[CENTER]بسم الله الرحمن الرحيم
بما اننا في حمى المطنوخ:)
وبما اني من المحبين للمطنوخ<<يتمصلح:)
فالسلام على اخو طنخه اولا :) وعلى الاعضاء ثانيا:) <<لاتسمعك عجايب:)
سالفه شدتن واحببت ان انقلها كما سمعتها
وخصوصا ان بطلته امرأه
في مجلسن من مجالس شمّر:)
يحدثنا احد الاخوان طبعا لااعرفه معرفه شخصيه ولكن كنت
من ضمن الحضور <<لله درك:)
يقول:
كان لي واحد من قرابتي شباب بالعمر _ طبعا شمّــري_
هالادمي كريم بمعنى الكلمه ويستانس على اللي يجيه
وامنيتوه ان الناس دايم عندوه... لكن المشكله حالته الماديه ضعيفه
اخونا في الله موظف بعيد عن اهلوه وراتبوه يتراوح بين 1800 الى 2500
يعني وقتك هذا مايسون شي
وطبعا حالوه كحال باقي الشباب وكحالتي :) تجيهم باخر الشهر
افلقن اذا لقيت بمخباوه شين:)
طبعا اخونا كان اول شي موظف بالعاصمه ومثلوه مثل غيروه كون علاقات ومعارف
وبعدين انتقل الى منطقه بعيده
فكان دايم يكلمهم بالجوال ويحلف عليهم اذا طبيتو ديرتي الا تمروني
انقطع عنهم فتره حول ثلاث اشهر
وفي ليله مأساويه من اخر الشهر حول المغرب:)
دق عليه الجوال ... واذا به احد اصدقائه:)
السلام عليكم وعليكم السلام
سطّام .. حنا مقبلين على ديرتك ..لاتسوي شي نبي نتقهوى ونمشي:)
الاخوان هذولا كانو ثلاثه من ابناء قبيلة قحطان الكريمه والرابع دوسري
طبعا اخينا في الله توهق:)
اخر الشهر :) والراتب عقب باتسر :) ومابخباوه الا 150 ريال فقط لاغير:)
والرجال اجناب ومستحي لايعشيهم دجاج او حي الله عشاء
والميه خمسين مايجبن شين
طبعا هنا بدت الاتصالات للبحث عن سلف .. دق على واحد من ابناء عمومته
فكانت حالة ابن هالعم اردى من حالة بطل قصتنا:)
يمين... يسار... قدام .. ورى ... مافيه شين :)
ومن زود القراده جميع اللي يمون عليهم اللي مسّكر جوالوه
واللي ماهو بالسعوديه .. واللي ماحولوه تغطيه
المهم ان الرجاّل سكرّت بوجهه من كل جهه
فجت ببالوه فكره انه يروح لاحد هالمطاعم ويطلب ذبيحه للضيوف
ويخبر صاحب المطعم بظروفوه ويعطيه بطاقة الصراف ..وان الراتب قريّب..
راح لاول مطعم كلمّ صاحب المطعم .. قال انا كذا وكذا ..وهذي بطاقة الصراف حقت الراتب
خله معك واذا نزّل الراتب خذ حقك ..بس فكن من هالمأزق ..ولاتفشلن عند ضيوفي:)
اول واحد : قال الخلا..هالحركات ماهي قديمه علي..واجد اللي مثلك معاهم صرافتين مايمديه ينزل
الا اخذينوه.. والا تعطيني بطاقه ماعليه راتب .. المهم الله يستر عليك:)
ثاني واحد ..كذلك .. والثالث كذلك
فبدأت ملامح اليأس تدب الى نفس سطّام << تروني متكلّف بهالجمله:)
المهم ان خوينا مر اكا المطعم على طريقوه ... جاء يم الهندي قال بالله دق على صاحب المطعم
قال الهندي : يبقى ماما:)
تسيف ماما :) ... يعني راعية المطعم مره ... قال الهندي ايوه :)
يقول خوينا استحى لايكلمه .. لكن الشكوى لله حدتن الظروف .. قلت خلن ادق يمكن تصير اطيّب من هالرجال..
يقول كلمته ..وشرحت له الظروف وقلت هذه بطاقة الصراف.. والذي لا اله الا هو حقك ياصلك وزياده
بس الفزعه وانا اخوتس:)
قالت : يابن الاجواد حط وصف بيتك عند المطعم ورح
يقول قلت : تكفين .. لاتوهقيني
قالت ابد ماعليك انت رح بس
المهم خوينا راح للبيت واستقبل ضيوفوه وقهواهم ... جو يبون يمشون
حلّف انوه موصي على العشاء... :)
واطاعوه وجلسو ... يقول خوينا والله اني اضحك معاهم وانا واصلتن معي ..
وادعي بقلبي يالله انك تمضيه على خير يالله :)
ماخذيت عقب صلاة العشاء الا الباب يطق ..فتحت
الا هذولا ابوهنّاد معاهم الصحن ..يقول وهم يقلطون المفطح..
يقول خذيت شوين ..وهم يدخلون بصحن الفواكه والعصيرات ..وحركات:)
وانا اسمي بهم ويتعشون ويتسهلون ..يقول وانا على طول وانا اروح للمطعم واخليهم يدقون عليه
واشكره .... يقول قالت : ماسوينا الا الواجب ورح بطريقك اذا تبي تدفع جزاك الله خير واذا ماتبي ترك بحلّ... هذا اولا:)... ثانيا اذا تبي تدفع ادفع حق الذبيحه بس .. الفواكه والعصيرات مني
المهم ان خوينا على مانزل الراتب بقول سحبت حق الذبيحه والعصيرات والفواكه
ووديتهن للمطعم وقلت سلم لي على كفيلتك
وقل هذا حقتس يابنت الاجواد والوجه من الوجه ابيض:)
انا صراحه هالسالفه شدتن فنقلتها لكم كما سمعتها
املا ان تستمتعون بها:)
وصل الله وباركrooose2[/CENTER
