ياوجد حالي وجد من يطلب الديـن
[align=center]
[poem=font="Simplified Arabic,5,black,bold,normal" bkcolor="burlywood" bkimage="" border="none,4,gray" type=1 line=0 align=center use=ex num="0,black"]
ياوجد حالي وجد من يطلب الديـن=وضاموه في وضح النهار الرجالي
ذبح ولدهم بالخطـا قبـل عاميـن=ولقوه في دواً من النـاس خالـي
وذبح وصوب حول خمسه وعشرين=واقفـا وخـلا زوجتـه والعيالـي
وصابهم حامـي بـلاد الحرميـن=ثـم قـال ياربـي عليـك اتكالـي
وسلم لنفسه في ضحى يومه الشين=للمركز اللي كـان حولـه موالـي
وادخل ورا البيبان ضمن المساجين=وابطا ولازاره مـن النـاس والـي
وشاف العنا والهم والغبن والبيـن=وصابه من اللوعه شبيه الهبالـي
وزاروهم الشيخان وايضا السلاطين=وقالو نسوق الجاه هـو والحلالـي
وعيو ماهم بالجاه والمال معطيـن=والعفو ماله من طرفهـم مجالـي
ماوافقو عن كـل صلحـاً معييـن=وايقاً بيوم المـوت مابـه جدالـي
وان طال وقته صار بين المجانيـن=ياعـل مافالـه لنـا صـار فالـي
وانا خذيت من المبـادي عناويـن=وسهرة بالسباب الروابـع ليالـي
على الذي صوب ضميري بسهمين=واللي جرى لابن الملـوح جرالـي
الجادل اللي تملك العقـل والزيـن=والعقل تكمـل ميزتـه بالجمالـي
لكن البلا عن ديرة الزيـن منحيـن=وديارهم مابـه خطـوط اتصالـي
بدواًعلى مشهـات الاذواد ماشيـن=بمراحهـم ماهـل دور الهـلالـي
علميبهم بديارهـم قبـل شهريـن=غربي جبل حبران شـدو شمالـي
بديـار مابـه للمخطـط تثاميـن=للبـل عطايـاالله مراتـع مفالـي [/poem][/align]
