متى على الوقت اشعر اني تفوقت ...
سلامي للجميع
هذه اول مشاركه هنا بمضايف العز
واعلم أن الشاعر الراقي وبران آل كليب
متواجد هنا فأحببت إبلاغه بأنني من أذشد
المحبين والمعجبين لشعرهـ وكيانه.
عساها تحوز الرضى والقبول والإستحسان.
متى على الوقت اشعر اني تفوقت
-------------------------------------
وبــــــــــــران آل كليــــــــــــــــــــــــب
يانـوف من جور الزمن ضـاق بالي
*** وانا معلق كل الآمال عـ .. الوقـت
من عـادتي طفـل وانا راس مالي
*** قولة بينصفني الزمن كل ما اخفقت
واكبر ويكبر وسط صدري سـؤالي
*** متى على الصبر اشعر اني تفوقت
واليـوم هـذا انا وهــذا عـقـالــي
*** الى لبسته ضقت وان ما البسه ضقـت
لونـه يذكـرني بسـود الـلـيــالـي
*** اللي وراها باندفاع الشقا انسقت
تبـعـتـهـا حلمي على قد حالـي
*** واقصاه اسلي خاطـري لا تضايقت
ويوم افترق دربي جنوب وشمالي
*** وانشل تفـكـيري وضعت وتـفـرقت
عاندتها بصبر يهز الجبالي
*** صبر توهق بي وانا به توهقت
لا هو قتل حلمي ولا هو صفا ... لي
*** مابين آماله وياسي تعـلقت
لا افلست من الاول ولا جيت تالي
*** ولا بوجه اقدار الايام دنقت
عايش حزني واقول يانوف سالي
*** والمشله لا قلت يانوف صدقت
ماقد ذكرت بخير عصر مضا ... لي
*** ولا اذكر اني فيه لحظات روقت
مدري غبا الايام او هو هبالي
*** او القدر .. واقفى العمر ماتوفقت
او هو حنين داخلي ما يبالي
*** او غربة تجـتاحني كل مـا اشتـقت
او واقعي يرفض يصافح خيالي
*** واطـيـح واقـف كنـنـي ما تسلقـت
يــانـوف هذا انـا وهـذا سـؤالي
*** متى على الوقت اشعر اني تفوقت
