الـــمــــعـــنى الـــعـــمـــيـــق
[poem=font="Simplified Arabic,7,black,bold,normal" bkcolor="transparent" bkimage="backgrounds/8.gif" border="solid,10,black" type=2 line=0 align=center use=ex num="0,black"]
القصيد ان ماقصد معنـى عميـق=انصـح إنّـه شاعـره مايكتبـه
أرفض إني هايم بـوادي سحيـق=وأعشق من الصّعب صعْبه وأصْعبه
كان غيري لارمـى ,دلْو,بعتيـق=وعجّزتـه وجـات بيـده متربـه
أعتليـت بسـرج سبـّاقٍ رشيـق=وقمْت بالميـدان معنـاي أهْذبـه
الحصان الحرْف والهجْس عليـق=ابعـده بالـروح صـوّت لأقربـه
القوافي بكْـر والشّاعـر عشيـق=وكـل مايغفـل طيوفـه تنـدبـه
قالو,أهل العرْف في معنى الصّديق=مثل حال الغـول والعنقا,,إحْسبـه
قلت انا هيهات والمعنـى طليـق=بشرّد الصّيـدات غـارس مخْلبـه
كأنصباب السيل من جرْف المضيق=من غيـومٍ الفكـر ديـمٍ مسْهبـه
في خيوط الشمس مشراقي يليـق=ماخذٍ مـن لـون حُمـرة مغْربـه
إعترض مبداي مرْهـي باللحيـق=وإعتلى الطّاروق عالـي مرْقبـه
قامـت الغرنـوق للفتنـه تويـق=ومـارده للعيـن رمْـشٍ يجْذبـه
مابه إنـسٍ يمتلـك قلـبٍ غليـق=وكل فيضه من مطرهـا معْشبـه
روّحت رسْلٍ فريـقٍ مـع فريـق=مرزماتٍ مـن صميـم الموْهبـه
المراجل مـوج عاشقْهـا غريـق=بين موت وبيـن عالـي المرْتبـه
اللسان حصان والمنطـق رحيـق=كـم هـذورٍ لـه لسـانٍ ينْكبـه
ابـن آدم بيـن جنّـات وحريـق=لأجـل ذنبـه ربّنـا اللـي أنّبـه
من أكل تفّاحة الغصـن الوريـق=وإن بغينا,الصّـدْق حوّا,مُذنـبـه
الأصايل وكْرها بشامـخ شهيـق=مثلمـا بالنّـاس عالـي منْسبـه
أرحب من الأرض للمعنى سميـق=والكفـوف الناديـات المرطـبـه
ذاك كفْوٍ,والنـدى بكفّـه لصيـق=مـردْردْ الجدّيـن ساسـه عرّبـه
لانخيتـه جـاك للفزعـه شقيـق=والهمـوم اليانخيـتـه ترْهـبـه
لـه يميـنٍ بالصّخا,سيـلٍ دفيـق=ولـه كـرومٍ بالوهايـب معْنبـه
لاغـدى لغربـان شمّاتـك نعيـق=صوّبه بالطيـب الأنقـى صوّبـه
شمس حزني مشعله فيني حريـق=جمـرهـا اللهّاث سمّد,منكـبـه
لايشـدّك معـدنٍ ضوحـه بريـق=بعض واهـج يخْذلـك بالتّجْربـه
إلاّ الأحْمق لاتحطّـه لـك رفيـق=كاسـر الجـرّات بالـك تصْحبـه
العقول خـروج مليـان وشليـق=وكل عقْلٍ حسـب قيمـة مزْهبـه
البشر مخلـوق حسّـاس ورقيـق=والليـالـي كالحيايا,,المسلـبـه
لاتسرّع كـان تجْهـل بالطّريـق=أحْذر من الـدّرْب لحْظـة تدْربـه
وعذْ,بربـك شرْ,وقّّّـابٍ غسيـق=بمحكـم الآيـات خوفـك طبّبـه
من صحا, بينـام والنّايـم يفيـق=وخير رأيٍ بين الأرْيـا, أصْوبـه
ميـزة الإتْقـان تفكيـرٍ دقـيـق=واعذب الشعر,اصدقه مهو اكذبـه
اما اجيـب الدر,وعقـود العقيـق=وكل من يسمع قصيـدي يعجبـه
والا احـرّم اكتبـه حلـفٍ وثيـق=ان ماخلقـت الاسئلـه والاجوبـه
ان كتبته والعـرب يبّـاس ريـق=كود اخلّي الشّيخ يحذف معْصبـه
ممتزج ماضيه في حاضـر أنيـق=ومفـرداتٍ كـل جيـلٍ تطْـربـه
القصيد غموض والمعنـى عميـق=كتبـه حـسْ المشاعـر يكْتبـه
[/poem]
