النعم ....... للفقير لله / نافع بن طواله
[align=center]هي ردة فعل لمواقف ترددت علي وعلى الجميع
فبعضنا يجد إبن الأسره الكريمه ولم يرث من مكارمهم شيء- بإختصار عفن -
وبعضنا يجد الكريم إبن الكرام
وهاهي الحياة
أترككم مع هذه المتواضعه
النعم
[poem=font="Traditional Arabic,7,white,bold,normal" bkcolor="transparent" bkimage="" border="inset,4,white" type=2 line=0 align=center use=ex num="0,black"]
النعم كايد والردا سهل وبهون=واللي يبي قولة نعم يعرفه كيف
لو النعم بالهون ماقيلة إعفون= ولا لها في معجم الناس تعريف
عزي لعينٍ ترسل دموعه مزون=ماله عزا واللي ورث عزها عيف
ياللي تبي قولة نعم كيف وشلون= خذها صراحه دون كذب ٍ وتحريف
اول زمان ٍ كان للهيل مضمون= يقاس به طيب المعازيب للضيف
وقت ٍ شديد يكشر أنياب وسنون=يا قل دبرة ناطحه والتصاريف
أما زمنـّا يستوي خشم وعيون= حتى العفن يكرم على دون تكليف
وقت ٍ رخو ياخوك ماشح ماعون= صكّات بقعا والدهر مابعد شيف
أدنى النعم فزة مسامعك للعون= فزة بدن مكوي ولابه تحاسيف
لاتذخر المجهود لو كان ويكون=لو ضاقت الحيلات لاتقول ياحيف
إفزع وهات اقصاك لو قيل مجنون= مجنون فزعه خير من صاحي الجيف
ماقلت كايد هالنعم ماهو بهون= دربه يبي مثابر يطوّعه بالكيف[/poem]
أخوكم
نافع بن طواله
أبو طواله[/align]
