الشيخة للشاعر حسن دخيل التبيناوي بمحمد العبدالله
بسم الله الرحمن الرحيم
حقيقة أشكر الراوي الأخ / فواز الغسلان على جهده الدؤوب والمتواصل واهتمامه الكبير في تاريخ الآباء
والأجداد الله لايهينك يابو فهد مجرد إضافة حرفين وكل ماتتفضل به لايحتاج إضافات أبداً
(الشـيـــخـــة )
لحسن التبيناوي بالأمير / محمد عبدالله الرشيد يرحمه الله بمغزاه على عتيبه
[poem=font="Simplified Arabic,6,white,normal,normal" bkcolor="blue" bkimage="" border="double,9,sienna" type=2 line=0 align=center use=ex num="0,black"]
يامزنتن غراء مشت من لديده = منشاه من حد الهضاب المضله
جت من شمال وقبلتن مستريده = إذهاب خطو المصطفق عادتله
من خشم عرنان إلينة لضيده = باالطول ماجت با المخاييل كله
وباالبعد به من هام ضده يصيده = لوهو ورى دار الحبش مرتعله
نمراء على نجدن تعمر مديده = فيحاء من الماء كل واد ٍ تبله
زامت على خشم الهضاب المشيده = وطم العريق وخشم أبانات ضله
وإنـقـاد من بين القراياء مديده = فوق إجفناء وإبحـار والنـير هله
إبن عقيل هو ومسلط مجـيـده = هلت بردها فوقهم تقل جـلـه
وراح بغثاها مسلط ٍ ذاق عيده = من ماطره حتى القلوب إسفهله
مرهـاش ياما ضاع به من بديده = وياما هـفـابه من حلال ٍ وحله
خيال ٍ يفرق والدن عن وليده = من اللي يورث باالقلوب المذله
كدراء طحوح ٍمثل وصف الوقيده = إذهاب أجاويد العرب سهمتله
ياما أذهبت من شيخ قوم ٍ حميده = ومن عاشق ٍعقب الضحاء عاف خله
بتدبير من يـافي باالأشياء وعيده = اللي تولاء نجـد عقده وحـله
بسردن عشاهن بااللوازم حديده = كاالديدحـان لبوسهن يوم فـله
شقر(ن) زهت بلبوس غاوي جديده = وصفرن نقـاد الـمزنة المستهله
تشداء عراقيب الدباء يوم قيده = إن جدعوا حين الصباح الإجله
تحيزموا شيوخ الحـرار وعبيده = لمرهاش تجلاء عن صداء الكبد عله
مرهاش يتلف علط الأرقاب ميده = تشداء لجاج الحشر يوم إستهله
ثار العجاج وصوتوا باالوعيده = على جماعـة مسلط ٍ يوم حـله
حريبنا مـايهتني في رقـيـده = بكدراء ومثلوث الشفاء مردفله
وغوش اليتيم ليا تغازوا حميده = أبطـال وإن ثار الدخن منوتـله
بسعود طخم إرشوم مفني ضديده = فرز الوغى كساب دقـه وجله
ذعارالسباياءكان صارت وكيده = المصطفق زبن الطحوس الـمخله
إليا أقرشن باالأبطال يقصروريده = إن كربت قشط الـمحازم وحله
بـمصافق الأمواج زبن البليده = محمد نفل سبع الـمخاليق كـله
لو تجمع أقـلام الملاء لي وأزيده = تكتب خصايل ريف الأيتام كله
تحتار تبلش با الدفـاتـر مجيده = ليل الضلام اللي غـدابه مـدله
إن قلت سلطان(ن) تراء هو عنيده = وإن قلت درة كوثرن مـا تـمله
إن قلت نوّر نجـد عمه وسيده = سـراجـه ولكبود الصناديد عله
مغني الفقاراء باالسنين اللهيده = تلقاء اليتامـاء والبوش في محله
من كل ناحن مـاتـميز عقيده = تشداء حجيج البيت يااللي فطله
يجف طـاري مجـدهم يوم أريده = واللي حذاكم مثل غوجن نـتله
ياتالي الأجواد وين الوعـيـده = اللي وعدتوني تراء مسـتحـله
عطيتن مـابين أمـير وقـعيده = وحمود عندك خابره شـاهدن له
يامـا عطيتوا مثل عنق الفريده = ومن خزنتن تغني الفقاراء المقله
ومن غرستن يغني مصافق جريده = وأقطاع تبراء له خطات السمله
الله يجمع زولكم عن بـعـيده = عن خوف يفرحن القلوب المغله
ياللي لكم سبع القبايل مقيده = با الملك ماجت با ا لتواريخ لله
ماهي عطاءجت في قواطع حديده = بضرب الهنادي لين أطاعت وذله
وصلوا على خير البراياء وسيده = إمحمد الـمعصوم عن كل زله[/poem]
((((( وتقبلوا تحيات الشاعر والرآوي / مبارك طناء مبيريك النبيناوي)))))
بسم الله الرحمن الرحيم
قصيده للشاعر / حسن بن دخيل التبيناوي بالأمير/ محمد العبدالله الرشيد يرحمه الله
بمغزاه على الطايف وعلى عتيبه وسبيع والسهول والبقوم والوداعين الى الخرج
[poem=font="Simplified Arabic,6,white,normal,normal" bkcolor="darkblue" bkimage="" border="double,9,sienna" type=2 line=0 align=center use=ex num="0,black"]
عقاب (ن) يلوج بخروع (ن) مزمغده = عيطـاء لعقبان المشاريف ميعاد
شهر يضم الريش من عقب مده = أتلف بعيدات الـمناحي باالأوعاد
مربوع كف (ن) تقل كلوب عـده = زين الدوّر يغني الفقاراء والأجواد
عطب اليمين اللي ربح من يهده = أغنى من الحرة ليا دار الأكراد
لاهوب يودع ناعم الروح قدّه = بسيبـيّتن تخلف شغاميم الأولاد
بااللآل ضربهم على المستجده = مع دبّت اللي قبل يسعى با الأبعاد
يوم إنتوى قيمة ثلاثين شــدّه = ورد على قروّن رماء الدرب بعياد
على الـمـويـه وعقبن كل شدّه =جوه السبور من أشهب اللال شراد
وطبق لمن في نـيـتـه وإسـترده =بوادي سبيعن من ورى نجد من غاد
الشرب شرعن ماأحتمل شرب عدّه = اللي وطن بنحورهن سبعة أبداد
صـاد العتيبي والسبيعي بـسـده = وسكن اليمن يبلش بهم كل عداد
وصـاد الشريف ولا أخذته مستوده =وسهول وبقوم ووداعين وعـبـاد
بلا غـارتن جاهم على الهون كدّه =نصرن من المولى على كل مـاراد
الصبح جـاه مرنتن مـجـرهـده= وجمع قطينه والـمـنادي ولا فـاد
والـمـال ضيّع مـالقـاء من يضدّه = ليا الحشر ماجت في تصـابيح الأفواد
شبع به الـمـردود واللي يـرده=واللي يحوش من الغـواء كل حصاد
وخيّم ليا مـا عقب الفود حـده=كلن نهج يجني تقل جني جـــرّاد
وأقـام خمس أوجاب لين إسـتـعدّه=ومـد الضحى كنّه بسـاتين وإعقاد
مثل الخـيال إستشملت مستـغـدّه=دهم الـمـزون اللي سقت كل ورّاد
هجـامن على روس الـمشاريف مدّه=توّرخ وتطني من قعد فوق الأسـناد
كونن جرى ياحمود يبلش مـرّده=من عصر إبن داؤد ماجـاء باالأوجـاد
من الخرج للطايف هكا اليوم جـدّه=جدّت عذوق رخيمـين بيد جــداد
كـرامـتن تطني على الناس بــدّه= غيري واللي يافـرز الأبطـال معتاد
مـاله غـزاتن يوم كرب الأشـده= غـير إنت يااللي للمخـاليق كداد
شـيخ (ن) على سبع القبايل وبـده =من دورنا الحاضر ليا عصر إبن عـاد
قنديل من صنـعـاء ليا باب جده = ليا مصر ٍ(ن) الغربي ليا دار الأكـراد
ضـفـه وصـفـاء جـالها وإسترده= بهونن وهي عنده تقل شرب مقصـاد
لك الحمد عن كل الـمـطـاليع لده = وسـدد مـناهيج الـمطاميع من غـاد
فـعل(ن) من الـماضي قـديمن نعده= بضرب الزلازل والصعـاصيع وعـتـاد
با السيف مـاشـخنـا عطيت موّده = ولا من صـناديـد القبايل والأجـنـاد
بـغمـد(ن)كماريش الصعو فوق خده= عـبـثـن بروس اللي يدورون الأزواد
كم من قـبـاله راس قـوم(ن) يـجده = ولا سـال عن مـا قـال محمود ومراد
مـاقـال إبن مـرداس عندك مـرده= يا الليث يامـقـدم بعـيـدين الأطـواد
عـزّك من الـباري عسى فـال غـدّه= نـصـر(ن) من اللي له هل العلم مـجـاد
إن قيل بارز والـهـجـاهـيج صـده = عـافوا قـرايـا بكر يدعون عـواد
وسـايل الشـنبل تقل شـلـق جـده = مافات سـبرّه جاهل (ن) واف الأجداد
شـفـقـن على تركي نسيب(ن) نوده = اللي خـذه في جـيرتن بين الأوكـاد
من البيت جـره والوجيه الـمـصـده = ينخاء ولا عنده صـوايـيـح وإطـراد
وإبن مـصـارع جـوزته يوم حـده = قال الـمـهيدي قصرتي غض الأنـهـاد
جـار(ن) ولابه لامـتن يوم كـده = من خوف مثل ال*** يطرد عن الـزاد
إلا إذا طـيـر الـمـشـاريف رده = رد إمـهـاتـه مع شـراشـيح الأذواد
يوم أقبل الجـمـع الـردايـف يـحـده = وعرفوا كـمـين محمد ٍ ريف الأفـنـاد
بـجـرعـاء الشـنـافيه والأبطال صده = يوم الدخن خلف الـمـضـاهير يـنقـاد
إن قـاله الله يا الـمـهـيـدي تـمـده = وتسعى بيوم (ن) لاسـعـابه ولا عـاد
من اللي لـيـا نـاش الـجـليله يـقـده = محمد لجـزلات الجـلـيلات صـيـاد
تشبع نوامـيـس الـخـلاء في مـهـده = وإخصال تتعب من تـقـصـاء بالأمـجاد
وصـلاة ربي عــد مـاهـل مـــده = على الرسول أزكى صـلاتي بالإجـهـاد[/poem]
تقبلوا تحيات (((الشاعر والرآوي / مبارك طناء مبيريك التبيناوي)))
