيغه المسرحية وانا مبدى اعجابي فيما طرحتي

واستغرب من الرد ومن طريقة الفكاهه التي تم الرد بها على موضوعك

واستقبالك لها بسعة صدر والله والله والله ان الوضع لا مزري .

ارجو ان يستقبل ردي بسعة صدر


اخي السلطاني

ليه مستغرب يالغالي الموضوع كله مزح وسالفه نقلتها للفكاهه

وانا صدري شمالي مايزعلني شي ولله الحمد

واذا ما استقبلنا كلامك بسعة صدر من نستقبل

واخذ راحتك الصفحه صفحتك

وماحولك الا اصحاب وحبايب

تحياتي لك

والله تجوزلى سوالفهن:) يامير لو تسمعين ام الرطاب ماتقول زلزال تقول هزهاز :thumb: لغه ثانيه

عجوزج يا ريم ودج بمقوار وش جاب اهل السودان :148r: لاهل غزى:puzzled:


زنتى ولاهنتى :thumb:

اقتباس:

---

الجده:مادريتي عن فاضل السوداني أغتالوه العصبه في دافور
(العصبه نطقتها مثل العصب بزيادة الهاء)

---

هههههههههههههههههههههههههههههههههههههههه ههههههههههههههههههههههههه

الله يلعن بليستس

اقتباس:

---

وفرت عليها المشوار

قلت مغتالينه العصبه ياخاله في دافور

هههههههههههههههههههههه

---

هههههههههههههههههههههههههههههههههههههههه

وش النذاله الي عليتس :)

اقتباس:

---

قالت جدتي لالالالا ما مات اغتالوه العصبه في دافور

---

خخخخخخخخخخخخخخخخخخخخخخخخخخخخخخخخخخخخخخخخ خخخخخخخ

رووووووح ياجدتس قسم بالله انواع التنسيم :315r:


موضوع كذا :thumb:

اقتباس:

---

المشاركة الأصلية كتبت بواسطة ريم الصمان

[align=center]ابو عارف لاوالله عندها جدي كنه الحج متولي هي الاولى وبعدها ثلاث

بس تراه يشرب حليب خلفات كثير عشان كذا تحسه شباب

اما بالنسبه لابوك فعندي له وحده سنافيه وبتشبعه سوالف واستماع

عندي خيريه اخذت 2 وموتوا عندها <<<الله يطول عمر ابوك

وعندي وحشه داخله ال86 وطليقها يقولها من 3 شهور والله لاعطيك مية الف بس ترجعين لي

اختار بس وانا الخطابه

:mabrook:

:mabrook:

:mabrook:

مقدما[/align]

---

-------------------------------------

تسلمين والله ياريم الصمان على هالعروض المغرية.
كنت فازع لك بالوالد ومدام الموضوع تحول لقتالة القتلاء نحتفض بشايبنا أحسن ، أكيد لو أخبرته ماعنده مانع بس بالأخير أبتلش بالإثنان أخاف خيرية هذي تمسك أم عارف سواف والوالد يتفرغ لي ومن حتى تفوتنا الصلاة والعشاء.

شكراً لك على أي حال وافية لاهنتي.

انتووو كل عايلتكم وخوالكم وجدتكم ببيت وااااااااحد .......؟؟


ذكرتووووووووووني اياااااااااام بعد الغزو بخمس سنواااااااات


ههههههههههههههههههههههههههههههههههههه

ههههههههههههههههههههههههههههههههه

جدتك هذي نكته ...........الله يخليها لك

الا اقول وين انتي ذااالفه ما شفتك من عقب ماجيت هنا ما لقيك


يالله عاد لا طولين علينا ..........

مشكوووره كل الشكر على هالسااالوفه الحلوه

ومن مماز الى امتز......:315r:

الى اللقاااء........rooose2