حبني والله مهو نفس بقعاوي

(( حبني والله ماهو نفس بقعاوي ))


في عام 1411 للهجره كنت راكب مع الاخ العزيز بايق بن سعود الخمسان الذي عرفه

الكثيرون بمواقفه المشكوره في الاصلاح وحل اختلافات الناس لما يمتلكه من حسن منطق

وحسن تصرف حفظه الله وكنا نتمشى داخل مزارع بلدة القاعد شمال مدينة حائل فمررنا من

عند مزرعه وفيها شايب كبير بالسن كان معه مخلب ويجرد احدى الغرايس من النخل فتوقف

الاخ بايق وقال ابوفهد هل تعرف هذا الشايب قلت لا قال هذا مقبل بن حشاش التبيناوي اللي

يقول ( كان لك بي يالغضي مثل مالي بك000حبني والله مهو نفس بقعاوي ) قلت جابه الله

ابي اسمع منه سالفة هالبيت اللي اشتهر مع الناس كله000

كنا بالشتاء وعلي فروه وعندما اقتربت منه تلثمت وتقنعت بالفروه وعندما اصبح على بعد عشرة امتار

قلت له - اللي ببطنه شي للناس مايطلع للمزارع وهو يخبرهم وراه - وهو يلتفت يراعي لي فأذا

هو يرى شخص متخفي واكيد عنده شر فقال وش في بطني لك يارجل قلت وش تخبر ببطنك لاهل البلدات

اللي حولك فقال والله مااخبر غير طلب واحد لاهل بقعاء يوم اقول-الله ماهو نفس بقعاوي- قلت وصلت

على خير وهو يضحك فقال انت ابن غسلان قلت ايه نعم فتسالمنا-وهي اول مره اراه-ودخلنا نتقهوى فقال:

عشقت زوجتي ام فواز -وهذي هي وراء هالجدار وتسمعك-وحنا شباب وتفضخ راسي معها وكنت ودي اشوفها

واسولف معها لو ساعه ولاحصل0 ويوم من الايام طلعت هي مع الغنم وقلت فرصه وانا اروح وراها ويوم جيتها

سلمت وهي ترد علي وكلمه مع كلمه صار وجهي وسيع شوي وقلت ابيك تعطيني حبه-بوسه-قالت انزح وراك

قلت ماهي ضارتك هالحبه قالت الا وقلت ليش قالت ننشاف يقول وانا اراعي يمين ويسار ماحولنا احد فقلت وشلون

ننشاف وحنا ماحولنا الا هالمعزى والصخول فقالت لا انا اخاف من رب المعزى والصخول يقول قلت -يابنت الحلال

الله غفور رحيم ماهو بقعاوي ادنى ماازعله-يقول وهي تسوق غنمه وتمشي وتتركني واقف فقلت:

[poem=font=",7,orange,bold,normal" bkcolor="black" bkimage="" border="none,4," type=2 line=0 align=center use=ex num="0,black""]
مـن جـوابـك ياحبيبي وترحـيبك=اشهد انه طاوي(ن)حالي الطاوي
اشـهـد انه مانوى القلب تجـنيبك=لو يقولون الـعـرب تـايه وغـاوي
كان قـلبك صافي(ن)واهنيي بك=بـس ابـيـك وباقـي الناس للهاوي
البلاء ويـن المـظـاعين تـدوي بك=شيب عيني وان عـوى دونك العاوي
كان لك بي بالـهـوى مـثـل مالي بك=حـبـنـي والله مـهو نفس بقعاوي[/poem]

واشتهر هذا البيت عند الناس وهم يحسبونه ذم وهو بالعكس مدح لان الرجل اللي مايزعل وتثور نفسه مافيه خير00

فضحكنا على هالسالفه وقام يقصد علي لين غابت الشمس وبايق مصلح القهوه في بيته وينتظرني لكني نسيته من الظهر

لين المغرب يوم لقيت السوالف والقصيد00 وتوفي بعدها رحمه الله تعالى ولم اراه سوى تلك المره التي لن انساها ابدا000

اقتباس:

---

كان قلبـك صافي(ن)واهنيـي بـك
بس ابيك وباقـي النـاس للهاوي

---

قصه وقصيدة بغاية الجمال /

تسلم فواز الغسلان //

بيض الله وجهك يابو فهد على هالسالفة اللي حلت رموز وطلاسم.

بالفعل كثيرا ماسمعت بهذا البيت الأخير ، ولكني ماكنت أعرف السالفة.

إيضاح وطرح أكثر من رائع يابو فهد ... لاهنت على هالسالفة.

:):)السلام عليكم.......... والله حنا دايم نقول تقل نفس بقعاوي اذا زعل منا احد بسرعه... تسلم يافواز

[align=center]نفس بقعاوي:)

تسلم يالطربة:thumb:

وزين اللي ماجردك بالمخلبshlwee7

:goooood:

لك التحية والتقدير [/align]

وَشَهَدَ شَاْهِداً مِنْ أهْلِهَاْ :thumb:

الآنْ أثْبَتَ لَنَاْ رُاْوِيْناْ " فُوّاز " انْ عِشق اليُوم لاْ يَخْتَلِفْ عَنْ عِشق المَاْضِيْ
حِيْثُ ان كِبَار السِنْ الآن يَعِيْبُون عِشق هَذاْ العَصَر وَيَرُون إنَهُ عِشقاً بِلاْ " فَضِيْلَة "

ويَزْعِمُون أنَّ عِشق القُدَمَاء عَلَى وَضح النقّاء :3ayyen_khair:

<-- تدورْهَا من الله












.

.

قصّه وَقَصِيْدَة جداً رَاْئِعَه
صَحْ لَسَان شَاْعِرْهَاْ ولاْ هَان نَاْقلهَاْ

شُكْرَاً لَك

.


.

تسلم يابو فهد

وسردك اكثر من رائع

بس عاد لو هي حابتوه الله يهديه:)
حبه وحده ماتضر او لا:)

يعطيك العافيه

يعطيك العافية ياخوي وصج امتعتنا بهالقصة والقصيدة

[align=center]بيض الله وجهك يا ابو فهد.....يا حبي لك يها البقعاوي:7ayyoh: ماش والله يا ابو فهد بوه سالفه أغدي احتسيها لك حاولت أرسل لك رساله خصوصيه بس عاد رفضن طلبي بداعي أن مشاركتي قليلات..يكثرن أن شالله وثمن أدز لك رساله الله لايعوق بشر...[/align]

اقتباس:

---

المشاركة الأصلية كتبت بواسطة ريم شمر

قصه وقصيدة بغاية الجمال /

تسلم فواز الغسلان //

---

هلا وغلا بالعزيزه ريم شمر ومشكوره لحروفك الغاليه

دمتي بود00

لك الشكر اخي الفاضل الراوية فواز الغسلان على ماتقوم به من قصص مفيدة.

يعطيك العافيه على هذا الموضووع الجميل والله يرحم الشاعر

شكرا يابن غسلان وبيض الله وجهك

والله يرحم الشاعر مقبل التبيناوي

:

تسلم يابو فهد

وسردك اكثر من رائع

:3ajebni::3ajebni:

اقتباس:

---

المشاركة الأصلية كتبت بواسطة صلفيق

بيض الله وجهك يابو فهد على هالسالفة اللي حلت رموز وطلاسم.

بالفعل كثيرا ماسمعت بهذا البيت الأخير ، ولكني ماكنت أعرف السالفة.

إيضاح وطرح أكثر من رائع يابو فهد ... لاهنت على هالسالفة.

---

الاخ صلفيق حياك الله ومشكور يالغالي

تحياتي لك00

[align=center]حبني والله مهو نفس بقعاوي:)

الله يونسك بالعافية على هالسالفة الحلوة يابو فهد

وعشرة أنعام بأهل بقعا وعلومهم ترفع الراس والشك عاديهم

لا هنت والله وتسثر لنا من هالنمومة :goooood:[/align]

[align=center]
هههههههههههههههههههههههههههه


خوش سالفه والله يابوفهد والله يرحمه رحمتن
واسعه



روعه هالقصه يابعدي ونبي من هالنمونه على قولة الاصمعي


لاهنت
[/align]

والله يااخوان ان الكيبورد مايتحول من اجنبي الى العربيه الا بكلفه

والسبب من المنتدى والاستايل الجديد لان باقي المنتديات تعمل طبيعي وهذا السبب اني

اتاخر بالرد الا اذا توافقون اكتب لكم انكليزي؟ لو ان ثقافتي افغانيه انا 000 شوفوا لنا حل 000

8
ههههههههههههههههههههه افغانيه ههههههههههههههههههه


ابوفهد

write in english we can undrestand you easly


خلاص :315r:

اقتباس:

---

المشاركة الأصلية كتبت بواسطة مشعل الغفيلي

تسلم يابو فهد

وسردك اكثر من رائع

بس عاد لو هي حابتوه الله يهديه:)
حبه وحده ماتضر او لا:)

يعطيك العافيه

---

اخوي مشعل انا بعد قلت مثلك لو شخفته اوفق00


وبزعمي ان اللي يحب صدق ماتضر حبته انشالله على ذمة راع الوقيد00