بسم الله الرحمن الرحيم
شلونكم ؟؟؟ <<<<<<< هذا سؤال على كل شخص يجاوبه
السالفه
نصحني اخوي مشعان قبل فتره وقال انا قريت دراسه علميه تنصح الآباء بترك الابن هو الذي يحدد هواياته الرياضيه وليس الاب هو من يفرضها عليه
وتنصح الدراسه بترك الالعاب امامه وهو يختار مايعجبه <<<<<<<<<< مايدور عندي غير الكور
المهم
كالعاده شريت له كوره وانا بالسوق تذكرت نصيحة مشعان وقلت اجل بشتري له كورة قدم وكورة سله وحلقة السله ومضرب تنس
وبعد يومين قلت القي نظره عليه وهو يلعب بحريته الكامله
ولقيته مالمس كورة القدم <<<< قلت ولدي شكله ماراح يدبره وان لعب مباراة تكملة عدد ويحطونه حارس بعد
ويوم التفت لكورة السله يامار مثل القدم <<<<< راحت على نادي شيكاغو بولز
وهنا قلت الله يعين المصنف الاول عالميا بالنتس الارضي يبي يجيه اخو هدلاء يفدع به
عزالله اكتشفت الموهبه بولدي << جوائز التنس بالملايين وابو طواله يبي يملين بذراع اخو هدلاء
والحين ابي اشوفه وشلون يلعب بالمضرب كورة التنس
لقيت كورة التنس منفقعه <<<<<< اكيد عطاها ضربه ساحقه وانفقعت
وين اخو هدلاء يالربع دخلت الغرفه اللي معلق فيها الحلقه حقة السله لقيت نعلتين متعلقات فيها
^
^
اكتشفت انه ماهو فيد كوره وهوايته يحذف النعول بالحلقه
وفي هذه اللحظه سمعت صياح بالحوش <<<< وانا اويق مع الدريشه يامار وش اشوف
اخو هدلا ماسك مضرب التنس ويلاحق الوغدان واللي يصيح ولد عمه مضروب بالراس بالمضرب
وهنا اكتشفت ان ولدي موهبته بيسبووووول
