صفران مايرضون غير المنيفه
هذه القصيده // مهداه للاخ / عبدالله بن نايف القبلان الوبيري
وسببها مريت قريتهم وغرزت السياره صغيره واتصلت به قلت انت بالرديفه قال ايه مر تقهو قلت لاوالله انا مغرز بالمكان الفلاني قال هالحين يجيك // حمود
وانا بلزام
فعجبت انه تذهن بي حتى يعرف لي حاجه والا لا
[poem=font="Simplified Arabic,6,white,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياحمود مانظف غبار الرديفه=حتى اقوم بواجبي قبل مانام
حلفت قبل اللبس هدوم نظيفه=ابطلق عنان القريحه والالهام
تركيبة القيفان ماهي كليفه=لي عادتآ نضمي كما ذوق رسام
انا امتهنت الشعر مثل الوضيفه=لاصرت متهيض تقل ماسكن زام
انقي الكلمه لكم قبل اضيفه=ماني ضعيف طلعه زيف الاعلام
للشعر عاسف والقريحه عسيفه=حتى تطاوعني مثل طوع خدام
علم الادب حدد لنا بالصحيفه=للشعر خمس ابواب والسادس اوهام
مدح وهجا والناس كل بكيفه=وباب الفخر من زاده شوي ينلام
والباب الآخر حق فاقد وليفه=والخامس اتقان النصايح والاحكام
مهمتي صعبه ولاهي خفيفه=آسف على التقصير يانسل الاكرام
خلاصة الموضوع مابه طريفه=ماشفت بعيوني كتبته بالاقلام
ليا بعد خطوى الهلام الهديفه=اللي وصل نفعه ولوهو بلزام
يوم اتصل كنت احسبه في مضيفه=وازداد تأكيدي بعد رده شمام
عبدالله ارسل بالنيابه وصيفه=شقرديآ ياوي والله من غلام
وعبدالله النايف لنايف خليفه= والنعم والنعمين والعشرة انعام
ياهل الجمايل والنفوس اللطيفه =من يشكر المطران ماوالله يلام
صفران مايرضون غير المنيفه=عزوة سناعيس الجبل قبل الاسلام
اشكر ولد عمي بنيه شريفه=لاباغيآ طمعه ولا ادور انعام
اميل للصفران لااني حليفه=وانا يتيمي والضياغم لي اعمام
فرق الاساسي عن مزايا رديفه=مايفرقه ياكود رقم من الارقام[/poem]
