سنتن من هالسنين الفايتات
يوم كنت بعز شبابي وطفاقتي وقرادتي
جاني واحدن من الربع وتعرفونوه ( شنقل ) وقال نبي نسير على عمن لي بالبدو
قلت ونااااسه
انا ودي اروح للبدو منذ برهه ( يعني من زماااان )
قال خلاص اعمل حسابك انك تبي تروح معي لمدة يومين
قلت ماعندي مشكله
والله وحنا نرتسب الددسن ونروح للبدو
وحنا بالطريق قال لي شنقل
ياشبيثان تكفا ابيك تكون تكانه لا تجيب العيد وتفضحن عند عمي
قلت افا يا شنقل وش قالوا لك انا افشل
قال والله تسانك على خبر الله يستر منك
المهم كملنا طريقنا وحنا نتناقر وكل شوين متماسكين الشوش ونازلين عن الخط
ويوم وصلنا لعماموه الله ياخذوه وحنا نوقف السياره بعيد عن البيت ذالينه تغرس
ونجيهم نمشي على رجليننا
وهم ينطحوننا الابو وعيالوه يهلون ويرحبون
وانا اوقف اراعيلهم
قال شنقل وشبلاك وقفت امش لا تفضحنا
قلت ياخي وشفيهم تقل مسلسل بدوي
قال ياخي هذا سلم البدو اخلص لا تنكبن
والله وحنا نروح يم البيت بمعيتهم
طبعاً الوقت هالحين ليل
وعقب ماتقهوينا وخلصنا
قال ابوهم ( اللي هو عم الاخ اللي معي ) ترو باتسر عندنا غداء
وكملنا السهره انا وشنقل وعيال عموه الى ساعه متأخره من الليل ( حول الساعه 9 )
ونمنا هكا النومه اللي يحبه قلبك
ويوم قمت من باتسر ليمار الضحويه يعني حول الساعه 10 الصبح
وليمار ماحولي احد
وانا اقوم اغسل وهي تجيني العجيز وتجيبلي الفطور
وعقب ما افطرت وعينت من الله خير
وانا اسمع العجيز تحتس على بنيواته عند الوايت
اثريهن يبن ينزلن درامات فوق الوايت
وهي تجيني الفزعه مقرون بالقراده
قلت احم احم
ياخااااااله
قالت هاه ياوليدي
قلت خلي البنات يدخلن داخل انا ابنزل الدرامات
قالت لا يوليدي لا تتعب نفسك
قلت علي بالحرام ما ينزلهن الا انا ( به طرف نذخه )
والله وانا اجي عند الوايت واراعيلوه
ليمار الله يجيركم الدرامات مرجوماتن على بعض ومربوطات والعقده من فوق
يعني لازم ارتسب فوق الدرامات وافك العقده
والملوياااات مهن شوي
حوالي خمسطعش درام
والله وانا اتنيفذ وارتسب فوقهن
والعجيز له صياااح ياوليدي لا تقع لا تقع الله يسبع العدو
وانا افك العقده
وهن يقومن يتهزهزن
والله يالربع ما امهلني ولا عطني فرصه
وانا اجيلك من فوق الوايت كجلمود صخر حطه السيل من علي
وعلمي بروحي هكا الساعه
ويوم وعيت وافتح عيني ليمار المجلس ملياااان رجال
وجاضعيني بينهم
واراعي للوايت
ليمار هذاااك مكان رجفتي
وهذااااك مخط رجليني يومهم يجروني لين وصلوني للمجلس
واراعي ليمار هذااااك شنقل يراعيلي والحسره ماليتن عيونوه ( يبدولي علشاني خاويتوه )
المهم ماتحركت من كاني لين راحو الرجال
وهو يجيني شنقل
قال ياملعون الرقبه انا ماني قايلك لا تنلقف
قلت ياخي كله من عمتك مادري وش تصير لابوك هذا
وبعدين الحمد لله اللي جت على كذا
قال انا والله ما قاهرني الا شكلك بينهم تقل فطيس
قلت بسم الله علي انا ماني فطيس
قال اجل وشو قلت صفير ( من الانصفاااار )
ويوم جاء المغرب وانا اتمشى حول البيت وللحين بي دوخه
وانا اشوف السلوقي حقهم
وانا اقوم العب معوه ( الله العالم انوه انقرد وانا انقردت )
وانا القالي درام بوه قاز وانا اقوم اعبي موية صحه وارش على السلوقي
ليما قام يقطر من القاز
الوكاد وانا ابعد عن البيت ابي اولع زقاره
والسلوقي ملعون الرقبه يتليني ( يتبعني)
ومن الظلام ما اشوفوه
وانا اشخط بعود الشخاااااط واولع زقارتي وانا اقط العود
( دقيقة حداد على روح الفقيد )
اثريني قطيت العود بجهة السلوقي
طبعاً الاخ يقطر من القاااااااااز
وهو يقب ( يولع )
ويوم راعيتلوه ليمار نارن ترفس
وهو ينطلق يم البيت
الربع جالسين ولا عندهم اي مشكله
وعلى حسب علمي جالسين يتلاغزون ( يقولون الالغااز )
يوم راعو ليمار هالنار جايتهم تمشي مليون
وهم يغدون لك بقق هم وحريمهم
ولا يبقا بالبيت الا بقايا سلوقي
وانا اشر لشنقل قلت انحش لارحمت
وحنا نرتسب سيارتنا ونهرب
وياعله ماعادة من مسياااار
وتقلدوا تحيتي
