مثل حال هذا منهو اللي بيجفاها
[poem=font="Simplified Arabic,5,white,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
أنا صابرن صبرن برى الحال منه وشد = شديد البدو من د يرتن قل مراعاها
تسابق عليها الريح لين أصبحت جرهد=مايعجب هل البل لامراعاها ولاماءها
على واحدن حاول معي لين ملت وصد=مااحسبه يسوى هالسوايا وسواها
يدر ني على لاماه ومشاهده منحد=تمكن وجر عروق قلبي من أقصاها
أنا وش اسوي صار بيني وبينه حد=تقاليد واسلوم العرب مااقدر اطاها
كانه ماتفكر في سوايه في ورد=معنات أنه أنهك باقي الحال وأنهاها
أبو قذلتن شقراء ونعقن طويل وخد=خذت مني فؤادي وأنا ازريت لاألقاها
أنا كل ماأذكر خده وطرفه الأسود=ماألوم الخفوق ولا أسئل العين وش جاها
الا بري حالي يوم عرض علي ولد= عراوي فؤادي جرها من حناياها
صواريخ سوده مالها في دفاعي ضد=استسلم تحت رب الملا واتحراها
تحري يتيمن للعصا خايفن مجلد=تسابق دموعه لين عينه نشف ماها
تذرا بكفه كلما شاف مدت يد= يحسبنها يمه بيبطي ماينساها
أن سألكم بالله يااهل المعرفه جد=مثل حال هذا منهو اللي بيجفاها[/poem]
