الفريخ ؟

السلام عليكم ورحمة الله وبركاته

كيف الحال


بغيت اسالكم لو سمحتو وش يرجع الفريخ
و من اي قبيله ؟؟؟؟؟؟؟؟؟


و الي يساعدني جزاه الله خير

هلا بالأخت عالية

أنا حقيقة لست ضليعا في الأنساب.
ولكنني قرأت ذات مرة في هذا المنتدى

ان الفريخ"من الغفيله من شمر .
والفريخ هو اللي يشيل البيرق لابن رشيد.
ويوم كبر بالسن ومرو من قدامه الجيش [غزو] ،
وهو يتمثل بالأبيات التالية ،، والتي مات رحمه الله
قبل أن يكملها من القهر، وهو جالس بمكانه لأنه
مايقدر يطلع معهم .

يقول الفريخ :
خلني العيرات يحــول خليت ........ خلني العيرات والمترفـــاتي
ياما على كور الرقيبا تعلويت ........ قدام شمر كل ابوهم اح اح اح
لكنه مات قبل لايكمل البيت..
ربما كان يقصد {احضاتي}
ليكون عجز البيت : قدام شمر كل ابوهم احضاتي


الأكيد راح يجينا بعد شوي أحد الأخوان ، واللي عنده العلم الأكيد ويخبرنا.

بس حبيت اسبقهم واعطيك اللي عندي ( نتلهابه لما يجون ) ، والياجوا

الوجه من الوجه أبيض .

^
^
لاوالله الا مرجع ماشاء الله عليك:thumb:

استلم ما وجدته عن هالعائلة

يعود اصل عائلة الفريخ الى الغنام الى الجويعد الى الغفيلة الى سنجارة الى شمر ، وكان موطنها الأصلي مدينة موقق ، انتقلت العائلة الى مدينة حائل بطلب من حكامها السابقين آل رشيد حيث منحت العائلة بيت امام قصر برزان على ساحة المسحب سابقاً بجوار الجامع ، وعند سقوط حائل عام 1340هـ توجهت العائلة الى الرياض والظهران والطائف وجدة بأمر من الملك عبدالعزيز ثم استقرت هناك !!
الآن يتفرع عن العائلة اربع اسر كريمة تعرف بالشريدة .. وهذه الأسر :-

1ـ اسرة محمد منصور الشريدة الفريخ وابنائه بندر وفهد.
2ـ اسرة شريدة حمود شريدة الفريخ وابنائه حمود وعبدالرحمن ومحمد.
3ـ اسرة ناصر الحميدي الشريدة الفريخ وابنائه يزيد وعمر ومصعب.
4ـ اسرة محمد الحمد الفريخ وابنه عبدالله.

من رجال العائلة الراحلين :-

1ـ شريدة فهد الفريخ ( رحمه الله ) وهو اول من حمل البيرق من الفريخ.
2ـ محمد شريدة الفريخ (رحمه الله ) وهو ثاني من حمل البيرق.
3ـ فريح شريدة الفريخ (رحمه الله ) وهو ثالث من حمل البيرق.
4ـ مبارك حمد فهد الفريخ (رحمه الله ) كان وزير للأمير محمد آل رشيد.

المصدر برزان !؟

والله اعلم ...

لك التحية

ماشالله عليك أخوي راعي الوقيد

أنا قايل مــــــــــــــــــــــــبطي إنك كفو

بيض الله وجهك ياعزوتي .. والله اني كل اليوم اتنافض . وأقول عسى ماني غلطان بالمعلومة ..!

وفيت وكفيت لاهفيت ، وعن الشر غديت ( تبيني أكمل والا يكفي ) ؟

تصحيح على اخوي راعي الوقيد

اسره محمد حمد الفريخ وابنائه
1-عبدالله
2-حمد (رحمه الله)
3-راشد
4-فهد
5--سامي
6- مشعل
خذ العلم وتقبل مروري

لا تعليق



تحياتي للجيمع

الاخت عاليه

الفريخ ثلاث عوائل وكلهم من شمر من الاسلم ومن الغفيله ويوجد عائله يقالهم الفريخ مع شمر

وجميعهم معروفين ونعم اللي من شمر واللي مع شمر


مع تحيات

الحيمري

[mark=#990000]
الموضوع ممتاز وشكران على الملاحظه

تقبلو مروري
[/mark]

[align=center]

السلام عليكم ورحمه الله وبركاته

يالربع بخاطري سؤال ما دام ان السالفه عن الانساب ودي اسئل راعي الوقيد

انت تقول انت الفريخ يعود الي الغنام الي جويعد الي الغفيله الي سنجارة الي شمر
فياليت توضح لي هل الفريخ اسم او لقب يعني مثل عبدالعزيز لقب الجنازة

وسواء كان أسم او لقب حسب توضيحك فيا ليت توضح شجرت الفريخ اي تربطه لين غنام بالاسامي يعني فريخ بن من بن من الي غنام الي جويعد


وياليت يالطربه تقولي من هو من حكام الرشيد اللي طلب انتقالهم من موقق لحائل


ولك تحياتي والجميع

[/align]

البنت تسأل وش يرجع الفريخ ونتم ماصدقتو خبر هليتو الي عندكم كله اسئلوها عن من تقصد بالفريخ يمكن غير العائلة حاملة البيرق يمكن جد اسمه فريخ ,,,,,,,

وتقبلو تحياتي

الفريخ وله ولد اسمه الفريح أيضا شال البيرق
رحمهم الله رحمه واسعه....

السلام عليكم ورحمة الله وبركاته
تصحيح على اخوي راعي الوقيد القصيدة هي لشريدة الفريخ يوم انه كبر في السن قال هذه الابيات:
ياهيبت العدوان شيبت وانحيت
وخلتني العيرات يحول خليت
خلتني العيرات والمترفاتي
وياما على كور العكيفا تواسيت
في وسط غلبا كل ابوهم احضاتي
وياما بزين الحس للجيش ناديت
وقت الضحى باغي الجيش يأتي

خذ العلم وتقبل مروري

ومما قيل في منصور الفريخ رحمه الله
يقول الشاعر :
رد السلام أمثنى لمنصور ابن شريدة
الي مادنق عنا ياقربة جديدة

الله يعافيكم والرشيد ماكانوا يميزون بين ابناء شمر

كلهم سواء

رحمهم الله جميعا

شكر لك

الرشيد ماكان يقولون هذا اصيل وهذا عصيل