وما زلنا في ذكرياات الماضي
نظرا لتواجد أقلياات من أعضاءنا القدامى
ومع إحترامي لتفاعل وتواجد الجدد مشكورين
**********
[poem=font="Simplified Arabic,4,blue,bold,normal" bkcolor="sienna" bkimage="backgrounds/5.gif" border="solid,4,darkblue" type=2 line=0 align=center use=sp num="0,black"]
ويش السواه القلب مني تخبره=متولع ن في حبك اليوم مجبور
ماعادلي في الجسم مدق الابره=ألاّجروح ن كل يوم ن لي تثور
وراك سالي ياريش العين حسره=داله..ونا اللي خاطري منك مكسور
ونا قنوع ن منك لو كان نظره=تشفي غليل ن دايم ن منك مقهور
فات الزمان اللي مضى وفات عصره=لاجت وصاتي لك تجيني على الفور
آجيك وتجيني على كل فتره= ويوم الهنا من بيننا ضحك وسرور
أنته ثمرقلبي نباته وزهره=تقطف رياحينك من القلب وزهور
يسقى عليك أيام ما شفت ما اكره=ما اقصّر بحقه ولا جاني قصور
واليوم بان الصد والحقت هجره=خايف تناسى باخر الوقت وتبور
القلب لامن صد يا ويش عذره= ما ينقبل عذره إلى نفخة الصور
ومنك العذر مقبول صغره وكبره=مانيب أصدق وان حصل قلت أنا زور
ياريم مالي معك حيله ودبره=أنقذ حياتي كيف باصبر على الجور
وصبرت أنا مالي على الصبر قدره=مدام انا في ايديك منهي ومأمور
إعطف على المسكين ثم أكسب أجره=تغفرلك الزلاّت والذنب مغفور[/poem]
