بسم الله الرحمن الرحيم
.
.
يقول احد الفلاسفه
عزو الفكر ....اخطر من عزو المدافع
احد من تأمركت عاداتهم....وتهلودت طباعهم ... واصبح عالمه المحدود "قريه صغيره
.
يقول
""البدو قطعه من الصحراء ...و لايملكون سوى ماتملكه الصحراء ""
دائما مايحاول دس السم بالعسل "مزحه برزحه" ويتهكم على البدو ..ويتباها باقامته السابقه بالخارج
.
.
"ملاحظه"
الاستاذ هاني .... هو اسمه
اما "عبيد" .... فهذا اسم دفعني لكتابة القصيده ....لااكثر
.
.
.
يقول
.
.
[poem=font="Simplified Arabic,6,white,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يااستاذ هاني..لاتجي سيرة عبيد = مادون حلق عبيد ياكود قافه
وصلت لمخ العظم ياابن الاجاويد = وانت تحقن سمك بسمن الظرافه
يااستاذ علم الامركه والهلاويد = هليودكم تشرب حثال السخافه
عاداتنا ..وطبوعنا يالمقيريد = اغنى المنابع من زلال الثقافه
بدوٍ فعايلنا طوالٍ سراميد = ومن جمعنا يظهر فريد الحصافه
لحظه...ابضربلك مثل فيه توكيد =كيف التفرد..في زمان الكثافه
راعي غنم..وامي..ومستوطن البيد = عاش بزمن عز انتشار الخرافه
عدل مفاهيم البشر..واصبح السيد = ووحد صفوفٍ يستحيل اصطفافه
ماللعجم بطلوع الاقمار تمجيد = "ونبينا" سبع السماوات طافه
ياستاذ هاني يازعيم العرابيد = يااستاذ نهج العربده والضعافه
حنا حضارتنا بناها الصناديد = من قبل عصر السلطنه والخلافه
حنا الفراعن وقت طق البواريد= ندحم على الموت الحمر مانخافه
ولاتقبل نفوس الرجاجيل رعديد= لاصغر ولد فينا تلامع رهافه
وحنا ذرى من عذبته المطاريد =وحنا كرم حاتم بوقت الضيافه
وحنا الفعول الطيبات المحاميد = وحنا الشيم واهل القيم والانافه
ولاكل من هاز الهدف ياصل الميد = عجزت عيال العجز ماهي نقافه
ياكم طيرٍ عينه تخازر الصيد = واقفى وخلى كل صيده خلافه
يااستاذ بدوٍ مالنا بالهرابيد = وللعلم فينا حب خل وولافه
نمزج فنون المعرفه بالتقاليد = في قالب الطاعه لربٍ نخافه
نقطف من اشجار المعارف عناقيد = ولاكل عنقودٍ لنا باقتطافه
بعض الثمر..قطفه يجيب المناقيد = لو كان طعمه مثل طعم الكنافه
وان قلت شجب..ويتلي الشجب تنديد= قلت ايييه ياويح الندا يالرصافه
لا والله الا العيد..جبناك يالعيد = من شاعرٍ مابهرجته الصحافه
اما تصدر مع عيال الاواليد = ولا فلا تعني لديه الوصافه
.[/poem]وسلامت قلوبكم
عساف...
