اتمنى أن تنال هذه الأبيات البسيطة أعجابكم
[poem=font="Simplified Arabic,5,black,bold,normal" bkcolor="transparent" bkimage="backgrounds/31.gif" border="solid,4,gray" type=1 line=1 align=center use=ex num="0,black"]
يا صاحبي لا تصدق اللي يعذلون = ما أحدٍ عرف ويش الذي بالنوايا
لو حاولوا بعض العرب بي يظنون = اعف نفسي عن دروب الخطايا
ولا أرضى على نفسي مذله ولا هون = واحفظ لساني لا يجيب الحكايا
واللي تعرض لي على الدرب ممنون = ما شيل غير الود بين الحنايا
ولا اسمع كلام الناس واللي يقولون = وش همنى باللي تقول البرايا
العالم اللي للخطايا يعدون = لو قلت لك كلمة تسوى سوايا
مالي بهم ماريدهم لي يمرون = وش لي بهم ياصار ماهم معايا
ارفع براسي فوق ما طالع الدون = وش لي بناسٍ يبحثون الخفايا
ولا أخاوي ألا اللي على الطيب يمشون = خوة رجال الطيب غاية منايا
الصحبة اللي بالّوازم يسدون = اللي لصحبتهم سمعنا الوصايا
ولا أخاوي الا اللي على السر مضمون = اللي يحفظه ما يسولف ورايا
وأنا أحمد الله صحبتي لي يعزون = وأفرض عليهم خوتي من وفايا[/poem]
محمد الهزاع
