[align=center]السلام عليكم ... ابيات اتمنى تعجبكم وترقى لذائقتكم [/align]
[poem=font="Simplified Arabic,6,green,normal,italic" bkcolor="transparent" bkimage="backgrounds/1.gif" border="double,4,red" type=0 line=0 align=center use=ex num="0,black"]
قلبي غدا في سكـة الغـي وجلـي=وخوفي خطا رجلي تجي فيه عجله
ان كان ربي بازمتـي مافرجلـي=فأنا اشهدان الحظ طاح ودنا اجلـه
عاندمعي حـظ العنامابتهـج لـي=وانااتوددلـه ودوم ابتـهـج لــه
ساقن على درب الغرام ونسج لـي=من محكم اشباك الهوى مانسج لـه
لديت الى سودن مضاليـل نجلـي=وادركت حالي حل بالحـال نجلـه
أغظيت ابي فرقاه لاجله ولاجلـي=لكن رمتنـي والمزاريـق عجلـه
اللي على درب الغـرام ادرجلـي=وان انجرفت ورحت معه ادرج له
يمه جذبني وانجذبت وسهج لـي=احساس قلبن مانوى ينسهج لـه
تسمرت رجل الشقاء من هرج لي=وبلا شعورالقلـب فزوهـرج لـه
بالمختصردارالكـلام وغنـج لـي=ضيعت حتى ماقويـت اغنـج لـه
تكلمت والصوت خافت و خجلـي=راحت علومـي عندلقيـاه خجلـه
مدري وش اللي صاروالوقت عجلي=واحلاالصدف دايم سريعة وعجلـه
لأجله كتبت برائع الشعـر سجلـي=ينساب من شانـه مثـل نهردجلـه
واليوم بين وبين وامسيـت وجلـي=ومثلي يحسب لموقع اقـدام رجلـه[/poem]
