ردة النمصان لحلال الشيحة والسبعة من عنزة.

بسم الله

يقول الوالد الله يحفظه:
ذود الشقيـرا زاهـيـات الدبـاديـب ** وذود الشتيـوي عايـزاتٍ وصـوفـه
خذوهن الظفـران عـوج العراقيـب ** وردوهـن النمصـان بـس محفوفـه

سألن بعض الاخوان عن هالقصة ووعدته به
واللي أخرن إني أخذت القصة من ابن أحد أبطاله وهو جدي لأمي / فلاح قرينيس نحيطر النماصي
فالسند متصل وعالي.

وهي إنه رحل عربٍ من النمصان وقت الاخوان ونزلوا على قلبانٍ بشنق الرطبة
وكان عليه العمارات والسبعة من عنزة ، وماكان بين شمر وعنزة حروب ، كلهم هاربينٍ من الاخوان هكالوقت
ولحقهم عربانٍ من الشيحة وقاصروهم بعد
وحدا الايام جاء الصياح إنه أغار مجموعةٍ من الظفير على الحلال وخذوه ، والماخوذ ذودينٍ للشيحة وذودٍ للسبعة ، والنمصان ماوخذ لهم شين
وكل اللي على هالماء أطلبوه ، ويوم أنصف النهار تشاوروا بينهم يبون النكسة لأنهم بالقيظ وماهم قليل وركايبهم بهن اللي تعبت والقوم مبعدينٍ بالحيل عنهم ولايهقون إنهم يلحقونهم
ورجعوا كلهم إلا ستة من النمصان عيوا لايرجعون وهم:
رويحل وساير من البعيجان ، وقرينيس من النامر ، وخليل من الغوينم ، وواحد ليا هالحين مالقيت اسمه ، والعبدلي -أظنه خلف ومشوا الستة على أثر القوم ، وقصرت ذلول خليل وتعبت ، وقالوا له انكس ، وعيّا وقال : أنتم ألحقوهم أنا على اثركم
وكان الظفير عطشى والستة بعد عطشى لان الماء قليل وهم بالقيظ
حتى إن ابن شتيوي شيخ السبعة قال: وش تهقون بالربع ، خذوا قطعة أيام ، تهقونهم حيين ولا موتى؟
قال قازي الفقعاسي من النمصان: كانهي على العادة وهم يردّونهن ومعهن فود ، وكان الحظ كنهز الشكوى لله.
وماخذوا ثالث يوم ألا هم على ماقال.
الوكاد إن الخمسة الباقين وهم ورا جرتهم ألا الدخاخين قدامهم ورا له حزم وعرفوا إنهم القوم
وكانوا بلهم فيضة ممنين ويعملون غداهم وكانوا شرقي الغدف هاللي ورا وادي عرعر
ومادريوا الظفير ألا بالرمي وإلا الخمسة يرمون وهم مقبلين عليهم
قالوا لبعضهم : هذا أول الطلب ، ازبنوا بعماركم -ولهذا السبب هربوا ولا هم كثير-
فاللي حوله ذلولٍ زبن عليه واللي هرب رجلي واردفوه خوياه وخلوا الحلال
وجوا الخمسة وكفوا قدورهم وتقفوا الحلال ، وكسبوا بعض ركايب المنهزمين
ويوم نكسوا ومعهم الحلال ألا هذا خليل يتلي إثرهم وهم يعطونه من الكسب ذلول
وكانوا عطشى وهم يشوفون طيورٍ تحوم
قالوا ماحامت ألا على ماء
وينصونه ألا ثميلةٍ أو هو مقرٍ وهم يشربون منه
يوم قرّبوا من العربان وكانوا بالليل قال رويحل : أنا طالبكم إنا نمرح الليلة بهذا ونجي العرب معنا الحلال مع طلعة الشمس حتن كلن يشوفنا -وكان رويحل له عشقاتٍ يبيهن يشفن فعله-
وهم يبركون البعارين ويعقلونهن
ومع طلعة الشمس طلعوا على العرب معهم الحلال ويرمون بالبواريد يبون كلن يشوفهم
وكلٍ فرح بهم ..وعزمهم ابن شتيوي بعد على له بعير
وكل أكاليوم ماجوا أهلهم ، من قهوةٍ لقهوةٍ.

هذي السالفة ، وعساه تحوز على إعجابكم

أخوكم / زاهي النماصي. ليلة الاربعاء 16 / 12 / 28

عز الله انه حلوة ولا هي غريبة على النمصان عيال الحصان

صح لسان الشايب ويسلم الولد على النقل:)

لاهنت يابعدي

والف نعم بكم يالنمصان

وبيننا وبينكم خولة:)

لك التحية

وسبة انعام بالنمصان

ابو صالح

مانبيك تكتفي بهالسالفه

كل ماخطشت لنا شين من الشيبان هاتوه:thumb:

لاهنت

أبو رفحاء : أنت أحلى وتسلم يالغالي.

راعي الوقيد : هلا بك يالعزوة ، وصح بدنك ، ولاعليك زود يالبناخيshlwee7.

أخوي مشعل : ماعليك زود ، وشكرا على هالمرور الحلو.

تسلم اخوي ابوصالح على هالروايه المتصله فعلا00

بس هالبويتات اللي ذكرت ودي لو انت مكثرهن وداغثن لك دغثة حليله

من الشايب يالغالي00

ونعم بالنمصان والشيحه ومهي غريبه على عيال الحصان ماقصرات يالعزوه ونبي مشاركات مشابه انت كريم والمضايف تستاهل

راوينا أبو فهد : باقي القصيدة بالشعر المنقول ، مره تره تجوز لك.

الاخ خلف الرويتع : مرورك شرف لي ، وأعدكم بالمزيد.

هذه من قصايد / خليوي زاكي النماصي - الله يحفظه - يقول :-

[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
نطيت رجمٍ من طوال المراقيب = رجمٍ عسى وبل الثريا يحوفه
وجدي على بيوت الشعر هي ويا النيب = هكالرباع اللي تنومس ضيوفه
نمصان يرعون المطرِِّف ليا هيب = وأفعالهم عند النشاما معروفه
يرعون من قبلي ذريع ليا السيب = يما ضعيف النيب تكبر دفوفه
ومظهورهم تشلاه بيض الرعابيب = وهكالسلف ماكن عيني تشوفه
ومفرحٍ صكوا عليه المغاضيب = وزبن لهم يما تواست ظروفه
وجانا ابن ثامر جمعةٍ له جناديب = وصدوه ربعي وانهزم بالنكوفه
ومدحي لعطبين الضرايب مهو عيب = على زرودٍ كل حيٍ يشوفه
وياوخذت البل هم زبون الاطاليب = عدوهم ياشافهم زاد خوفه
ذود الشقيرا زاهيات الدباديب = وذود الشتيوي عايزاتٍ وصوفه
خذوهن الظفران عوج العراقيب= وردوهن النمصان بس محفوفه[/poem]


ونعم بالنمصان ومهي غريبه على عيال الحصان ماقصرت يالعزوه تسلم وبارك الله فيك والله يعطيك العافيه

تسلم ياغالي وشكرا على مرورك

والف نعم بالاجواد
زنت ولاهنت
اخوك الرطاب

[align=center]...

..


ونعم بعيال الحصان


سطر لهم التاريخ امجاد كثيره

سجلت باسم شمر ... وهذا الفخر للجميع


دمت بخير اخي زاهي

ومثل هذه النوادر مانبحث عنه

الراسي[/align]

الرطاب / ماعليك زود ، وشكرا على مرورك.

بشير اللويش / ماعليك زود ، واتمنى من الجميع التعاون لحفظ تاريخ هذه القبيلة العريقة
وأبي أنشدك يابعدي : منهم من اللويش اللي حضروا كون زرود مع النمصان ضد عنزة . لقط لي اساميهم الله لايهينك يالعزوة .

نرجوا من الأخ زاهي مراجعة هذه القصة , حيث ظهر فيها تلفيق كبير لقبيلة الشيحة
والقصة الحقيقية سوف تكون هنا في الغد باذن الله ..

علماً بأن الأخ زاهي اعتذر في قصيده , ولكن لازال الموضوع في مضايف شمر..

اقتباس:

---

المشاركة الأصلية كتبت بواسطة زاهي

بسم الله

يقول الوالد الله يحفظه:
ذود الشقيـرا زاهـيـات الدبـاديـب ** وذود الشتيـوي عايـزاتٍ وصـوفـه
خذوهن الظفـران عـوج العراقيـب ** وردوهـن النمصـان بـس محفوفـه

سألن بعض الاخوان عن هالقصة ووعدته به
واللي أخرن إني أخذت القصة من ابن أحد أبطاله وهو جدي لأمي / فلاح قرينيس نحيطر النماصي
فالسند متصل وعالي.

وهي إنه رحل عربٍ من النمصان وقت الاخوان ونزلوا على قلبانٍ بشنق الرطبة
وكان عليه العمارات والسبعة من عنزة ، وماكان بين شمر وعنزة حروب ، كلهم هاربينٍ من الاخوان هكالوقت
ولحقهم عربانٍ من الشيحة وقاصروهم بعد
وحدا الايام جاء الصياح إنه أغار مجموعةٍ من الظفير على الحلال وخذوه ، والماخوذ ذودينٍ للشيحة وذودٍ للسبعة ، والنمصان ماوخذ لهم شين
وكل اللي على هالماء أطلبوه ، ويوم أنصف النهار تشاوروا بينهم يبون النكسة لأنهم بالقيظ وماهم قليل وركايبهم بهن اللي تعبت والقوم مبعدينٍ بالحيل عنهم ولايهقون إنهم يلحقونهم
ورجعوا كلهم إلا ستة من النمصان عيوا لايرجعون وهم:
رويحل وساير من البعيجان ، وقرينيس من النامر ، وخليل من الغوينم ، وواحد ليا هالحين مالقيت اسمه ، والعبدلي -أظنه خلف- وهو من الطليب من العبادلة من عنزة -والطليب انضموا للنمصان هم والترازا من الهوامل من مطير والخليف من الخوت من العمود من قديم حتى صاروا يعدون منهم- ومشوا الستة على أثر القوم ، وقصرت ذلول خليل وتعبت ، وقالوا له انكس ، وعيّا وقال : أنتم ألحقوهم أنا على اثركم
وكان الظفير عطشى والستة بعد عطشى لان الماء قليل وهم بالقيظ
حتى إن ابن شتيوي شيخ السبعة قال: وش تهقون بالربع ، خذوا قطعة أيام ، تهقونهم حيين ولا موتى؟
قال قازي الفقعاسي من النمصان: كانهي على العادة وهم يردّونهن ومعهن فود ، وكان الحظ كنهز الشكوى لله.
وماخذوا ثالث يوم ألا هم على ماقال.
الوكاد إن الخمسة الباقين وهم ورا جرتهم ألا الدخاخين قدامهم ورا له حزم وعرفوا إنهم القوم
وكانوا بلهم فيضة ممنين ويعملون غداهم وكانوا شرقي الغدف هاللي ورا وادي عرعر
ومادريوا الظفير ألا بالرمي وإلا الخمسة يرمون وهم مقبلين عليهم
قالوا لبعضهم : هذا أول الطلب ، ازبنوا بعماركم -ولهذا السبب هربوا ولا هم كثير-
فاللي حوله ذلولٍ زبن عليه واللي هرب رجلي واردفوه خوياه وخلوا الحلال
وجوا الخمسة وكفوا قدورهم وتقفوا الحلال ، وكسبوا بعض ركايب المنهزمين
ويوم نكسوا ومعهم الحلال ألا هذا خليل يتلي إثرهم وهم يعطونه من الكسب ذلول
وكانوا عطشى وهم يشوفون طيورٍ تحوم
قالوا ماحامت ألا على ماء
وينصونه ألا ثميلةٍ أو هو مقرٍ وهم يشربون منه
يوم قرّبوا من العربان وكانوا بالليل قال رويحل : أنا طالبكم إنا نمرح الليلة بهذا ونجي العرب معنا الحلال مع طلعة الشمس حتن كلن يشوفنا -وكان رويحل له عشقاتٍ يبيهن يشفن فعله-
وهم يبركون البعارين ويعقلونهن
ومع طلعة الشمس طلعوا على العرب معهم الحلال ويرمون بالبواريد يبون كلن يشوفهم
وكلٍ فرح بهم ..وعزمهم ابن شتيوي بعد على له بعير
وكل أكاليوم ماجوا أهلهم ، من قهوةٍ لقهوةٍ.

هذي السالفة ، وعساه تحوز على إعجابكم

أخوكم / زاهي النماصي. ليلة الاربعاء 16 / 12 / 28

---

بسم الله الرحمن الرحيم

سبق يا اخ زاهي النماصي بأن نوقشت بخصوص هذه القصه الغريبه التي اوردتها من مخزونك الاستراتيجي ومن رواتك المسنين ! الذين لا اعتقد ان احد في ذلك الوقت هو الان على قيد الحياة؟ ولكن هي تخبطات عشوائيه تُنقص فيها حقوق الاخرين , لذلك على العموم من اطلع على هذه القصه فانها لا تحمل بعض من الحقيقه كما اورد لكم هذا الكاتب . وأنما سوف اروي لكم الحقيقه بأذن الله ولا أهضم حق النمصان كونهم يردون الابل او ماشابه ذلك ولكن الواجب من الكاتب ايضاً ان لا يتجاهل الفزعه من قبيلة الشيحه . وانما القصه بأختصار :
هو انه مثلما ذكر اخون الكاتب الا ان بعض من الشيحه والسبعه من عنزه والنمصان نازلين (بالفاج) الذي هو الان بالحدود العراقيه , وحدثت القصه ان هؤلاء (الحنشل) نهبو الابل ومنهن ذود للعيبان الشيحي المسمى ابن الشقيرا وذود للسبعه من عنزه وحدث ما حدث واطلبو من كان موجود على الماء من الرجال الابل وربما رجع احدهم بسبب ان ذلوله لا توصله الوكاد ان معهم نمصان ربما هم الذي ذكرهم اخونا زاهي وحاشا لله ان ننفي ذلك ولكن معهم ايضاً رجال من الشيحه لا اذكر الا هذه الاسماء وهم:
1_ شويش الحميماني الشيحي
2_عذال الحميماني الشيحي
3_سعيد بن شلاش اباقرين الشيحي
4_جوعان مخلف اباقرين الشيحي....... وكذلك على ما اضن ان لعيبان ابن الشقيرا معهم..

والبقيه لا تحضرني اسماءهم ... وبحمد الله فكو ابلهم الرجال جميعا وجابوها لاهلها بدون نقص وتم أكرامهم من قبل احد العنوز بانه ذبح لهم ناقةً بعد ما رجعو....
هذا بأختصار للقصه والنمصان مع الشيحه ابناء عمومه لا يفرقهم شيء وفعلهم واحد ولكن اذا ذكر شيء بالصحف او بلانترنت ان تتحرى الدقه والامانه.

ومن اراد ان يتأكد من الموضوع سبق وأن نيقشت هذه القصه في منتدى النمصان بموقع الاباء والاجداد وهناك موضوع للاخ زاهي أسمه(أعتذار لابناء عمنا الشيبحه ويوجد فيها قصيده له)

والقصيده كالتالي:

بسم الذي يعلم نوايا العبادي

علام مايخفى على الخلق كله

ياعيال ياللي مخليين البلادي

تريضوا خوذوا معاكم سجلّه

ابيات شعرٍ من نواة الفؤادي

توجهوا والدرب كلٍ يدله

سيروا نهار وليل صوب المرادي

لأهل الصخا جماعة الطيب كله

انصوا هل الشقحا قبل كل بادي

وليا لفيتوا عند نارٍ ودلة

قولوا يقول المعذرة ياسنادي

العذر يالاجواد عن كل زله

انتم اهل ضمّر وسلة هنادي

قبيلكم عمره مهو حاصل له

انتم اخوان الضيف يمن الايادي

واللي يخاوي مثلكم مايمله

انتم مكارمكم كما سيل وادي

يالابسين المجد ثوبٍ وحله

صغيركم بالطيب كنه استادي

وكبيركم كلٍ لفعله يجله

قلته عساها للمزاعل ضمادي

والعذر يالاجواد عن كل زله

والله مزاعلكم مهو من مرادي

وعندي رضاكم يازن الكون كله

شكراً وأعذرونا عن الاطاله

اورنس

الشيحي


االقصيدة اللي فيها الإعتذار عن شيء معين لاعن كل القصة

وماتم الاعتذار عنه ليس في الموضوع أعلاه فقد طلبت من مشرفنا أبو حاشم بحذفه دون ما أنا متأكد منه


ومسألة حذفه من منتدى النمصان له أسبابه التي ليس منها ماذكرتما


أما باقي القصة إلى الآن باقٍ عليها ولو تراجعت - كما زعمتما - لأمرت بحذفها كاملة من هنا ولم أكتف بالتعديل

أما قولك ( تلفيق ) و ( تخبطات عشوائية ) فأضع أمامها ألف علامة تعجب

لأني ذكرت لكم من حدثني بها وقبل ذلك هو موجود بالموضوع


وأنا ماجبت إلا اللي سمعت


ولو أبي بالكذب أبني تاريخ ماأروح لهذي >> أجيب مثل سالفة الغفل ضيغم


عيال عمي الشيحة وألف نعم بهم


لكن اللي أعرفه ومقتنع به هو اللي راح أقوله



شكرا على الحوار الخالي من التجريح




كتبه/ زاهي خليوي زاكي النامر النماصي

لا تو جد أشياء معينه ولا يوجد هناك عواطف ومجاملات بخصوص هذه القصص وأنما هي الحقيقه التي يتحراها الكاتب؟

وليس اساساً اي حاجه مقتنع منها ترويها يا اخ زاهي؟
لذلك مثلما قلت التلفيق والكذب لا يبني تاريخ ....
شكرا وتقبل نقاشي..